ბსუ-ს ტექნოლოგიურ ფაკულტეტის ინოვაციების ცენტრში, „ერაზმუს+“-ის RURD-ის პროექტის ფარგლებში სამუშაო შეხვედრა გაიმართა. სტუდენტები და პროფესორ-მასწავლებლები გაეცნენ ლიეტუვას ვიტაუტას მაგნუსის უნივერსიტეტსა და სანტიაგო დე კომპოსტელას უნივერსიტეტში მიღებულ გამოცდილებას. პრეზენტაცია მომზადდა ლიეტუვას ვიტაუტას მაგნუსის უნივერსიტეტის ცოდნისა და ტექნოლოგიების გადაცემის ცენტრის გამოცდილებაზე დაყრდნობით, რომელიც გაიზიარა ტექნოლოგიური ფაკულტეტის ინოვაციების ცენტრმა სამომავლო საქმიანობისთვის.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტი მე-11 საერთაშორისო სამშენებლო მასალების, ტექნოლოგიებისა და უძრავი ქონების გამოფენაში „Batumi Build 2022” მონაწილეობს. გამოფენაზე წარმოდგენილია ბსუ-ს ფაბლაბში დამზადებული სხვადასხვა არქიტექტურული კონსტრუქციები და მაკეტები. ღონისძიება კომპანია „GEONET EXPO–ის“ ორგანიზებით იმართება და სამ დღეს გაგრძელდება.

ბათუმის შოთა რუსთაველის სახელმწიფო უნივერსიტეტის ტექნოლოგიური და საბუნებისმეტყველო მეცნიერებათა და ჯანდაცვის ფაკულტეტის ათმა სტუდენტმა და კურსდამთავრებულმა აჭარის ა.რ. სოფლის მეურნეობის სამინისტროს 2021 წლის ქვეპროგრამის „საგანმანათლებლო და სამეცნიერო პრაქტიკის დანერგვის“ ფარგლებში, სამინისტროსა და მის საქვეუწყებო დაწესებულებებში ანაზღაურებადი, ექვსთვიანი სტაჟირება გაიარა.

„Erasmus+“-ის საგრანტო პროექტში „საგანმანათლებლო, სამეცნიერო, მართვის და ინდუსტრიული კომპეტენციების ერთობლიობა კლიმატის მართვისა და კლიმატის ცვლილებების პრევენციისათვის“ ჩართულმა პროფესორ-მასწავლებლებმა მონაწილეობა მიიღეს მრგვალი მაგიდაში „საგანმანათლებლო, სამეცნიერო, მართვის და ინდუსტრიული კომპეტენციების ერთობლიობა კლიმატის მართვისა და კლიმატის ცვლილებების პრევენციისათვის“ და საერთაშორისო კონფერენციაში „უმაღლესი განათლების ეკოლოგიური ორიენტაცია - მეთოდოლოგია და პრაქტიკა - 2021“. ღონისძიებებზე საკუთარი შეხედულებები წარმოადგინეს პროექტის კოორდინატორმა ბსუ-ში, ზუსტ მეცნიერებათა და განათლების ფაკულტეტის დეკანმა ლელა თურმანიძემ, ეკონომიკისა და ბიზნესის ფაკულტეტის ასისტენტ პროფესორმა თამარ ღოღობერიძემ, ტექნოლოგიური ფაკულტეტის ასოცირებულმა პროფესორმა დარეჯან ჯაშმა და ასისტენტ პროფესორი ნუნუ ნაკაშიძემ.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის, საქართველოს ტექნიკური უნივერსიტეტის სამშენებლო ფაკულტეტის და პოლონეთის ბელოსტოკის პოლიტექნიკური უნივერსიტეტის წყლისა და გარემოს დაცვის ფაკულტეტის ორგანიზებით გაიმართა სემინარი „წყალმომარაგებისა და წყალარინების სისტემების მოდელირება“. სემინარის ფარგლებში განხილული იყო საკითხები „წყალმომარაგებისა და წყალარინების სისტემების კომპიუტერული მოდელირება“ და „GIS-ის გამოყენება წყალმომარაგებისა და წყალარინების ქსელების მოდელირებისათვის“.