ნორვეგიის ტელემარკის უნივერსიტეტის პროფესორმა, ბათუმის შოთა რუსთაველის სახელმწიფო უნივერსიტეტის საპატიო დოქტორმა, თეიმურაზ აბესაძემ ტურიზმისა და მასპინძლობის მენეჯმენტის მაგისტრატურის I კურსის სტუდენტებისთვის ერთკვირიანი ლექციების კურსი წაიკითხა თემაზე: „სოფლად ტურიზმი და მდგრადი ბიზნესი“. სტუდენტები სოფლად ტურიზმის განვითარების ნორვეგიულ გამოცდილებასა და ამ სფეროში მდგრადი ბიზნესის შესაძლებლობებს გაეცნენ. პროფესორი თეიმურაზი აბესაძე რამდენიმე წელია ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტთან თანამშრომლობს და ხელმძღვანელობს ნორვეგიულ-ქართულ პროექტს - „ნორვეგიაში, საქართველოსა და ყირგიზეთში მდგრადი ტურიზმის და ინოვაციების სფეროში განათლება“.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის 27-მა სტუდენტმა 2-თვიანი სასწავლო პრაქტიკა კუნძულებზე უსედომზე, რუგენზე და ქალაქ ჰამბურგში გაიარეს. ახალგარზდებს საშუალება ჰქონდათ 2 თვის განმავლობაში გაცნობოდნენ ხუთვარსკვლავიანი სასტუმროების ყველა ძირითად სტრუქტურულ ერთეულს. თეორიულ ცოდნის მიღებასთან ერთად, სტუდენტები აქტიურად იყვნენ ჩართული სასტუმროს ყოველდღიურ საქმიანობაში. პრაქტიკა უზრუნველყოფილი იყო გერმანიის შვერინის ბალტიკის კოლეჯთან გაფორმებული მემორანდუმის ფარგლებში.

გერმანიის „ბალტიკის კოლეჯის“ ტურიზმისა და მასპინძლობის ინსტიტუტის ხელმძღვანელმა, ბათუმის შოთა რუსთაველის სახელმწიფო უნივერსიტეტის საპატიო დოქტორმა, პროფესორმა გერალდ ვეტცელმა ტურიზმის ფაკულტეტის სტუდენტებისათვის მასტერკლასი თემაზე ჩაატარა: „სარესტორნო და ღვინის ტურიზმის განვითარების საერთაშორისო გამოცდილება“. მასტერკლასის ფარგლებში ახალგაზრდები ღვინის, საკრუიზო, რეაკრიაცუიული და კულინარიული ტურიზმის აქტუალურ საკითხებს გაეცნენ. ღონისძიების დასასრულს, პროფესორმა გერალდ ვეტცელმა სტუდენტების შეკითხვებს უპასუხა.

გერმანიის საერთაშორისო კორპორაციის (GIZ) ექსპერტს, აჭარის ავტონომიური რესპუბლიკის ტურიზმისა და კურორტების დეპარტამენტის მოწვეულ ექსპერტს, ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის მოწვეულ მასწავლებელს ჰანს-ულრიხ ტროსიენს შოთა რუსთაველის მედალი გადასცეს. ცნობილი ექსპერტი საქართველოში და კერძოდ, აჭარაში წლების განმავლობაში ნაყოფიერად საქმიანობს ტურიზმის დარგში, მნიშვნელოვანი წვლილი შეიტანა ტურიზმის განათლების განვითარებაში.

გერმანიის ბალტიკის კოლეჯის ტურიზმისა და მასპინძლობის ინსტიტუტის ხელმძღვანელს, პროფესორ გერალდ ვეტცელს ბათუმის შოთა რუსთაველის სახელმწიფო უნივერსიტეტის
აკადემიური საბჭოს გადაწყვეტილებით. წლების განმავლობაში პროფესორი გერალდ ვეტცელი ნაყოფიერად საქმიანობს და მნიშვნელოვანი წვლილი შეიტანა აჭარაში ტურიზმის განთლების განვითარებაში.