ბსუ-ს სოფლის მეურნეობის ექსტენციის პროექტის ფარგლებში, აშშ-ის სოფლის მეურნეობის დეპარტამენტის (USDA) ვაშინგტონისა და თბილისის ოფისის წარმომადგენლები, აშშ-ის აიდაჰოსა და მისისიპის უნივერსიტეტების ექსპერტები და ორგანიზაცია „მომავლის ფერმერის” წარმომადგენლები ეწვივნენ. ბსუ-ს რექტორთან მერაბ ხალვაშთან და პროფსორ-მასწავლებლებთან გამართულ შეხვედრაზე დელეგაციის წევრებმა ამერიკის სოფლის მეურნეობის დეპარტამეტის წარმომადგენელმა ბენჯამინ კაირნმა, აიდაჰოს უნივერსიტეტის პროფესორმა ბრაინ სმოლმა, მისისიპის უნივერსიტეტის პროფესორმა სტივენ რაიკლმა, აშშ-ის სოფლის მეურნეობის დეპარტამენტის (USDA) თბილისის ოფისის წარმომადგენლებმა გოჩა შაინძემ და დემნა ძირკვაძემ ისაუბრეს პროექტში უნივერსიტეტის ჩართულობასა და სამომავლო გეგმებზე. დაიგეგმა გრძელვადიანი პროფესიული საგანმანათლებლო პროგრამის შემუშევება, თევზის კვებისა და ჯანმრთელობის კვლევებში ბსუ-ს ჩართვა და ტრენინგებში სტუდენტების მონაწილეობა.

ბათუმის რესპუბლიკური საავადმყოფოს 120 წლის იუბილეზე, საავადმყოფოს ეზოში ცნობილი ქირურგის, საზოგადო მოღვაწის, ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ემერიტუს პროფესორ აკაკი ბერიძის ვარსკვლავი გაიხსნა. პროფესორი აკაკი ბერიძეს დიდი წვლილი მიუძღვის ბსუ-ში მედიცინის მიმართულების შექმნასა და ჩამოყალიბებაში. ის არის უნივერსიტეტში მედიცინის საგანმანათლებლო პროგრამის შექმნის ერთ-ერთი ინიციატორი და განმახორციელებელი. პროფესორი აკაკი ბერიძე 25 წელზე მეტი ხნის განმავლობაში ეწეოდა საგანმანათლებლო და აკადემიურ საქმიანობას, ხელმძღვანელობდა ზოგადი და კერძო ქირურგიის სალექციო და პრაქტიკულ კურსებს.

ბათუმის შოთა რუსთველის სახელმწიფო უნივერსიტეტში მეტეოროლოგიის საერთაშორისო დღისადმი ღონისძიება გაიმართა. საბუნებისმეტყველო მეცნიერებათა და ჯანდაცვის ფაკულტეტის გეოგრაფიის საგანმანათლებლო პროგრამის პროფესორ-მასწავლებლებმა და სტუდენტებმა შეხვედრაზე განიხილეს მეტეოროლოგიისა და კლიმატოლოგიის აქტუალური საკითხები. ღონისძიების ფარგლებში ჩატარდა ვიქტორინა და გამარჯვებულ სტუდენტებს გადაეცათ სამახსოვრო საჩუქრები. მეტეოროლოგიის საერთაშორისო დღეა 1950 წლიდან აღინიშნება.

ბათუმის შოთა რუსთველის სახელმწიფო უნივერსიტეტის სტუდენტებმა და პროფესორ-მასწავლებლებმა ბსუ-ში სხვადასხვა მუნიციპალიტეტის სკოლების მოსწავლეებისთვის წყლის რესურსების დაცვის საერთაშორისო დღისადმი მიძღვნილი ღონისძიება გამართეს. ბსუ-ს საბუნებისმეტყველო მეცნიერებათა და ჯანდაცვის ფაკულტეტის დეკანმა, პროფესორმა რუსუდან ხუხუნაიშვილმა და „ბათუმის წყლი“ს დირექტორმა ალექსანდრე მჟავანაძემ ახალგაზრდებს წყლის დაცვის საერთაშორისო დღე მიულოცეს და მის მნიშვნელობაზე ისაუბრეს. მესამე კურსის სტუდენტებმა მირანდა პაქსაძემ და სალომე გოგიტიძემ მოსწავლეებს გააცნეს წყლის არსი, მნიშვნელობა, დაბინძურების ფაქტორები, გასუფთავების ხერხები და ქიმიის როლი ამ პროცესში.

ბათუმის შოთა რუსთველის სახელმწიფო უნივერსიტეტიში ტყის საერთაშორისო დღე რამდენიმე ღონსიძიებით აღინიშნა. საბუნებისმეტყველო მეცნიერებათა და ჯანდაცვის ფაკულტეტის ბიოლოგიისა და ეკოლოგიის სპეციალობის სტუდენტებმა ნინო ზოიძემ და თეონა შავაძემ ფაკულტეტის ეკოჰაბში წარმოადგინეს პრეზენტაცია. ახალგაზრდებმა ისაუბრეს საქართველოს ტყეებში არსებულ მდგომარეობაზე, პრობლემებსა და პერსპექტივებზე. პრეზენტაციის დასრულების შემდეგ გაიმართა ვიქტორინა და გამარჯვებული სტუდენტი დაჯილდოვდა განსაკუთრებული პრიზით.