გერმანიის ბალტიკის კოლეჯის ტურიზმისა და მასპინძლობის ინსტიტუტის ხელმძღვანელს, პროფესორ გერალდ ვეტცელს ბათუმის შოთა რუსთაველის სახელმწიფო უნივერსიტეტის
აკადემიური საბჭოს გადაწყვეტილებით. წლების განმავლობაში პროფესორი გერალდ ვეტცელი ნაყოფიერად საქმიანობს და მნიშვნელოვანი წვლილი შეიტანა აჭარაში ტურიზმის განთლების განვითარებაში.

წარმატებული საუნივერსიტეტო, სამეცნიერო და პედაგოგიური საქმიანობისთვის ტურიზმის ფაკულტეტის დეკანმა, პროფესორმა როსტომ ბერიძემ ფაკულტეტის ადმინისტრაციულ და აკადემიურ პერსონალს სიგელები გადასცა. თანამშრომლების დაჯილდოება ბათუმის შოთა რუსთაველის სახელმწიფო უნივერსიტეტის საიუბილეო დღეების (2015 წლის 15-17 ოქტომბერი) ფარგლებში ჩატარდა.

არასამთავრობო ორგანიზაცია „ეკონომიკური განათლებისა და სტრატეგიული კვლევის ცენტრი’’ ’’Friedrich Naumann’’-ის ფონდის მხარდაჭერით „Ideas for Freedom in Georgia’’ - პროექტის ფარგლებში ცენტრის ანალიტიკოსმა სემინარი ჩაატარა თემაზე: „თავისუფალი ბაზარი თანამედროვე მსოფლიოში’’. ტურიზმის ფაკულტეტის სტუდენტები გაეცნენ დარგის აქტუალურ საკითხებს. მომხსენებელმა ისაუბრა თუ რამდენად თავისუფალია პრაქტიკაში ბაზარი ჩარევისაგან, როგორ მუშაობს კლასიკური თეორიები რეალურ სამყაროში, თავისუფალი ბაზრის მხარდამჭერი ეკონომისტების როლი და მნიშვნელობა თანამედროვე თავისუფალ ბაზარზე. სემინარის მონაწილე სტუდენტებს გადაეცათ სერტიფიკატები.

გერმანელი ექსპერტი კურტ ჰეინც რეიცი ტურიზმის ფაკულტეტის სტუდენტებისათვის თემაზე „საერთაშორისო ტურიზმის განვითარების თანამედროვე ტენდენციები და საქართველოში სასტუმრო ბიზნესის განვითარება“ მასტერკლასს ჩაატარებს. ახალგაზრდები 14 დღის განმავლობაში დარგის სიახლეებს გაეცნობიან და პროფესიულ უნარ-ჩვევებს გაიუმჯობესებენ. ბატონი კურტ ჰეინც რეიცი რამდენიმე წელია აქტიურად თანამშრომლობს ტურიზმის ფაკულტეტთან, 2010 წლიდან კი ბათუმის შოთა რუსთაველის სახელმწიფო უნივერსიტეტის საპატიო დოქტორია.

ტურიზმის ფაკულტეტის ადმინისტრაცია და ხარისხის უზრუნველყოფის სამსახური ტურიზმის ფაკულტეტის პირველკურსელებს შეხვდნენ და უმაღლესი საგანმანათლებლო დაწესებულების ძირითადი მარეგულირებელი აქტები, საგანმანათლებლო პროგრამების განხორციელების წესი და სტრუქტურა გააცნეს. 2015-2016 სასწავლო წელს ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტზე 140 პირველკურსელი და 35 მობილობით გადმოსული სტუდენტი ჩაირიცხა.