ბათუმის შოთა რუსთაველის სახელმწიფო უნუივერსიტეტის ტურიზმის ფაკულტეტის 35 სტუდენტი სასწავლო პრაქტიკას გერმანიაში გაივლიან. 3 თვის განმავლობაში სტუდენტები გერმანიის მაღალი კლასის სასტუმროებში გაეცნობიან სასტუმროს ყველა ძირითად სტრუქტურულ ერთეულს.

სასტუმრო „ჰილტონ ბათუმში“ „Sky Bar Nephele’’-ში ტურიზმის ფაკულტეტის საახალწლო წვეულება გაიმართა. სტუდენტებს დღესასწაული დეკანმა, პროფესორმა როსტომ ბერიძემ, აჭარის ტურიზმისა და კურორტების დეპარტამენტის ხელმძღვანელმა მამუკა ბერძენიშვილმა და პროფესორ-მასწავლებლებმა მიულოცეს.

ტარას შევჩენკოს სახელობის ლუგანსკის ნაციონალური უნივერსიტეტის ვაჭრობის, მომსახურებისა და ტურიზმის საგანმანათლებლო და სამეცნიერო-კვლევითი ინსტიტუტის დირექტორი ვიქტორ დრელი ორდღიანი ვიზიტით ბათუმის შოთა რუსთაველის სახელმწიფო უნივერსიტეტში იმყოფებოდა. უნივერსიტეტის რექტორთან მერაბ ხალვაშთან, რექტორის მოადგილესთან ინგა შამილიშვილთან, ტურიზმის ფაკულტეტის დეკანთან როსტომ ბერიძესთან და პროფესორ-მასწავლებლებთან გამართული შეხვედრების შემდეგ ხელი მოეწერა თანამშრომლობის მემორანდუმს. დოკუმენტის თანახმად, მხარეები განახორციელებენ სტუდენტთა და პროფესორ-მასწავლებელთა გაცვლით პროგრამებს, სამეცნიერო და საგანმანათლებლო პროექტებს, შეიქმნება ერთობლივი სადოქტორო პროგრამა, ჩატარდება კონფერენციები, სემინარები, ტრენინგები და საზაფხულო სკოლები. მემორანდუმის ფარგლებში დაიგეგმა ტურიზმის ფაკულტეტისა და პარტნიორი სამეცნიერო-კვლევითი ინსტიტუტის ერთობლივი საზაფხულო სკოლის ჩატარება. გარდა ამისა, უკრაინელი სტუდენტები სასწავლო პრაქტიკას ბათუმში გაივლიან და ამოქმედდება ერთსემესტრიანი გაცვლითი პროგრამები.

ბათუმის შოთა რუსთველის სახელმწიფო უნივერსიტეტის ტურიზმის ფაკულტეტის სტუდენტები ერთობლივი პროექტის „მდგრადი ტურიზმი: სოფლად მეწარმეობა და კულტურული მემკვიდრეობა. ყირგიზეთს, საქართველოსა და ნორვეგიას შორის განათლების სფეროში თანამშრომლობა“ მეორე ეტაპის ფარგლებში სასწავლებლად ნორვეგიასა და ყირგიზეთში გაემგზავრებიან.

სასტუმრო “Autograph Collection-Shekvetili”-ის ადამიანური რესურსების მართვის დეპარტამენტის ხელმძღვანელმა ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებს შეხვდა. ბატონმა დავითმა ახალგაზრდებს სასტუმროს შესახებ და ტურიზმის ფაკულტეტთან პარტნიორობის სტრატეგიის მნიშვნელობასთან ერთად დასაქმების შესაძლებლობებზე ესაუბრა. სასტუმროს ხელმძღვანელობა სურვილს გამოთქვამს და იმედოვნებს, რომ სასტუმროს პერსონალის დაკომპლექტება ძირითადად ტურიზმის ფაკულტეტის სტუდენტებით მოხდება. 5 ვარსკვლავიანი სასტუმრო-კომპლექსის გახსნა 2017 წლის მაისში იგეგმება.