ბათუმის შოთა რუსთაველის სახელწიფო უნივერსიტეტის პროფესიული საგანმანათლებლო პროგრამებით გათვალისწინებული პრაქტიკული კომპონენტის განხორციელება 2021 წლის 15 მარტიდან პირისპირ რეჟიმში დაიწყება. პროფესიული სტუდენტების გადანაწილება მოხდება საგანმანათლებლო პროგრამების მიხედვით უნივერსიტეტის სხვადასხვა კორპუსში და სასწავლო პროცესი წარიმართება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შემოწმების საფუძველზე შესაბამისი მითითებების/რეკომენდაციების დაცვით. დამატებითი ინფორმაცია პროფესიული პროგრამების სტუდენტებს მიეწოდებათ ინდივიდუალურად.

განათლების ხარისხის განვითარების ეროვნული ცენტრის ორგანიზებით 2021 წლის 28, 29 იანვარს და 1 თებერვალს, ონლაინ რეჟიმში, ZOOM-ის პლატფორმის გამოყენებით ყოველწლიური საერთაშორისო კონფერენცია „განათლების ხარისხის უზრუნველყოფის სისტემის განვითარება: მიღწევები და გამოწვევები“ გაიმართა. კონფერენციაში მონაწილეობა მიიღეს: საქართველოს განათლების, მეცნიერების, კულტურისა და სპორტის სამინისტროს, უმაღლესი საგანმანათლებლო დაწესებულებების, ასევე სხვა პარტნიორი ადგილობრივი და საერთაშორისო ორგანიზაციების წარმომადგენლებმა, ავტორიზაციის, აკრედიტაციის, სააპელაციო საბჭოების წევრებმა, ექსპერტებმა, სტუდენტებმა, დამსაქმებლებმა და სხვა დაინტერესებულმა მხარეებმა.

ბათუმის შოთა რუსთაველის სახელმწიფო უნივერსიტეტი აცხადებს მიღებას მედიაციის მოკლევადიან საგანმანათლებლო პროგრამაზე. მედიაციის მოკლევადიან საგანმანათლებლო პროგრამაზე რეგისტრაცია შეუძლია მედიატორის პროფესიით დაინტერესებულ ნებისმიერ პირს.
კონკურსანტმა აპლიკაცია და პირადობის მოწმობის ასლი უნდა გადმოაგზავნოს შემდეგ ელფოსტაზე: mediats@bsu.edu.ge
საბუთების მიღება იწარმოებს : 25.01.2021-08.02.2021 ჩათვლით.

ინტერპერსონალური კომუნიკაციის მოდულის ფარგლებში ბსუ-ს პროფესიული საგანმანათლებლო პროგრამების - საფინანსო სერვისები და ინფორმაციის ტექნოლოგიის მხარდაჭერა სტუდენტების მიერ მომზადებული შემაჯამებელი პრეზენტაციების ონლაინ-წარდგენა გაიმართა. პრეზენტაციების თემატიკა მრავალფეროვანი იყო და თანამედროვეობისთვის აქტუალურ სხვადასხვა საკითხს ეხებოდა. შეხვედრას, სტუდენტებთან, მოდულის განმახორციელებელთან, პროფესიული განათლების მასწავლებელ მარინე კვირიკაძესთან ერთად, პროფესიული პროგრამების მართვისა და უწყვეტი განათლების ცენტრის ადმინისტრაციაც ესწრებოდა.

USAID-ის საბაზისო განათლების პროგრამის ფარგლებში, ლიდერ მასწავლებელთა ტრენინგები დაიწყო. ბსუ-ს პროფესიული პროგრამების მართვისა და უწყვეტი განათლების ცენტრის ტრენერები სწავლების მონაწილეებს ახალი სკოლის მოდელს, მოსწავლეზე ორიენტირებული სწავლების პრინციპებს, სპეციალური საჭიროების მქონე მოსწავლეების განათლების ძირითად საკითხებსა და სხვა აქტუალურ სიახლეებს გააცნობენ. ლიდერ მასწავლებლთა ტრენინგებში ჭარისა და გურიის რეგიონებიდან 326 დირექტორი და 978 მასწავლებელი არის ჩართული.