საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრმა ბსუ-ს საბუნებისმეტყველო მეცნიერებათა და ჯანდაცვის ფაკულტეტის ეკოლოგიის სპეციალობის მაგისტრანტებს, მარიამ შაინიძესა და თამთა აბულაძეს 1500-ლარიანი მწვანე სტიპენდიები გადასცა და სიგელებით დაჯილდოვა.ცენტრი 2022 წლიდან ახორციელებს მწვანე და აგრო სტიპენდიების პროგრამებს, რომლებიც მიზნად ისახავს გარემოსდაცვითი და აგრარული მიმართულებით დეფიციტური პროფესიების (მათ შორის - გარემოსდაცვითი მეცნიერებების, ეკოლოგიის) პოპულარიზაციას და მაღალი აკადემიური მოსწრების მაგისტრატურის, საბაკალავრო და პროფესიული საფეხურის სტუდენტების წახალისებას.

14-15 დეკემბერს პროგრამის „კლიმატის ცვლილებით გამოწვეული კატასტროფების რისკის შემცირება საქართველოში“ ფარგლებში, გამართულ შემაჯამებელ სათემო ფორუმში მონაწილეობა მიიღეს საბუნებისმეტყველო მეცნიერებათა და ჯანდაცვის ფაკულტეტის დეკანმა, პროფესორმა რუსუდან ხუხუნაიშვილმა და ეკოლოგიის პროგრამის ხელმძღვანელმა, ასოცირებულმა პროფესორმა ინგა დიასამიძემ. ფორუმზე მონაწილეებმა განიხილეს პროგრამის ფარგლებში გეოლოგიური, ჰიდრომეტეოროლოგიური და აგრომეტეოროლოგიური სადამკვირვებლო ქსელის გაფართოების მიზნით განხორციელებული ღონისძიებები, დასრულებული და მიმდინარე ნაპირსამაგრი სამუშაოები, საფრთხის რუკები, თემის მართვის გეგმების მომზადების პროცესი, პროექტის ფარგლებში შემუშავებული თემის მართვის გეგმები, პროგრამის ფარგლებში მიმდინარე და დასრულებული ნაპირდაცვითი ღონისძიებები და „კლიმატის ელჩების" ახალგაზრდული ინიციატივები.

ბსუ-ს საბუნებისმეტყველო მეცნიერებათა და ჯანდაცვის ფაკულტეტის ინგლისურენოვანი პროგრამის პროფესორ-მასწავლებლებისა და ადმინისტრაციული პერსონალისთვის შეხვედრა ჩატარდა აღმოსავლურ მსოფაღქმის საკითხებზე. შეხვედრაზე ძირითადი აქცენტი იყო გაკეთებული აღმოსავლური და დასავლური კულტურების მსგავსება-განსხვავებასა და უცხოელი სტუდენტების მენტალურ მხარდაჭერაზე. შეხვედრას უძღვებოდა ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის პროფესორი გიორგი მასალკინი.

ბათუმის შოთა რუსთაველის სახელმწიფო უნივერსიტეტში საბუნებისმეტყველო მეცნიერებათა და ჯანდაცვის ფაკულტეტის ემერიტუს პროფესორების, მურმან დავითაძისა და თემურ გოგმაჩაძის 80 წლის იუბილესადმი მიძღვნილი შეხვედრა გაიმართა. ბსუ-ს რექტორმა მერაბ ხალვაშმა ღვაწლმოსილ პროფესორებს იუბილე მიულოცა და ხანგრძლივი პედაგოგიური და საზოგადოებრივი მოღვაწეობისათვის მადლობის სიგელი გადასცა. ემერიტუს პროფესორებს ასევე იუბილე მიულოცეს, მათ ღვაწლზე ისაუბრეს და სამახსოვრო საჩუქრები გადასცეს საბუნებისმეტყველო მეცნიერებათა და ჯანდაცვის ფაკულტეტის დეკანმა რუსუდან ხუხუნაიშვილმა, პროფესორ-მასწავლებლებმა და სტუდენტებმა.

ბსუ-ს „Horizon Europe” საუნივერსიტეტო საგრანტო ოფისში ჩატარდა საინფორმაციო დღე საბუნებისმეტყველო მეცნიერებებისა და ჯანდაცვის ფაკულტეტის პროფესორ-მასწავლებლებთან. შეხვედრის მიზანი იყო ევროკომისიის კვლევისა და ინოვაციის უმსხვილესი პროგრამის „Horizon Europe”-ის 2023-24 წლის პროგრამის განხილვა და საგრანტო შეთავაზებების წარდგინება. შეხვედრაზე ასევე განიხილეს საპროექტო წინადადების წერასთან დაკავშირებული ნიუანსები, საერთაშორისო პროექტში პარტნიორობასთან, კონსორციუმის შექმნასთან და საგრანტო პროექტებში მონაწილეობასთან დაკავშირებული სხვა დეტალები. დაიგეგმა სამომავლო შეხვედრის თარიღები. შეხვედრას უძღვებოდა ბსუ-ს Horizon Europe” საუნივერსიტეტო საგრანტო ოფისის კოორდინატორი შოთა როდინაძე.