2024 წლის 19 ნოემბრიდან 21 ნოემბრის ჩათვლით, ERASMUS+ საგრანტო პროექტის „ინტენსიური განვითარების პროექტში სწავლა-ინოვაცია გაყიდვა" (101128310-LISS24-ERASMUS-EDU-2023-CBHE Learn-Innvate-Sell-Succeed) ფარგლებში, ბსუ-ს ტექნოლოგიური ფაკულტეტის დეკანი, პროფესორი გაიოზ ფარცხალაძე, ტექნოლოგიური ფაკულტეტის ხარისხის უზრუნველყოფის სამსახურის უფროსი, პროფესორი, გოჩა ჩავლეშვილი და სტრატეგიული განვითარებისა და საერთაშორისო ურთიერთობების დეპარტამენტის მთავარი სპეციალისტი ხათუნა ხაბაძე იმყოფებოდნენ ესპანეთში, ქალაქ ვალენსიაში.

ბსუ-ს ტექნოლოგიურ ფაკულტეტზე, GITA-ს ორგანიზებით და ბსუ-ს მხარდაჭერით გაიმართა საუნივერსიტეტო კონკურსის - UNI4VERSE -ის საინფორმაციო შეხვედრა. შეხვედრაზე ტექნოპარკების პროექტების მენეჯერმა მარიამ ვარდიძემ, ბათუმის ტექნოპარკის მენეჯერმა ქეთევან ბულისკირიამ, GITA-ს წარმომადგენლებმა - სოსო ბერიკაშვილმა და ავთანდილ თავდიშვილმა, ბათუმის ტექნოპარკის ფაბლაბის სპეციალისტმა თამაზ ჩხარტიშვილმა სტუდენტებს საუნივერსიტეტო კონკურსთან დაკავშირებით დეტალური ინფორმაცია მიაწოდეს. სტუმრებმა სტუდენტებს გააცნეს კონკურსში მონაწილეობის პირობები, კონკურსის ეტაპები, შეფასების კრიტერიუმები და მათ შეკითხვებს უპასუხეს.

ტექნოლოგიური ფაკულტეტის დეკანი, ადმინისტრაციის წარმომადგენლებთან და პროფესორ-მასწავლებლებთან ერთად, პირველკურსელებს შეხვდნენ, ახალგაზრდებს სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების საუნივერსიტეტო ცხოვრებას, ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, სტიპენდიებს, გაცვლით პროგრამებს, ელექტრონულ სერვისებსა და კულტურულ-საგანმანათლებლო პროექტებს გაეცნენ. შეხვედრა კითხვა-პასუხის რეჟიმში გაგრძელდა და სტუდენტებმა მათთვის საინტერესო კითხვებზე ამომწურავი პასუხები მიიღეს.

ტეხასის Prairie View A&M უნივერსიტეტში ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის აგრარული მიმართულების სტუდენტები: მერი წილოსანი, გიორგი კილასონია და ლუკა ნინიძე ამერიკის შეერთებული შტატების სოფლის მეურნეობის დეპარტამენტის USDA-ს კლიმატგონივრული სოფლის მეურნეობის ექსტენციის პროექტის ფარგლებში სტაჟირებას გადიან. სტუდენტები ეცნობიან აშშ-ის ექსტენციის სისტემას და მონაწილეობენ უნივერსიტეტის კვლევით და პრაქტიკულ აქტივობაში. კლიმატგონივრული სოფლის მეურნეობის ექსტენციის პროექტი დაფინანსებულია აშშ-ის სოფლის მეურნეობის დეპარტამენტის მიერ და ბათუმის შოთა რუსთაველის სახელმწიფო უნივერსიტეტთნ ერთად, სექტორული პლატფორმა „მომავლის ფერმერი“ ახორციელებს.

ბათუმის შოთა რუსთაველის სახელმწიფო უნივერსიტეტში ტექნოლოგიური ფაკულტეტის 2024 წლის კურსდამთავრებულთა გამოშვების საზეიმო ცერემონია გაიმართა. მანტიებში გამოწყობილ კურსდამთავრებულებს სწავლის დასრულება მიულოცეს და წარმატებები უსურვეს ბსუ-ს რექტორმა მერაბ ხალვაშმა, რექტორის მოადგილეებმა თამარ სირაძემ, ანზორ ბერიძემ და პროფესორ-მასწავლებლებმა. ტექნოლოგიური ფაკულტეტის საბაკალავრო და სამაგისტრო საგანმანათლებლო პროგრამები 58-მა სტუდენტმა დაამთავრა. კურსდამთავრებულთა გამოშვების საზეიმო ცერემონიაზე ყველა კურსდამთავრებულს სიგელი გადაეცა, ხოლო სწავლის პერიოდში გამორჩეული აკადემიური მოსწრებისა და ფაკულტეტის ცხოვრებაში აქტიური მონაწილეობისთვის 19 სტუდენტი დაჯილდოვდა. ღონისძიება ქუდების ასროლითა და საზეიმო ტორტის გაჭრით დასრულდა.