ბსუ-ს ტექნოლოგიური ფაკულტეტის 2021 წლის 19 აპრილის №26-07/5 საოქმო გადაწყვეტილებით გამოცხადდეს ტექნოლოგიური ფაკულტეტის დეკანის არჩევნები.კანდიდატთა რეგისტრაცია იწარმოებს ბსუ-ს საარჩევნო კომისიაში (მისამართი: ნინოშვილის/რუსთაველის 35/32, ოთახი №13) 2021 წლის 19 მაისიდან 2021 წლის 25 მაისის ჩათვლით, 11:00-დან 16:00 საათამდე.

ბსუ-ს ტექნოლოგიური ფაკულტეტის აგრარული მიმართულების სტუდენტებმა, ქალთა საფეხბურთო კლუბ „ლანჩხუთის“ წევრებმა ნინი გუჯაბიძემ, მარიამ გოგეშვილმა, ნინო ჩხარტიშვილმა და ფსიქოლოგიის მიმართულების სტუდენტმა ლანა მჟავიამ კიდევ ერთ წარმატებას მიაღწიეს უეფას ქალთა ჩემპიონატში. ქართველმა სპორტსმენებმა რუმინეთში გამართულ ქალთა ჩემპიონთა ლიგის დასკვნითი საკვალიფიკაციო ეტაპის ფინალურ შეხვედრაში მასპინძელი ქვეყნის ჩემპიონი „კლუჟი“ დაამარცხეს ანგარიშით 1:0. „ლანჩხუთი“ პირველი ქართული საფეხბურთო კლუბია, რომელიც ჩემპიონთა ლიგაზე იასპარეზებს. ბათუმის შოთა რუსთაველის სახელმწიფო უნივერსიტეტი სტუდენტებს ულოცავს მნიშვნელოვან გამარჯვებას და წარმატებებს უსურვებს.

ბსუ-ს ტექნოლოგიური ფაკულტეტის აგრარული მიმართულების სტუდენტებმა, ქალთა საფეხბურთო კლუბ „ლანჩხუთის“ წევრებმა ნინი გუჯაბიძემ, მარიამ გოგეშვილმა და ნინო ჩხრტიშვილმა წარმატებულად იასპარეზეს უეფას ქალთა ჩემპიონატის ლიგის საკვალიფიკაციო ეტაპზე. ქართველმა სპორტსმენებმა შიმკენტში გამართულ ჩემპიონთა ლიგის 2020-21 წლების პირველ საკვალიფიკაციო ეტაპზე ყაზახურ ოკჟეტპესს დამატებით დროში 2:1 სძლიეს. კლუბი „ლანჩხუთი“ ქართული ფეხბურთის ისტორიაში პირველი გუნდი გახდა, რომელმაც უეფას ქალთა ჩემპიონთა ლიგის მეორე საკვალიფიკაციო ეტაპის საგზური მოიპოვა. „ლანჩხუთი“ უეფას ჩემპიონთა ლიგის მეორე საკვალიფიკაციო ეტაპის შეხვედრას 18/19 ნოემბერს ჩაატარებს და ქსკ „ოლიმპია კლუჟს“ რუმინეთში დაუპირისპირდება.

„საქართველოს მექანიკოსთა კავშირის“ XI ყოველწლიური საერთაშორისო კონფერენცია ჩატარდა 27-29 აგვისტოს ბათუმის შოთა რუსთაველის სახელმწიფო უნივერსიტეტში. სამდღიანი სამეცნიერო სესიის მიზანი იყო მექანიკაში არსებული პრობლემების წარმოჩენა და გადაჭრა. საერთაშორისო სამეცნიერო კონფერენციის მუშაობაში 4 ქვეყნის 100-ზე მეტი პროფესორ-მასწავლებელი და მკვლევარი ჩაერთო. მონაწილეები ოთხ სექციაში თეორიული მექანიკის; მასალათა გამძლეობის; დრეკადობის თეორიის; სამშენებლო მექანიკის; მანქანათა მექანიზმების თეორიის; მანქანათა ნაწილების; სითხეების მექანიკის და საინჟინრო სისტემებთან დაკავშირებულ საკითხებს განიხილავდნენ.

ბათუმის შოთა რუსთაველის სახელმწიფო უნივერსიტეტის ტექნოლოგიურ ფაკულტეტზე ვიზიტით იმყოფებოდნენ სან დიეგოს უნივერსიტეტის დეკანი პროფესორი ჰალილ გუვენი, საერთაშორისო განათლების ცენტრის დირექტორი ნინო ჩინჩალაძე, ცენტრის პროგრამების მენეჯერი გაგა გიგიბერია და ცენტრის წარმომადგენელი ბათუმში ნინო ინაიშვილი.