ბსუ-ს ტექნოლოგიური ფაკულტეტის არქიტექტურის სპეციალობის სტუდენტებისათვის სემინარი ჩატარდა თემაზე: „ქალაქის ისტორიული ზონების დაცვა და განვითარება“. ხელოვნებათმცოდნეობის დოქტორმა თამარ ამაშუკელმა ახალგაზრდებს ისეთ აქტუალურ საკითხებს გაეცნენ, როგორიცაა: ისტორიული ქალაქის დასაცავი ფასეულობები; ისტორიული მემკვიდრეობის ობიექტების დაცვისა და განვითარების მიდგომები და ტენდენციები; ისტორიულ ზონაში ახალი მშენებლობების საერთაშორისო და ადგილობრივი პრაქტიკა. ღონისძიების დასასრულს დისკუსია გაიმართა. სემინარი სასწავლო კურსის „კულტურული მემკვიდრეობის დაცვის“ (ლექტორი ნინო ინაიშვილი) ფარგლებში ჩატარდა.

ბათუმის შოთა რუსთაველის სახელმწიფო უნივერსიტეტის მასპინძლობით, საქართველოს ტექნიკური უნივერსიტეტისა და კილის უნივერსიტეტის (დიდი ბრიტანეთი) თანამშრომლობით მიმდინარე საგრანტო პროგრამის „შემოქმედებითი ნაპერწკალი: სამეწარმეო განათლების პროგრამა უმაღლესი სასწავლებლებისთვის“ - “Creative Spark: Higher Education Enterprise Programme” ფარგლებში ჩატარდა ტრენინგი: „მეწარმეობის უნარ-ჩვევები“. შეხვედრაზე საქართველოს ტექნიკური უნივერსიტეტის წარმომადგენლებმა ბორის გითოლენდიამ, ლუკა ქემოკლიძემ და დავით ჯაფარიძემ ბსუ-ს სტუდენტებსა და პროფესორ-მასწავლებლებს პროექტის - „შემოქმედებითი ნაპერწკლის“ შედეგები გააცნეს, ისაუბრეს სტარტაპების შექმნასა და განვითარებაზე. ასევე, ბრიტანელი პარტნიორების მონაწილეობით მოეწყო ონლაინკონფერენცია; ტრენინგის დასრულების შემდეგ მონაწილეებს სერტიფიკატები გადაეცათ.

საქართველოს მეცნიერებათა ეროვნული აკადემიის სტიპედიანტმა, ბსუ-ს ტექნოლოგიური ფაკულტეტის დეკანმა, პროფესორმა გიზო ფარცხალაძემ საქართველოს მეცნიერებათა ეროვნული აკადემიის საინჟინრო მეცნიერებათა და ინფორმაციული ტექნოლოგიების განყოფილებაში წარადგინა მოხსენება თემაზე: „ახალი მიდგომები საინჟინრო გადაწყვეტებში კატასტროფების რისკის შემცირების მიზნით“. მომხსენებელმა განიხილა შემდეგი საკითხები: რისკის მართვის თანამედროვე განსაზღვრება; რისკის მართვის დაგეგმვა; რისკების იდენტიფიკაცია; რისკების ანალიზი; რისკებზე რეაგირების დაგეგმვა; კონტროლი; მოსალოდნელი საფრთხეები (ბუნებრივი და ხელოვნური)- წყალდიდობა, ზვავი, ღვარცოფი, მეწყერი, მიწისძვრა, დიდთოვლობა, ქარიშხალი, ტორნადო, ცუნამი, სეტყვა, მეხი, აფეთქება და სხვა.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის არქიტექტურისა და მშენებლობის საგანმანათლებლო პროგრამების სტუდენტებისათვის ჰუმანიტარულ მეცნიერებათა ფაკულტეტის პროფესორმა, ფილოსოფიის დოქტორმა ლალი ზაქარაძემ ღია ლექცია ჩაატარა თემაზე: „ფილოსოფიური ურბანისტიკა - ქალაქის შესახებ ინტერდისციპლინური დისკუსიების პერსპექტივა“. შეხვედრა მიეძღვნა ფილოსოფიის საერთაშორისო დღეს. მომხსენებელმა ისაუბრა ფილოსოფიის საერთაშორისო დღის ისტორიაზე, UNESCO-ს კულტურათა დაახლოების საერთაშორისო ათწლეულის (2013-2023) მიზნებზე და ინიციატივებზე, აკადემიური განათლების კონტექსტში ფილოსოფიისა და ინტერდისციპლინური ცოდნის მნიშვნელობაზე, ფილოსოფიის ახალ პერსპექტივებზე.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს გიორგი ნიკოლაძის - ინჟინერიის მიმართულებით და აკად. ლევან ყანჩაველის - აგრარული მეცნიერებების მიმართულებით სახელობითი სტიპენდიების მოსაპოვებლად. კონკურსში მონაწილეობის მიზნით კონკურსანტებმა 2019 წლის 21 ოქტომბრიდან 31 ოქტომბრის ჩათვლით 10:00 საათიდან 16:00 საათამდე ტექნოლოგიური ფაკულტეტის დეკანის ოფისში, ოთახი №103 უნდა წარადგინონ.