ახალი ამბები

ლიტვის რესპუბლიკის პრემიერ-მინისტრი ანდრიუს კუბილიუსი დელეგაციის წევრებთან და საქართველოს ვიცე-პრემიერ გია ბარამიძესთან ერთად, ბათუმის შოთა რუსთაველის სახელმწიფო უნივერსიტეტს ეწვია. სტუმარმა სტუდენტებისა და პროფესორ-მასწავლებლებისათვის საჯარო ლექცია წაიკითხა თემაზე: „ევროპა კრიზისის შემდეგ: გაკვეთილები ნასწავლი და გაკვეთილები უგულებელყოფილი“. ისაუბრა 2010 წლის მსოფლიო ეკონომიკურ კრიზისზე, მის გამომწვევ მიზეზებზე, ისტორიაზე, თანმდევ პროცესებსა და თანამედროვე გამომწვევებზე. ყურადღება გაამახვილა ასევე ლიტვის, საქართველოსა და ევროპის სხვადასხვა ქვეყნის განვითარების დინამიკაზე. უნივერსიტეტის რექტორმა, პროფესორმა ალიოშა ბაკურიძემ ლიტვის რესპუბლიკის პრემიერ-მინისტრს სამახსოვრო საჩუქარი გადასცა.

ხარკოვის (უკრაინა) ნაციონალური ფარმაცევტული უნივერსიტეტის რექტორი, პროფესორი ვალენტინ ჩერნიხი ბათუმის შოთა რუსთაველის სახელმწიფო უნივერსიტეტის რექტორს, პროფესორ ალიოშა ბაკურიძეს შეხვდა. შეთანხმებისამებრ, ხელი მოეწერება თანამშრომლობის მემორანდუმს, რომელიც ითვალისწინებს სტუდენტთა და პროფესორ-მასწავლებელთა გაცვლითი პროგრამებისა და სამეცნიერო პროექტების განხორციელებას. ყოველწლიურად ფარმაციის, საინჟინრო, ეკონომიკური და ბიოტექნოლოგიების მიმართულების 10 სტუდენტი ხარკოვის ნაციონალურ ფარმაცევტულ უნივერსიტეტში ერთწლიან სასწავლო კურს გაივლის.

ბათუმის შოთა რუსთაველის სახელმწიფო უნივერსიტეტის რექტორმა, პროფესორმა ალიოშა ბაკურიძემ და საქართველოს მათემატიკოსთა კავშირის პრეზიდენტმა, პროფესორმა როლანდ დუდუჩავამ თანამშრომლობის მემორანდუმს მოაწერეს ხელი. ხელშეკრულების ფარგლებში განხორციელდება საგანმანათლებლო პროგრამები და სამეცნიერო პროექტები, მომზადდება და გამოიცემა ერთობლივი სახელმძღვანელოები. მხარეთა შეთანხმებით, დაიგეგმა სამეცნიერო კვლევების, კონფერენციების, სიმპოზიუმების, სემინარებისა და საჯარო ლექციების ჩატარება.

დასრულდა სტუდენტთა სამეცნიერო ცენტრის მიერ ორგანიზებული რეფრატულ ნაშრომთა კონკურსი. ერთკვირიანი კონკურსი 15 სექციის მიმართულებით მუშაობდა და ბათუმის შოთა რუსთაველის სახელმწიფო უნივერსიტეტის ხუთი ფაკულტეტის I და II კურსის 150 სტუდენტი მონაწილეობდა. ახალგაზრდებმა რეფერატული ნაშრომები მეცნიერების სხვადასხვა მიმართულების აქტუალურ საკითხებსა და პრობლებებზე წარმოადგინეს. პირველი, მეორე და მესამე ადგილის მფლობელ ახალგაზრდა მკვლევრებს სერტიფიკატები გადაეცათ და 14-21 მაისს დაგეგმილ სტუდენტთა სამეცნიერო კონფერენციაში მონაწილეობის უფლება მიენიჭათ.

სტუდენტური თვიმმართველობის ახლადარჩეული თავმჯდომარე უჩა აბრამიშვილი და გამგეობის წევრები განათლებისა და მეცნიერებათა, სოციალურ მეცნიერებათა, ბიზნესისა და სამართალმცოდნეობის, აგრარული ტექნოლოგიებისა და ეკოლოგიის, საინჟინრო-ტექნოლოგიური და ტურიზმის ფაკულტეტის სტუდენტებს შეხვდნენ. ახალგაზრდებმა თანატოლებს სტუდენტური გაერთიანების პრიორიტეტები, სამოქმედო გეგმა და სხვადასხვა სახის პროგრამები გააცნეს. კითხვა-პასუხის რეჟიმში წარმართულ შეხვედრებზე სტუდენტებმა ერთობლივი პროექტები შეიმუშევეს და საგანმანათლებლო, სამეცნიერო, კულტურული, სპორტული ღონისძიებები დაგეგმეს.