ჰუმანიტარულ მეცნიერებათა ფაკულტეტის ევროპეისტიკის დეპარტამენტის პროფესორ-მასწავლებლებმა: ნათია ქათამაძემ, ივდით დიასამაიძემ, ლალი თავაძემ, ნანა მაზმიშვილმა და ჟუჟუნა გუმბარიძემ ტრენინგი ჩაატარეს სწავლების თანამედროვე მეთოდებსა და სიახლეებზე. სამდღიანი სასწავლო კურსის ფარგლებში ფაკულტეტის აკადემიური პერსონალი ისეთ აქტუალურ საკითხებს გაეცნო, როგორიცაა: ტექნოლოგიების გამოყენება სწავლა-სწავლების პროცესში, თანამშრომლობითი სწავლების ფორმები, დავალებაზე დაფუძნებული სწავლება, სტუდენტთა პროფილები, მათი ძლიერი და სუსტი მხრეების გაანალიზება, ავტონომიური სწავლება, მოაზროვნე ქუდები - სააზროვნო უნარ-ჩვევების დასაუფლებლად, მულტიმოდალური მიდგომა და სენსორული ზმნების გამოყენება სწავლების პროცესში.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის პროფესორ-მასწავლებლებისათვის ჩატარდა ტრენინგი „სასწავლო კურსის დაგეგმვა, განხორციელება და შეფასება“. ტემპუსის ეროვნული ოფისის უმაღლესი განათლების რეფორმის ექსპერტმა (Higher Education Reform Expert of National Tempus/Erasmus+ Office, HERE), თსუ-ს ასოცირებულმა პროფესორმა ირინე დარჩიამ ტრენინგის 35 მონაწილეს ავტორიზაციის ახალი სტანდარტები, კურიკულუმის შემუშავება, ხარისხის უზრუნველყოფის მექანიზმები და სხვ. აქტუალური საკითხი გააცნო.

IX საერთაშორისო ფორუმი „გეო-კულტურული სივრცე: სმარტ-ტექნოლოგიები განათლებასა და სოციუმში“ გაიხსნა ბათუმის შოთა რუსთაველის სახელმწიფო უნივერსიტეტში. ფორუმი სხვადასხვა ქვეყნის ლინგვისტებს, მეთოდისტებს, კულტურულოგებს, ლიტერატურათმცოდნეებსა და პედაგოგებს აერთიანებს ეროვნულ სოციუმთა ჰუმანიტარულ სფეროში წარმოქმნილი აქტუალური პრობლემების გამოსაკვლევად. სესია ასევე ითვალისწინებს ქვეყნებს შორის თანამშრომლობის გასაუმჯობესებას, რეალურ და ვირტუალურ ფორმატში ურთიერთბის კულტურის ამაღლებას, სპეციალისტთა მეცნიერული და პედაგოგიური პოტენციალის ინტეგრაციას ინოვაციური კულტურათშორისი საგანმანათლებლო და სამეცნიერო გარემოს შექმნის გზით.

ჰუმანიტარულ მეცნიერებათა ფაკულტეტის პროფესორ-მასწავლებლებმა მონაწილეობა მიიღეს ვენაში, გამოყენებითი ლინგვისტიკის უნივერსიტეტში IJAS (International Journal of Art and Sciences) გამართულ ერთკვირიან საერთაშორისო კონფერენციაში. პროფესორები ირინე გოშხეთელიანი, ნანა სტამბოლიშვილი, ნატალია სურგულაძე, ანზორ აბუსერიძე და ასოცირებული პროფესორები მარინე სიორიძე, მაია კიკვაძე მსოფლიოს წამყვანი უნივერსიტეტების ცნობილ მეცნიერებთან ერთად, საინტერესო მოხსენებებით წარსდგნენ ლინგვისტიკასა და ენის სწავლების მეთოდიკაში. მკვლევარებმა კონფერენციაში მონაწილეობა მიიღეს ბათუმის შოთა რუსთაველის სახელმწიფო უნივერსიტეტისა და აჭარის ავტონომიური რესპუბლიკის განათლების, კულტურისა და სპორტის სამინისტროს „უმაღლესი განათლების ხელშეწყობის“ პროგრამის დაფინანსებით მიიღეს მონაწილეობა.

მიმდინარე სასწავლო წლიდან ბსუ-ს ჰუმანიტარულ მეცნიერებათა ფაკულტეტზე, არჩევითი სასწავლო კურსის სტატუსით, ჩინური ენის სწავლება დაიწყო. ბსუ-ს სტუდენტებს საშუალება აქვთ ენის შესწავლა სრულიად უფასოდ ნულოვანი დონიდან დაიწყონ.კურსის პირველი ეტაპი ბსუ-ს სტუდენტებმა უკვე გაიარეს საქართველოში გამოცემული ქართულენოვანი სახელმძღვანელოს "ჩინური ენის პრაქტკული კურსის" და აუდიო მასალის მეშვეობით.
სტუდენტები ენასთან ერთად, ჩინურ კულტურას, ტრადიციებსა და ისტორიას ეცნობან. კურსი როგორც სასაუბრო ნაწილის, ასევე იეროგლიფების შესწავლას ითვალისწინებს. ჯგუფს მოწვეული პედაგოგი ხელმძღვანელობს, რომელიც ჩინეთში ხუნანის უნივერსიტეტში სწავლობდა.