საბერძნეთის რესპუბლიკის ახლად დანიშნული საგანგებო და სრულუფლებიანი ელჩი საქართველოში მარია თეოდორუ ბსუ-ს რექტორს, პროფესორ მერაბ ხალვაშს და ჰუმანიტარულ მეცნიერებათა ფაკულტეტის დეკანს მარინე გიორგაძეს შეხვდა. მხარეებმა უმაღლეს საგანმანათლებლო დაწესებულებებს შორის არსებული გაცვლითი პროგრამების გაღრმავებაზე ისაუბრეს და სამომავლო თანამშრომლობის მიმართულებები განსაზღვრეს.

პროექტი „ქართული ენის კურსები ბათუმში მცხოვრები ომით დაზარალებული უკრაინელებისათვის“ დასრულდა. ბათუმის შოთა რუსთაველის სახელმწიფო უნივერსიტეტში პროექტის მონაწილეებს ქართული ენის სერტიფიკატები გადაეცათ.
ომით დაზარალებული უკრაინელებისთვის ქართული ენის სწავლება 4 თვის განმავლობაში, კვირაში ორჯერ მიმდინარეობდა და მას ბსუ-ს პროფესორი მაია კიკვაძე უძღვებოდა. პროექტი დემოკრატიული ჩართულობის ცენტრმა, ენის ამერიკულ ცენტრთან და ბათუმის შოთა რუსთაველის სახელმწიფო უნივერსიტეტთან ერთად განახორციელა. იგი ცნობილი ქართველოლოგის, ენათმეცნიერის, პროფესორ ტარიელ ფუტკარაძის ხსოვნას მიეძღვნა.

საერთაშორისო კონფერენციის „ჰუმანიტარული მეცნიერებები ინფორმაციულ საზოგადოებაში - 4“ ფარგლებში მასობრივი კომუნიკაციებისა და მედიის კვლევების სექციაში საქართველოში აშშ-ს საელჩოს მედია განათლების პროგრამის ფარგლებში გაიმართა შეხვედრა ილინოისის სახელმწიფო უნივერსიტეტის (აშშ) მასობრივი კომუნიკაციების სკოლის აღმასრულებელ დირექტორთან სტივენ ჰანტთან და კონვერგენტული მედიის დირექტორთან ნათან კარპენტერთან და TV-10 News დირექტორთან ლორა ტრენდლ პოლუსთან, ასევე ჩიკაგოს დეპოლის უნივერსიტეტის პროფესორ და მედია განათლების პროგრამის დირექტორთან დენის მეტსონთან.

ბათუმის შოთა რუსთაველის სახელმწიფო უნივერსიტეტში საერთაშორისო სამეცნიერო კონფერენცია გაიხსნა თემაზე: „ჰუმანიტარული მეცნიერებები ინფორმაციულ საზოგადოებაში - IV“. საერთაშორისო ფორუმი მიზნად ისახავს ხელი შეუწყოს ისეთი მნიშვნელოვანი საკითხების კვლევას, როგორიცაა: საყოველთაო გლობალიზაციისა და საინფორმაციო ტექნოლოგიების ეპოქაში ჰუმანიტარული მეცნიერებების განვითარების ახალი ტენდენციები, ამ ცვლილებების არსი და კვლევის მეთოდები.

2022-2023 სასწავლო წლის შემოდგომის სემესტრისათვის საფაკულტეტო სახელობითი სტიპენდიის მოსაპოვებლად კონკურსის გამოცხადების შესახებ 2022-2023 სასწავლო წლისათვის ავთანდილ ბარათაშვილის სახელობის სტიპენდიის მოსაპოვებლად კონკურსის გამოცხადების შესახებ