დაუნის სინდრომის საერთაშორისო დღესთან დაკავშირებით საბუნებისმეტყველო მეცნიერებათა და ჯანდაცვის ფაკულტეტის პროფესორ მარინა ნაგერვაძის მიერ მედიცინის სპეციალობის II კურსის სტუდენტებისათვის ჩატარდა დისკუსია-აქტივობა. შეხვედრაზე საუბარი შეეხო დაუნის სინდრომის მახასიათებელ სიმპტომებსა და მემკვიდრეობის თავისებურებებს.
21 მარტს, ბათუმის სახელმწიფო უნივერსიტეტში მაჭახელას ეროვნული პარკის ადმინისტრაციისა და ბათუმის შოთა რუსთაველის სახელმწიფო უნივერსიტეტის გეოგრაფიის დეპარტამენტის თანამშრომლობით აღინიშნა ტყის საერთაშორიოს დღე. მაჭახელას ეროვნული პარკის ადმინისტრაციის წარმომადგენლების მიერ გაიმართა შემეცნებითი ღონისძიება მოსწავლეებისათვის, სადაც მონაწილეობას ღებულობდნენ ქ. ბათუმის მე-16 საჯარო სკოლის მე-5 კლასის მოსწავლეები და პედაგოგები, ასევე გეოგრაფიის ფაკულტეტის სტუდენტებისთვის ჩატარდა ლექცია საქართველოს დაცული ტერიტორიების მნიშვნელობისა და მაჭახელას ეროვნული პარკის ბიომრავალფეროვნების შესახებ. ლექციის შემდეგ კი გააკეთეს პრაქტიკული სავარჯიშოები საქართველოს ეროვნული პარკების თემატიკით.
