აჭარის ა.რ. განათლების, კულტურისა და სპორტის სამინისტროს „უმაღლესი განათლების ხელშეწყობის“ ქვეპროგრამის ფარგლებში, ახალგაზრდა მეცნიერმა მირანდა ხაჯიშვილმა მონაწილეობა მიიღო 25-28 აგვისტოს, სტამბულში გამართულ საერთაშორისო სამეცნიერო კონფერენციაში „საერთაშორისო კონფერენცია ფუნდამენტალურ მეცნიერების, ინჟინერიისა და ტექნოლოგიების შესახებ - ICBASET2022“. მომხსენებელი კონფერენციაზე წარსდგა თემით: „CCD კამერის SNR შეფასება OD საშუალოსთვის“ (თანამომხსენებელი ნ. ღომიძე, ჯ. შაინიძე).

ბათუმის შოთა რუსთაველის სახელმწიფო უნივერსიტეტში საქართველოს მათემატიკოსთა კავშირის XII საერთაშორისო კონფერენცია იმართება. ერთი კვირის განმავლობაში 215 ქართველი და უცხოელი მათემატიკოსი სამეცნიერო მოხსენებებს წარმოადგენს ბოლო პერიოდში წარმოებული სამეცნიერო კვლევების შესახებ. კონფერენციის ფარგლებში, ასევე, გაიმართება ორი მინისიმპოზიუმი: ტოპოლოგია საქართველოში და ალგებრული გეომეტრია, ჯგუფების გეომეტრიული და ჰომოლოგიური ალგებრა.

22-26 აგვისტოს, შვედეთის ქალაქ სტოკჰოლმში, ტექნოლოგიების სამეფო უნივერსიტეტში HEIN4.0 პროექტის ფარგლებში გამართულ სასწავლო ვიზიტსა და საკოორდინაციო შეხვედრაში მონაწილეობა მიიღეს პროექტის მენეჯერმა, ბსუ-ს ზუსტ მეცნიერებათა და განათლების ფაკულტეტის დეკანმა, პროფესორმა ლელა თურმანიძემ და ბსუ-ს ხარისხის უზრუნველყოფის სამსახურის ხელმძღვანელმა, პროფესორმა ვლადიმერ ღლონტმა. ტექნოლოგიების სამეფო უნივერსიტეტის პროფესორმა ანტონიო მაფეიმ, ფილოსოფიის დოქტორებმა მირკო ვარანომ და ფრედერიკ ენოქსონმა ჩაატარეს სემინარები მომხმარებლის საჭიროებების შესწავლისა და მათზე საგანმანათლებლო სერვისების მორგების მეთოდოლოგიაზე, ინოვაციური ტრენინგების შემუშავება-დანერგვის პერსპექტივებზე, წარმოადგინეს სხვადასხვა საერთაშორისო პროექტის შედეგები, გამოცდილება და ისაუბრეს ახალი პროექტების შემუშავების შესაძლებლობებზე.

ევროკავშირის კვლევისა და ინოვაციის პროგრამის „ჰორიზონტი 2020“ ფარგლებში დაფინანსებული პროექტის „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ („iHubs4Schools - Accelerating Digital Innovation in Schools through Regional Innovation Hubs and a Whole-School Mentoring Model“) ფარგლებში, ბსუ-ს პერსონალმა მორიგი შეხვედრა გამართა პროექტში ჩართული საპილოტე სკოლების დირექტორებთან. შეხვედრის მიზანი იყო პილოტირების პროცესის შუალედური შეფასება და მორიგი აქტივობების განხორციელების დეტალებზე შეთანხმება.

ევროკავშირის კვლევისა და ინოვაციის პროგრამის „ჰორიზონტი 2020“ ფარგლებში დაფინანსებული პროექტის„ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ („iHubs4Schools - Accelerating Digital Innovation in Schools through Regional Innovation Hubs and a Whole-School Mentoring Model“) მონაწილე ბსუ-ს პერსონალმა- ასოცირებულმა პროფესორებმა მადონა მიქელაძემ და თათია ნაკაშიძემ - მონაწილეობა მიიღეს 48-ე ყოველწლიურ საერთაშორისო ჰიბრიდულ კონფერენციაში „კვლევიდან პრაქტიკამდე“ (IUT).