ბსუ-ს საბუნებისმეტყველო მეცნიერებათა და ჯანდაცვის ფაკულტეტის, ეკოლოგიის საბაკალავრო საგანმანათლებლო პროგრამის ხელმძღვანელი, ასოცირებული პროფესორი ინგა დიასამიძემონაწილეობა მიიღო 27 სექტემბერს, თბილისში გამართულ კონფერენციაში „ბიომრავალფეროვნების კონფერენცია 2023“. მონაწილეებმა განიხილეს ბიომრავალფეროვნების შენარჩუნებისა და მდგრადი სარგებლობის უზრუნველყოფის საკითხები. კონფერენციაში მონაწილობდნენ საქართველოს პარლამენტის, გარემოს დაცვისა და სოფლის მეურნეობის სამინისტროს შესაბამისი უწყებების, საერთაშორისო და ადგილობრივი დარგობრივი ორგანიზაციების წარმომადგენლები და ექსპერტები. ღონისძიება პანელური დისკუსიით დასრულდა, რომელშიც ჩაერტო ჩაერთო სამეცნიერო, არასამთავრობო და საფინანსო სექტორი.

20-23 სექტემბერს საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ასოცირებულმა პროფესორმა გუგული დუმბაძემ მონაწილეობა მიიღო ქალაქ ტრაპიზონში, შავი ზღვის ტექნიკურ უნივერსიტეტში გამართულ საერთაშორისო სამეცნიერო კონფერენციაში. კონფერენცია ჩატარდა ინჟინერიასა და სიცოცხლის მეცნიერებების მიმართულებით თემაზე: „სიცოცხლე - ნახშირბადის ბალანსი“. ასოცირებულმა პროფესორმა გუგული დუმბაძემ კონფერენციის მონაწილეებს წარუდგინა ორი მოხსენება: „საქართველოს მყინვარების თანამედროვე მდგომარეობა“ და „შავი ზღვის აჭარის სანაპირო ზოლის ზოგიერთი თავისებურება კლიმატის ცვლილების ფონზე“.

ბსუ-ს მხარდაჭერით საქართველოს სამედიცინო სპეციალობების ასოციაციის (სსსა) GAMS VIII საერთაშორისო კონფერენცია „ნეიროგამოწვევები 2023 მტკიცებითი და პერსონალური მედიცინის ეპოქაში“ გაიმართა. კონფერენციაზე აშშ-ის, საქართველოს, ინგლისის, გერმანიის, ისრაელის, შვედეთის, შვეიცარიის, ესპანეთის, თურქეთის 150-მა წამყვანმა მეცნიერებმა და ექიმმა სამეცნიერო მოხსენებები წარმოადგინა სამედიცინო სფეროს უახლოეს მიღწევებზე, მკურნალობისა და კველევის მეთოდებზე. კონფერენციის ფარგლებში, ბსუ-ს რექტორმა მერაბ ხალვაშმა უწყვეტი პროფესიული განათლების განვითერებაში, ეროვნული სამედიცინო კადრების აღზრდაში შეტანილის წვლილისათვის პროფესორები: ირაკლი სულაქველიძე, ამოს კორჩინი, ზურაბ ნადარეიშვილი და შერეფნურ ოზთურუკი საპატიო სიგელებით დააჯილდოვა.

23-24 ივნისს, ბსუ-ში ჯანდაცვის მიმართულების აკადემიური და ადმინისტრაციული პერსონალისათვის ტრენინგი ჩატარდა თემაზე: „სწავლა-სწავლებისა და შეფასების თანამედროვე მეთოდების გამოყენება მედიცინის სწავლებისას - OSCE’ WPBA, Mini-CEX, Dops, EPA“. ტრენინგი მიზნად ისახავდა ჯანდაცვის მიმართულების პროგრამებში თანამედროვე მეთოდების დანერგვასა და გამოყენების ხელშეწყობას. ტრენინგის ფარგლებში ასევე გაზიარეს მონაწილეებმა თსსუ-ს ამერიკული პროგრამის და ბსუ-ს მედიცინის პროგრამის გამოცდილება, რომელიც ეხებოდა პროგრამის სტრუქტურას, ინტეგრირების ხარიხს, შეფასების სისტემას, მიმდინარე კომპეტენციის ზღვარს და მედიცინის დარგობრივი მახაიათებლით განსაზღვრულ მოთხოვნებს.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტი მარიამ ნოდია მკლავჭიდში ევროპის ჩემპიონია. ქალთა შორის 23 წლამდე 50 კგ. წონით კატეგორიაში მოასპარეზე მარიამ ნოდიამ ფინალურ შეხვედრაში თურქი მოწინააღმდეგე მელექ შაჰინი დაამარცხა მარჯვენა და მარცხენა მკლავში და ოქროს მედალი მოიპოვა. ევროპის ჩემპიონატი მოლოდავას დედაქალაქ კიშინიოვში ჩატარდა და მასში 31 ქვეყნის სპორტსმენი მონაწილეობდა. მარიამ ნოდია 2019 წელს მსოფლიო ჩემპიონი გახდა ქალთა შორის 21 წლამდე 55 კგ. წონით კატეგორიაში. ბათუმის შოთა რუსთაველის სახელმწიფო უნივერსიტეტი მარიამ ნოდიას ულოცავს დამსახურებულ გამარჯვებას და წარმატებებს უსურვებს.