ბათუმის შოთა რუსთაველის სახელმწიფო უნივერსიტეტში დიგიტალურ ქართველოლოგიაში ბათუმის საერთაშორისო საზაფხულო სკოლა დასრულდა. ბათუმის საერთაშორისო საზაფხულო სკოლა დიგიტალურ ქართველოლოგიაში ციფრულ ეპოქაში ქართველოლოგიური მეცნიერებების გამოწვევებს, მეთოდებს, ტექნოლოგიებსა და რესურსებს მიეძღვნა. ლექციები და ვორკშოპები მიეძღვნა ამ სფეროში დაგროვილ მიღწვებს ქართული ენის ეროვნულ კორპუსს, ქართული ენის მორფოლოგიური სინთეზის პროგრამულ უზრუნველყოფას, „ვეფხისტყაოსნის“ პარალელურ კორპუსს, ბსუ ლინგვოკულტუროლოგიურ არქივს, დიგიტალურ კოდიკოლოგიას, კომპიუტერულ ლექსიკონებს და ქართულ ხელოვნურ ინტელექტს.

ბათუმის შოთა რუსთაველის სახელმწიფო უნივერსიტეტში დიგიტალურ ქართველოლოგიაში ბათუმის საერთაშორისო საზაფხულო სკოლა ტარდება. რვადღიანი საზაფხულო სკოლა 11 აგვისტოს დასრულდება და მასში საქართველოს უმაღლესი საგანმანათლებლო დაწესებულების სამივე საფეხურის 30-მდე სტუდენტი მონაწილეობს. ბათუმის საერთაშორისო საზაფხულო სკოლა დიგიტალურ ქართველოლოგიაში ციფრულ ეპოქაში ქართველოლოგიური მეცნიერებების გამოწვევებს, მეთოდებს, ტექნოლოგიებსა და რესურსებს ეძღვნება. სკოლაში ლექციებს ქართველ მეცნიერებთან ერთად კითხულობენ გერმანელი ექსპერტები და დარგის სპეციალისტები.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის საერთაშორისო სამეცნიერო ჟურნალი „აღმოსავლეთმცოდნეობის მაცნე“
პოლონეთის განათლებისა და მეცნიერების სამინისტროს მიერ შედგენილ ჟურნალების სიაში შევიდა და 70 ქულა მიიღო.

10 ივლისიდან 20 ივლისის ჩათვლით, ჰუმანიტარულ მეცნიერებათა ფაკულტეტის ისტორიის მესამე კურსის სტუდენტებმა გაიარეს სასწავლო საველე ეთნოლოგიური პრაქტიკა ხულოს მუნიციპალიტეტის სოფლებში, ბეშუმის საზაფზულო საძოვრებზე და ისტორიულ ტაო-ლკლარჯეთში. პრაქტიკას ხელმძღვანელობდა ასოც. პროფესორი თამაზ ფუტკარაძე. საველე პრაქტიკის ფარგლებში სტუდენტებმა შეაგროვეს ეთნოგრაფიული მასალები ტრადიციულ-ყოფითი კულტურის სხვადასხვა საკითხებზე, გაეცნენ თურქეთის საქართველოში მცხოვრები ქართული მოსახლეობის ყოფასა და კულტურას, მოინახულეს ქართული მატერიალური კულტურის უნიკალური ძეგლები: ხანცთა, ოპიზა, ტბეთი, სათლელის ციცე, შავშეთის ეკლესია, ხიმშიაშვილების სასახლე, იშხანი, ხახული, ოშკი.

სახელმწიფო ენის დეპარტამენტის წარმომადგენლებმა, სახელმწიფო ენის ფუნქციონირების ზედამხედველობის სამსახურის უფროსმა მარინე ბერიძემ, საინფორმაციო-ანალიტიკური კვლევის მენეჯერმა მაკა თეთრაძემ და სპეციალისტმა სოფიო კობიაშვილმა დააჯილდოვეს დეპარტამენტის მოხალისეთა პროგრამის მონაწილე ბსუ-ს ჰუმანიტარულ მეცნიერებათა ფაკულტეტის სტუდენტები: გოჩა დავითაძე, ლილია თავდგირიძე, ნათია გიორბელიძე და დიანა ქარცივაძე.