ბრძანება №01-02/242

ბრძანება №01-02/244

გოეთეს ინსტიტუტმა საქართველოში ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტს საჩუქრად უახლესი გერმანულენოვანი ლიტერატურა გადმოსცა. აღნიშნული თანამედროვე სახელმძღვანელოებით ენის პრაქტიკული კურსისა და გერმანული ლიტერატურის ისტორიისთვის განახლდება გერმანული ფილოლოგიის საგანმანათლებლო პროგრამის სასწავლო რესურსი. ბსუ-ს ჰუმანიტარულ მეცნიერებათა ფაკულტეტი უკვე წლებია აქტიურად თანამშრომლობს გოეთეს ინსტიტუტთან საქართველოში და ახორციელებს საგანმანათლებლო პროექტებს სტუდენტებისა და ლექტორ-მასწავლებლებისათვის.

ოდესის VIII საერთაშორისო ლიტერატურული ფესტივალის ფარგლებში, ბათუმის შოთა რუსთაველის სახელმწიფო უნივერსიტეტში უკრაინელ პოეტებთან - ჰალინა კრუკთან და დმიტრო ლაზუტკინთან - შეხვედრა-დისკუსია „წერის ხელოვნება“ გაიმართა. შეხევედრაზე სტუდენტებს, პროფესორ-მასწავლებლებსა და საზოგადოების წარმომადგენლებს უკრაინელმა პოეტებმა ომის თემატიკაზე, რეალურ ამბებზე შექმნილი საკუთარი ლექსები წაუკითხეს. ღონისძიების მონაწილეებს შესაძლებლობა ჰქონდათ ასევე, გაცნობოდნენ ჰალინა კრუკისა და დმიტრო ლაზუტკინის ლექსებს ქართულ ენაზე.

ბათუმის შოთა რუსთაველის სახელმწიფო უნივერსიტეტში ოდესის VIII საერთაშორისო ლიტერატურული ფესტივალის ფარგლებში ჰუმანიტარულ მეცნიერებათა ფაკულტეტის სტუდენტებისთვის მთარგმნელ კატია ვოლტერსის მთარგმნელობითი მასტერკლასი გაიმართა თემაზე: „დანაკარგი და შენაძენი თარგმანში“. ღონისძიება ბსუ-ს ჰუმანიტარულ მეცნიერებათა ფაკულტეტის დეკანმა პროფესორმა მარინე გიორგაძემ გახსნა და ლიტერატურული ფესტივალის ჩატარების მნიშვნელობაზე ისაუბრა. მთარგმნელმა კატია ვოლტერსმა ინტერაქციულ ღონისძიებაზე ახალგაზრდებს მთარგმნელობით შემოქმედებით პროცესზე ესაუბრა, საკუთარი გამოცდილება გაუზიარა და მათ შეკითხვებს უპასუხა. მასტერკლასს მოდერატორობას უწევდა ბსუ-ს ჰუმანიტარულ მეცნიერებათა ფაკულტეტის ასისტენტ პროფესორი მარიამ კორინთელი.