ბათუმის შოთა რუსთაველის სახელმწიფო უნივერსიტეტმა პროფესიულ საგანმანათლებლო პროგრამებზე სწავლის მსურველთათვის ღია კარის დღეები მოაწყო. პროფესიული პროგრამების მართვისა და უწყვეტი განათლების ცენტრის წარმომადგენლებმა ბათუმის და ქობულეთის საჯარო სკოლების მეცხრე-მეთორმეტე კლასის მოსწავლეებს უნივერსიტეტის პროფესიული საგანმანათლებლო პროგრამები, პროგრამებზე რეგისტრაციის და მიღების პირობები გააცნეს. 2019 წლის საგაზაფხულო მიღებაზე ხუთ პროფესიულ საგანმანათლებლო პროგრამაზე გამოცხადებულია 84 ადგილი. მოსწავლეებს ბათუმის შოთა რუსთაველის სახელმწიფო უნივერსიტეტის პროფესიული საგანმანათლებლო პროგრამების საინფორმაციო ბუკლეტები გადაეცა.

ბათუმის შოთა რუსთაველის სახელმწიფო უნივერსიტეტს სამუშაო ვიზიტით გერმანიის საერთაშორისო თანამშრომლობის საზოგადოების (GIZ) „კერძო სექტორის განვითარება და პროფესიული განათლება სამხრეთ კავკასიაში“ პროგრამის დირექტორის მოადგილე ბატონი იოჰანეს შთრითმათერი ეწვია. გაცნობითი ხასიათის შეხვედრაზე რექტორის მოადგილემ პროფესორმა თამარ სირაძემ და იოჰანეს შთრითმათერმა „პროფესიული განათლებისა და ადამიანური რესურსების განვითარების“ სამაგისტრო საგანმანათლებლო პროგრამაზე ისაუბრეს. პროგრამა მზადდება ბსუ-ში GIZ-თან და მაგდებურგის უნივერსიტეტთან გაფორმებული თანამშრომლობის მემორანდუმის ფარგლებში.

მასწავლებელთა პროფესიული განვითარების ეროვნული ცენტრის ექსპერტმა შორენა ჯაფარიძემ ბათუმის შოთა რუსთაველის სახელმწიფო უნივერსიტეტის პროფესიული განათლების მასწავლებლებისთვის ჩაატარა ტრენინგი თემაზე: „კომპეტენციებზე დაფუძნებული შეფასება მოდულურ პროფესიულ საგანმანათლებლო პროგრამებში“.

11-18 თებერვალს ბათუმის შოთა რუსთაველის სახელმწიფო უნივერსიტეტის პროფესიული საგანმანათლებლო პროგრამის „მეფუტკრე“ პროფესიული მასწავლებელი მანანა ბოლქვაძემ მადრიდის სავაჭრო პალატის მიწვევით ესპანეთში მეფუტკრეობის გადამზადების კურსი გაიარა. მანანა ბოლქვაძემ მოინახულა ფუტკრის დაავადების კონტროლის ლაბორატორიები და ესპანეთის მსხვილი საფუტკრე მეურნეობები. იგი ასევე შეხვდა მეფუტკრეთა ასოციაციის წარმომადგენლებს, სადაც დაიგეგმა ბსუ-თან სამომავლო თანამშრომლობის გზები.

პროფესიული განათლების განვითარების საერთაშორისო ინსტიტუტის ექსპერტმა ნინო ელბაქიძემ ბათუმის შოთა რუსთაველის სახელმწიფო უნივერსიტეტში უნივერსიტეტის პროფესიული განათლების მასწავლებლებისთვის ჩაატარა ტრენინგი თემაზე: „დუალური პროფესიული პროგრამის სასწავლო გეგმა და სწავლის შედეგების განაწილება. კომპანიის ინსტრუქტორის საკვალიფიკაციო მოთხოვნები და მისი თანამშრომლობა პროფესიულ მასწავლებელთან. სწავლების მეთოდები პროფესიულ განათლებაში. პროფესიული მასწავლებლის სტანდარტი და მისი პროფესიული განვითარება“.