ამერიკულმა საკრუიზო კომპანიამ „INCRUISES“-მა ტურიზმის ფაკულტეტის სტუდენტებისთვის ონლაინ პრეზენტაცია ჩაატარა. საკრუიზო კლუბი აერთიანებს 16 საკრუიზო კომპანიის 300 საკრუიზო გემს, რომელიც 5,000 მიმართულებით მოგზაურობს დედამიწის გარშემო. საკრუიზო კომპანიაში გაერთიანებულია 813,026 მოგზაური და 200,848 ბიზნეს პარტნიორი 192 ქვეყანაში, მათ შორის საქართველოში და უკვე რამოდენიმე პარტნიორით ბათუმში. შეხვედრის მიზანი იყო სტუდენტებისთვის შემოთავაზებული შესაძლებლობის გაცნობა, რომელიც საკრუიზო ტურიზმით დაინტერესებულ ახალგაზრდებს დაეხმარება კარიერული მიზნების უკეთ რეალიზებაში.

ბსუ-ს ტურიზმის ფაკულტეტის საბაკალავრო პროგრამის სტუდენტებისთვის პრაქტიკული სასწავლო ხასიათის ვიზიტი განხორციელდა სასტუმრო “Paragraph Resort & Spa Shekvetili, Autogragh Collection”- ში. შეხვედრა „სასტუმროს მენეჯმენტის” სასწავლო კურსის ფარგლებში გაიმართა და მიზნად ისახავდა სტუდენტების ცოდნის გაღრმავებას, მაღალი დონის სასტუმრო სივრცეში პრაქტიკული უნარ-ჩვევების გამოვლენასა და დასაქმების შესაძლებლობების გაცნობას.

კომპანია „ოდისია“-ს ხელმძღვანელმა როინ ლამპარაძემ ტურიზმის ფაკულტეტის საბაკალავრო და სამაგისტრო საგანმანათლებლო პროგრამის სტუდენტებისათვის ონლაინ ლექცია წაიკითხა სასტუმროს მართვის სისტემის უნიკალური ფუნქციების, ჩენელ მენეჯერისა და ქლაუდ სისტემის საკითხებზე. „ოდისია“ (ODISSIA SYSTEMS INC) წარმოადგენს საერთაშორისო კომპანიას, რომელიც სასტუმროს მართვის და ჯავშნის სისტემებს სთავაზობს სასტუმროებს, აპარტ ოტელებს, საოჯახო სასტუმროებს, ჰოსტელებს, აპარტამენტების და ვილების გაქირავების კომპანიებს.

ტურიზმისა ფაკულტეტის და უკრაინის სავაჭრო-სამრეწველო პალატის ტურიზმის კომიტეტის ორგანიზებით გაიმართა ონლაინ კონფერენცია თემაზე: „ტურიზმის განათლების გამოწვევები პოსტკოვიდურ პერიოდში“. სესიაში მონაწილეობდნენ კიევის ეროვნული ეკონომიკური უნივერსიტეტის ტურიზმის კათედრის პროფესორები, უკრაინის სასტუმროთა ასოციაციის წარმომადგენლები, აჭარის ტურიზმისა და კურორტების დეპარტამენტის თანამშრომლები, ქუთაისის აკაკი წერეთლის სახელმწიფო უნივერსიტეტის და საქართველოს ეროვნული უნივერსიტეტის (სეუ) ტურიზმის მიმართულების პროგრამის ხელმძღვანელები.

სასტუმროს საერთაშორისო ბაზრების, გლობალური ტურიზმისა და სასტუმროს მეგატრენდების თემებზე ტურიზმის ფაკულტეტის საბაკალავრო და სამაგისტრო პროგრამის სტუდენტებს ონლაინ ლექცია ჩაუტარდა. მასტერკლასი შვერინისა და ბერლინის გამოყენებით მეცნიერებათა უნივერსიტეტის პროფესორმა, „Solutions Holding GmbH“-ის აღმასრულებელმა დირექტორმა და ბსუ-ს საპატიო დოქტორმა შტეფან გერჰარმა ჩაატარა. პროფესორი შტეფან გერჰარდი წლების განმავლობაში თანამშრომლობს ტურიზმის ფაკულტეტთან და მნიშვნელოვანი წვლილი შეაქვს ტურიზმის მიმართულებით საგანმანათლებლო და სამეცნიერო-კვლევითი პროგრამების განხორციელებაში.