ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის მეოთხე კურსის ოთხ სტუდენტს სასტუმრო „ჰილტონი ბათუმმა“ ერთწლიანი სტიპენდიები გადასცა ასი ლარის ოდენობით. კომპეტენტურმა ჟიურიმ სტიპენდიანტები: მეგი ბეჟანიძე, თეონა ქარცივაძე, თამარ ლომაძე და მარიამ ავალიანი კონკურსის წესით, პროექტის „როგორ ვაქციოთ ბათუმი აქტიურ ტურისტულ დანიშნულების ადგილად მთელი წლის განმავლობაში“ ინგლისურ ენაზე წარდგინების შემდეგ გამოავლინა. ახალგაზრდებს შესაძლებლობა ეძლევათ აგერთვე ერთი წლის განმავლობაში, შაბათ-კვირას სასწავლო პრაქტიკა გაიარონ სასტუმრო „ჰილტონ ბათუმში“. სტიპენდიანტთა შესარჩევი მორიგი კონკურსი 2017 წელს ჩატარდება. სასტუმროში პრაქტიკა დღემდე ტურიზმის ფაკულტეტის 50-ზე მეტმა სტუდენტმა გაიარა.

საჯარო სამართლის იურიდიული პირის - ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის საბჭო ბაკალავრიატისა და მაგისტრატურის საგანმანათლებლო პროგრამების სტუდენტთათვის სახელობითი სტიპენდიების მოსაპოვებლად აცხადებს კონკურსს

ტემპუსის პროექტის LMPH-ის ფარგლებში, ბათუმის შოთა რუსთაველის სახელმწიფო უნივერსიტეტს გრენობლის აკადემიის რექტორი მიშელ ბროსე და პროექტის კოორდინატორი, გრენობლის უნივერსიტეტის პროფესორი ჟან ნოელ პიშუ ეწვივნენ. სტუმრებმა უნივერსიტეტის რექტორთან მერაბ ხალვაშთან, ტურიზმის ფაკულტეტის დეკანთან როსტომ ბერიძესთან და პროფესორ-მასწავლებლებთან გამართულ შეხვედრაზე სამომავლო თანამშრომლობის მიმართულებებსა და გეგმებზე ისაუბრეს. ტემპუსის პროექტი „ტურიზმის ინდუსტრიის განვითარებისთვის პროფესიული, საბაკალავრო და სამაგისტრო პროგრამების დანერგვის ხელშეწყობა საქართველოში, აზერბაიჯანსა და მოლდავეთში“ 2013 წლიდან ხორციელდება და მიზნად ისახავს საქართველოში ტურიზმის საგანმანათლებლო პროგრამების შექმნას. LMPH-ი ითვალისწინებს ტურიზმის სასწავლო პროგრამებში სასტუმროს დარგის საგნების მოდიფიცირებას ევროპული აკრედიტაციისა შესაბამისად და ახალი სასწავლო მოდულების დანერგვას.

21-29 აგვისტოს, ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის 3 სტუდენტი პროექტის „მდგრადი ტურიზმი: სოფლად მეწარმეობა და კულტურული მემკვიდრეობის’’ ფარგლებში სამხრეთ-აღმოსავლეთ ნორვეგიის უნივერსიტეტში (USN) გამართულ საზაფხულო სკოლაში ღებულობდნენ მონაწილეობას.

დღეს, ბათუმის შოთა რუსთაველის სახელმწიფო უნუივერსიტეტის ტურიზმის ფაკულტეტის 35 სტუდენტი სასწავლო პრაქტიკით გერმანიაში გაემგზავრა. ახალგაზრდები 2 თვის განმავლობაში პრაქტიკას გერმანიის მაღალი კლასის სასტუმროებში გაივლიან, გაეცნობიან სასტუმროს ყველა ძირითად სტრუქტურულ ერთეულს. თეორიული ცოდნის მიღებასთან ერთად, ჩაერთვებიან სასტუმროს ყოველდღიურ საქმიანობაში, მიიღებენ პრაქტიკულ უნარ-ჩვევებსა და კომპეტენციებს, რაც სამომავლოდ, საერთაშორისო ტურისტული მომსახურების ბაზარზე წარმატებით დასაქმების საშუალებას მისცემს.