10 თებერვალს, სასტუმრო „ლეოგრანდში“ მომხდარი ტრაგედიის დროს დაღუპულთა ხსოვნისადმი მიძღვნილი სპორტულ-კულტურული ღონისძიების ფარგლებში გამართულ მკლავჭიდის ტურნირში ბსუ-ს ნაკრებმა საპრიზო ადგილები მოიპოვა. ბსუ-ს მკლავჭიდელებს თასები, მედლები და მადლობის სიგელები გადაეცათ.სპორტულ-კულტურული ღონისძიების ინიციატივა საქართველოს პარლამენტის წევრსა და სპორტსმენს მუხრან ვახტანგაძეს ეკუთვნის. აღნიშნულ დღესთან დაკავშირებით ღონისძიებები ყოველწლიურად გაიმართება.

ბათუმის შოთა რუსთაველის სახელმწიფო უნივერსიტეტში სტუდენტური თვითმმართველობისა და სტუდენტთა კარიერული განვითარების, კულტურისა და სპორტის სამსახურის ორგანიზებით დავით აღმაშენებლის ხსენების დღისადმი მიძღვნილი ინტელექტუალური თამაში „რა? სად? როდის?“ ჩატარდა. შეჯიბრში ბათუმის, ხელვაჩაურისა და ქობულეთის მუნიციპალიტეტის 35 საჯარო და კერძო სკოლის 150-მდე მოსწავლე მონაწილეობდა. კომპეტენტური ჟიურის გადაწყვეტილებით, საუკეთესოდ შპს. „ევრო-2000“-ის გუნდი დასახელდა, II ადგილი 28-ე საჯარო სკოლამ მოიპოვა, ხოლო III ადგილი სოფელ ჭარნალის საჯარო სკოლას ერგო.

აჭარის ჩემპიონატზე მკლავჭიდში, რომელშიც მონაწილეობას ღებულობდნენ ევროპისა და მსოფლიოს ჩემპიონები, ბსუ-ს ნაკრებმა გუნდური პირველი და სხვადასხვა წონითი კატეგორიის საპრიზო ადგილები მოიპოვეს. ჩემპიონატი 3-4 თებერვალს, ბათუმში, ამირან მამალაძის სახელობის სპორტულ დარბაზში, აჭარის ა.რ სპორტისა და ახალგაზრდობის საქმეთა დეპარტამენტის ფინანსური მხარდაჭერითა და აჭარის მკლავჭიდის ფედერაციის ორგანიზებით გაიმართა.

აჭარის ჩემპიონატზე მკლავჭიდში, რომელშიც მონაწილეობას ღებულობდნენ ევროპისა და მსოფლიოს ჩემპიონები, ბსუ-ს ნაკრებმა გუნდური პირველი და სხვადასხვა წონითი კატეგორიის საპრიზო ადგილები მოიპოვეს. ჩემპიონატი 3-4 თებერვალს, ბათუმში, ამირან მამალაძის სახელობის სპორტულ დარბაზში, აჭარის ა.რ სპორტისა და ახალგაზრდობის საქმეთა დეპარტამენტის ფინანსური მხარდაჭერითა და აჭარის მკლავჭიდის ფედერაციის ორგანიზებით გაიმართა.
სამომავლოდ ბსუ-ს მკლავჭიდელთა ნაკრების შემადგენლობა აჭარის მკლავჭიდის ფედერაციის წევრები გახდებიან და მონაწილეობას მიიღებენ საქართველოსა და მსოფლიო ჩემპიონატებში.

ბათუმის შოთა რუსთაველის სახელმწიფო უნივერსიტეტში 2018 წლის იანვრიდან სტუდენტური სერვისების ახალი პორტალი - portal.bsu.edu.ge ამოქმედდება. კარიერული განვითარების, კულტურისა და სპორტის სამსახურის უფროსმა მერაბ დიასამიძემ ჰუმანიტარულ მეცნიერებათა ფაკულტეტის სტუდენტებს სიახლე გააცნო. ინოვაციური სერვისი სტუდენტებს შესაძლებლობას მისცემს, ოპერატიულად მიიღონ ინფორმაცია არსებულ სტუდენტურ პროექტებზე, დასაქმებაზე, სტაჟირებაზე, ტრენინგებზე, სემინარებზე, კონფერენციებზე, სოციალურ პროგრამებსა და კულტურულ-სპორტულ აქტივობებზე. სტუდენტური პორტალის საშუალებით შეიქმნება ბსუ-ს სტუდენტთა, კურსდამთავრებულთა და დამსაქმებელთა ბაზა, რომლის საშუალებით დამსაქმებელი მოკლე ვადაში დაუკავშირდება დასაქმების მსურველს და გაიზრდება დასაქმების შესაძლებლობები.