ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტი მარიამ ნოდია მსოფლიო ჩემპიონია მკლავჭიდში. ქალთა შორის 21 წლამდე 55 კგ წონით კატეგორიაში მოასპარეზე მარიამ ნოდიამ მარჯვენა მკლავში პირველი და მარცხენა მკლავში მეორე ადგილი დაიკავა. ჩემპიონატი რუმინეთის ქალაქ კონსტანცაში მიმდინარეობს და შეჯიბრება 3 ნოემბრამდე გაგრძელდება. ბათუმის შოთა რუსთაველის სახელმწიფო უნივერსიტეტი მარიამ ნოდიას ულოცავს გამარჯვებას და უსურვებს წარმატებებს.

საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ორგანიზებით ბსუ-ში შავი ზღვის დაცვის საერთაშორისო დღისადმი მიძღვნილი ვორქშოფი გაიმართა თემაზე: „შავი ზღვის ბედი ჩვენს ხელშია“. ღონისძიებაზე წარმოდგენილი იყო პრეზენტაციები შავი ზღვის ეკოლოგიურ მდგომარეობაზე, გადაშენებულ სახეობებზე, ძირითად დამაბინძურებელ წყაროებსა და სხვა პრობლემეზე. ვორქშოფში ეკოლოგიის, ბიოლოგიის, გეოგრაფიის საგანმაანთლებლო პროგრამების სტუდენტებთნ ერთად მონაწილეობდნენ ბათუმის 1-ლი და მე-14 საჯარო სკოლის, სკოლა მონპარნასისა და სკოლა ევრო 2000-ის მოსწავლეები.

ბათუმის შოთა რუსთაველის სახელმწიფო უნივერსიტეტში საზღვაო ფერმერთა მოსამზადებელი სასწავლო კურსი დაიწყო. სასემინარო/პრაქტიკული პროგრამით, სტუდენტები დეტალურად შეისწავლიან საქართველოს საზღვაო აკვატორიაში მარიკულტურის ადგილების შერჩევის, გეომორფოლოგიური შეფასების, ფერმების ტექნოლოგიური აგების, მათი ფუნქციონირების უზრუნველყოფისა და ჰიდრობიონტების ხელოვნურად მოშენების საკითხებს.

საბუნებისმეტყველო მეცნიერებათ და ჯანდაცვის ფაკულტეტი აცხადებს კონკურსს შემდეგი სახელობითი სტიპენდიის მოსაპოვებლად: დოცენტ ვლადიმერ ქემხაძის სახელობის, აკადემიკოს მემედ კომახიძის სახელობის და პროფესორ ოთარ ახვლედიანის სახელობის. ბაკალავრიატის, მაგისტრატურის და ერთსაფეხურიანი (ქართულენოვანი,ინგლისურენოვანი) პროგრამების სტუდენტებისთვის.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებმა ძუძუს კიბოს შესახებ ცნობიერების ამაღლების კამპანიაში მიიღეს მონაწილეობა. ახალგაზრდებმა ღონისძიების ფარგლებში ფლეშმობი შეასრულეს, ევექსის, საოჯახო მედიცინის ცენტრის, N1 პოლიკლინიკის ბენეფიციარებს საინფორმაციო ბროშურები გადასცეს და ბავშვებს ვარდისფერი ბუშტები დაურიგეს. ღონისძიება სახელმწიფო პროგრამის „დაავადებათა ადრეული გამოვლენა და სკრინინგის“ ეგიდით დაავადებათა კონტროლისა და საზოგადოებრივი ჯანმრთელობის ეროვნული ცენტრისა და აჭარის საზოგადოებრივი ჯანდაცვის ცენტრის ორგანიზებით გაიმართა.