შოთა რუსთაველის სახელმწიფო უნივერსიტეტში საერთაშორისო კონფერენცია ,,ბათუმი-გაზაფხული-2010“ დაიწყო. კონფერენცია სხვა საპატიო სტუმრებთან ერთად ევროკავშირის ელჩმა საქართველოში პერ ეკლუნდმა გახსნა. ,,ბათუმი-გაზაფხული-2010“ ევროპის დღეს - 9 მაისს ეძღვნება და მისი მიზანია მსოფლიოს მდგრადი განვითარების თანამედროვე მიდგომების შემუშავება. სამდღიან კონფერენციაში ევროპის 20-მდე ქვეყნის 200 ცნობილი მეცნიერი, დიპლომატი და პოლიტიკოსი ღებულობს მონაწილეობს
რსუ-ს სტუდენტებმა 21 და 28 აპრილს ტელეკომპანია „მზის“ ინტელექტუალურ გადაცემა ,,ეტალონში“ მიიღეს მონაწილეობა, რომელიც უნივერსიტეტის 75 წლის იუბილეს მიეძღვნა. პირველობა სოციალურ მეცნიერებათა, ბიზნესისა და სამართალმცოდნეობის ფაკულტეტის მესამე კურსის სტუდენტს მარი ოქროპირიძესა და ჰუმანიტარულ მეცნიერებათა ფაკულტეტის მეორე კურსის სტუდენტს თეონა გუნთაიშვილს ერგო. მედია პროექტი სრულიად საქართველოს კათოლიკოს–პატრიარქის უწმინდესისა და უნეტარესის ილია II ლოცვა–კურთხევით ხორციელდება.
უნივერსიტეტში ბრიტანეთის საბჭოს, საქართველოს ეროვნული მუზეუმისა და ილიას სახელმწიფო უნივერსიტეტის ერთობლივი პროექტის ფარგლებში დარვინის დღე აღინიშნა. გაიმართა ცნობილი მეცნიერის დაბადებიდან 200 წლისა და ნაშრომის „სახეობათა წარმოშობის” გამოქვეყნებიდან 150 წლის იუბილესადმი მიძღვნილი გამოფენა და საჯარო ლექცია თემაზე: ,,სახეობათა წარმოშობა“
საერთაშორისო კონფერენცია ,,ანთროპოლოგიური კვლევები და განათლება: ტრადიცია და პერსპექტივები“ შოთა რუსთაველის სახელმწიფო უნივერსიტეტის 75 წლისთავს მიეძღვნა. ორდღიანი კონფერენცია მიზნად ისახავს ქართული სამეცნიერო წრეების საერთაშორისო სივრცესთან ინტეგრაციასა და ანთროპოლოგიური კვლევების სფეროში არსებული ინფორმაციის გაცვლას. ანთროპოლოგიის განვითარების პერსპექტივები ქართველებთან ერთად გერმანელმა, იტალიელმა, ჰოლანდიელმა, პორტუგალიელმა და სომეხმა მეცნიერებმა განიხილეს.
საბუნებისმეტყველო მეცნიერებათა ფაკულტეტის სტუდენტებმა დედამიწის საერთაშორისო დღე რამდენიმე ღონისძიებით აღნიშნეს. მომავალმა ბიოლოგებმა ბათუმის ბულვარში წიწვოვანი მცენარეები დარგეს და გარემოს დაცვასა და ეკოლოგიურ საფრთხეებს ვორქ-შოფი სახელწოდებთ ,,დედამიწა - ჩვენი პლანეტა“ მიუძღვნეს. საქართველოში დედამიწის საერთაშორისო დღე 1991 წლიდან აღინიშნება.
