ილია ჭავჭავაძის მუზეუმში დიდი ქართველი მწერლის, პუბლიცისტისა და საზოგადო მოღვაწის, ილია ჭავჭავაძის დაბადებიდან 180-ე წლისადმი მიძღვნილი კონფერენცია გაიმართა. ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართული ფილოლოგიის სპეციალობის სტუდენტებისა და ილია ჭავჭავაძის მუზეუმის ერთობლივი კონფერენციაზე წარმოდგენილი იყო მოხსენებები ილიას ცხოვრებასა და შემოქმედებაზე. ღონისძიებაში მონაწილეობდნენ ქართული ფილოლოგიის დეპარტამენტის ასოცირებული პროფესორი გურამ ბახტაძე და ქართული ფილოლოგიის III-IV კურსის სტუდენტები: ლელა კვასხვაძე, თათია დავითაძე, ნინო მოქია, ანა კოსტავა, ლია ბოლქვაძე.

ბათუმის შოთა რუსთაველის სახელმწიფო უნივერსიტეტში საარლენდის უნივერსიტეტის (გერმანია) პროფესორის, ბიოფიზიკის კვლევის ჯგუფის ხელმძღვანელის ინგოლფ ბერნარდტის საჯარო ლექციათა ციკლი მიმდინარეობს.გერმანელი პროფესორი ბსუ-ს სტუდენტებს, პროფესორ-მასწავლებლებს და სიცოცხლის მეცნიერებებში მოღვაწე სპეციალისტებს ისეთ აქტუალურ თემებზე ესაუბრება, როგორიცაა: ბიოლოგიური უჯრედების შესწავლის ახალი მეთოდები;

ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტთან არსებული არაფორმალური განათლების ცენტრის პროექტის „უნივერსიტეტი - სკოლა“ წარდგინება გაიმართა. პროექტის ფარგლებში, აჭარის რეგიონის 110 აბიტურიენტი უფასოდ გაივლის ზოგადი უნარების მოსამზადებელ კურსს ეროვნული გამოცდებისათვის. ახალგაზრდებს მოამზადებენ ბსუ-ს ფილოსოფიის საბაკალავრო პროგრამისა და სოციოლოგიის სამაგისტრო პროგრამის ის სტუდენტები, რომლებიც ლოგიკის სასწავლო კურსის დასრულების შემდეგ, წარმატებულად გაივლიან ტრენინგს ზოგადი უნარების მომზადების მეთოდოლოგიაში ასოცირებული პროფესორის ლალი ანთიძის ხელმძღვანელობით.

ბათუმის შოთა რუსთაველის სახელმწიფო უნივერსიტეტის ასოცირებული პროფესორი ნანა ტრაპაიძე პრემია „საბას" გამარჯვებულია ნომინაციაში „საუკეთესო ლიტერატურული კრიტიკა“. კომპეტენტური ჟიურის გადაწყვეტილებით, წარდგენილი 300 წიგნიდან ფინალური ეტაპზე 47 წიგნი შეირჩა, რომელთაგან გამარჯვება ნანა ტრაპაიძემ მოიპოვა წიგნისთვის ,„ლიტერატურა და ლიტერატურა“. ყოველწლიური ლიტერატურული პრემია „საბა“ დაფუძნდა 2003 წელს და მისი მიზანია გასული ერთი წლის ლიტერატურული პროცესების შეფასება და წლის საუკეთესო წიგნებთან ერთად ავტორების გამოვლენა. უნივერსიტეტი ულოცავს ნანა ტრაპაიძეს დამსახურებულ გამარჯვებას და წარმატებებს უსურვებს!

შოთა რუსთაველის სამეცნიერო ფონდის საგრანტო პროექტის „ისტორიული ჭანეთის ცენტრალურ ნაწილში დაცული ქართული კულტურული მემკვიდრეობის ძეგლები (საფორტიფიკაციო ნაგებობები, ეკლესიები, საკომუნიკაციო და საყოფაცხოვრებო არქიტექტურის ნიმუშები)“ ფარგლებში, დასრულდა პირველი კომპლექსური სამეცნიერო ექსპედიცია ისტორიული ჭანეთის ტერიტორიაზე. ექსპედიცია მიზნად ისახავდა ტრაპიზონისა და მისი შემოგარენის კვლევას. ერთი კვირის განმავლობაში ექსპედიციის წევრებმა შეისწავლეს ზღვისპირა ზოლსა და დეღრიმენდერეს ხეობაში მდებარე საფორტფიკაციო ნაგებობები: ახჩა-კალე, იენესილ კალე, კალექოი, ტრაპიზონის ციხის რომაული ეპოქის გალავნის ნაშთები, იენიქოი და ხამსიქოის ციხეები, მაჩკას ეკლესია, თერაზილერისა და ჯოშანდერეს ქვის თაღოვანი ხიდები. მკვლევრებმა წარმოადგინეს საფორტფიკაციო ნაგებობების აღწერა-დახასიათება, გრაფიკული და ფოტოფიქსაცია. ექსპედიციის ფარგლებში, ასევე შეგროვდა ეთნოგრაფიული და ტოპონიმიკური მასალებიც.