ბათუმის შოთა რუსთაველის სახელმწიფო უნივერსიტეტში კრეატიული სტარტაპების საქართველოს ჩემპიონატის, სიბისი 2017-ის წარდგინება გაიმართა. ტურნირის მიზანი და მასში მონაწილეობის პირობები ტურიზმის ფაკულტეტის სტუდენტებს სიბისი ჯორჯია-ს დამფუძნებელმა გელა სულიმ და აჭარის განათლების, კულტურისა და სპორტის მინისტრის მოადგილემ თეონა ბერიძემ გააცნეს. პრეზენტაციაზე მათ ასევე ისაუბრეს კრეატიული სტარტაპების აჭარის რეგიონალური ტურნირზე, რომელიც ბათუმში 10 აპრილს ჩატარდება. „სიბისი ჯორჯიას“ ეროვნულო ჩემპიონატი ტარდება როგორც ბიზნეს სექტორის ჩართულობით, ასევე შესაბამისი სახელმწიფო სტრუქტურების მხარდაჭერით. ორგანიზაცია უზრუნველყოფს ჩვენს ქვეყანაში ინიცირებული კრეატიული ბიზნეს იდეების, კონკურსის წესით პროექტების მიღებას და საერთაშორისო კონკურსზე წარდგენას.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის დეკანი პროფესორი როსტომ ბერიძე და ფაკულტეტის ხარისხის უზრუნველყოფის სამსახურის უფროსი, ასისტენტ პროფესორი მერაბ დიასამიძე 12-19 მარტს სამუშაო ვიზიტით ზალცბურგის გამოყენებით მეცნიერებათა უნივერსიტეტს სტუმრობდნენ. ზალცბურგის უნივერსიტეტის ინოვაციებისა და ტურიზმის ფაკულტეტთან ერთად ბსუ-ს ტურიზმის ფაკულტეტი ამზადებს საერთაშორისო პროექტს, რომელიც ითვალისწინებს რეგიონში, ტურიზმის ინდუსტრიაში არსებული მცირე მეწარმეების სწავლება-კონსულტირებასა და მათ განვითარებას. პროექტს ავსტრიის განვითარების კომპანია დააფინანსებს და მისი სავარაუდო ბიუჯეტი 1 000 000 ევრო იქნება.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ადმინისტრაციის წარმომადგენლებს და სტუდენტებს სასტუმრო “Sheraton Batumi”-ის გენერალური მენეჯერი შეხვდა. აპოსტოლოს პაპატოლიოსი სტუდენტებს აჭარაში სასტუმრო ბიზნესის სამომავლო პერსპექტივებზე, სასტუმროში დასაქმების შესაძლებლობებზე და მათ მოთხოვნებზე ესაუბრა. სასტუმროს გენერალურმა მენეჯერმა მომავალი პარტნიორობის ნიშნად ტურიზმის ფაკულტეტის დეკანთან საუბრისას სურვილი გამოთქვა ფაკულტეტზე “Sheraton Batumi”-ის სახელით ერთი აუდიტორია შესაბამისი ინვენტარითა და ტექნიკით აღჭურვოს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებს სასტუმრო “Autograph Collection-Shekvetili”-ის ადამიანური რესურსების მართვის დეპარტამენტის ხელმძღვანელი შეხვდა. დავით ყიფიანი სტუდენტებს სასტუმრო ინდუსტრიის განვითარების და დასაქმების შესაძლებლობებზე ესაუბრა.

ბათუმის შოთა რუსთაველის სახელმწიფო უნუივერსიტეტის ტურიზმის ფაკულტეტის 35 სტუდენტი სასწავლო პრაქტიკას გერმანიაში გაივლიან. 3 თვის განმავლობაში სტუდენტები გერმანიის მაღალი კლასის სასტუმროებში გაეცნობიან სასტუმროს ყველა ძირითად სტრუქტურულ ერთეულს.