საქართველოს განათლებისა და მეცნიერების მინისტრის მოადგილე თამარ ქიტიაშვილი ბათუმის შოთა რუსთაველის სახელმწიფო უნივერსიტეტს ეწვია და ბსუ-ს ახალ სასწავლო კორპუსში განთავსებული პროფესიული პროგრამების მართვის და უწყვეტი განათლების ცენტრი დაათვალიერა. მინისტრის მოადგილე სასწავლო პროცესის მიმდინარეობას ადგილზე გაეცნო და თითოეული პროგრამისთვის შექმნილი, ადაპტირებული აუდიტორიები, ლაბორატორიები, კომპიუტერული კლასები და სამკითხველო დარბაზები დაათვალიერა.

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრში პროექტის „სამუშაოზე დაფუძნებული სწავლების“ ფარგლებში, გაიმართა საინფორმაციო შეხვედრა "საგანმანათლებლო შესაძლებლობები აგრარულ პროფესიულ განათლებაში".

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრის დირექტორმა, ხარისხის მართვის მენეჯერმა და ხარისხის მართვის კოორდინატორმა პროფესიული საგანმანათლებლო დაწესებულებების ადმინისტრაციის წარმომადგენლების ტრენინგში მიიღეს მონაწილეობა. ტრენინგის მიზანს პროფესიულ საგანმანათლებლო პროგრამაში ინტეგრირებული ზოგადი განათლების საშუალო საფეხურის სწავლის შედეგების შეფასების მიდგომების გაცნობა და შეფასების პროცესის ადმინისტრირების საკითხების გაცნობიერება წარმოადგენდა. სწავლება განათლების ხარისხის განვითარების ეროვნული ცენტრის ორგანიზებით 2021 წლის 28-29 მაისს, სასტუმრო „ჰილტონში“ გაიმართა.

ბათუმის შოთა რუსთაველის სახელმწიფო უნივერსიტეტის რექტორის მოადგილემ თამარ სირაძემ პროექტის „ცოდნისა და უნარების განვითარების ქსელებისა და პლატფორმების გაძლიერება“ (LINKS) ფარგლებში, ხელი მოაწერა ურთიერთთანამშრომლობის მემორანდუმს, რომელიც მხარეებს შორის აქტიური თანამშრომლობით, ხელს შეუწყობს ახალგაზრდების დასაქმებას აჭარის რეგიონში.

ბსუ-ს პროფესიული პროგრამების მართვისა და უწყვეტი განათლების ცენტრის „მეფუტკრეობის“ პროფესიული საგანმანათლებლო პროგრამის ხელმძღვანელმა მანანა ბოლქვაძემ ჯარას თაფლის წარმოების ტრენერთა ტრენინგში მიიღო მონაწილეობა. ტრენინგი, 18-19 მაისს, ქედის მუნიციპალიტეტის სოფელ მეძიბნაში საქართველოს მეფუტკრეთა გაერთიანებისა და ჯარას მეფუტკრეთა ასოციციის ორგანიზებით პროფესიული სასწავლებლების მეფუტკრე-მასწავლებლებისთვის გაიმართა. „ჯარას თაფლის" ინტეგრირებული სწავლების მწარმოებელთა დასკვნით ღონისძიებას, რომელიც პროფესიულ კოლეჯში „ახალი ტალღა“ გაიმართა, აჭარის სოფლის მეურნეობის მინისტრი გიორგი სურმანიძე დაესწრო და მეფუტკრეებს ტრენერთა ტრენინგის გავლის დამადასტურებელი სერტიფიკატები გადასცა.