ბათუმის შოთა რუსთაველის სახელმწიფო უნივერსიტეტში საზაფხულო სკოლა „კრიტიკული აზროვნება სოციალურ მეცნიერებებში’’ დასრულდა. პროექტი 4 დღის განმავლობაში მიმდინარეობდა და მას სოციოლოგი იაგო კაჭკაჭიშვილი და ფსიქოლოგი გაგა ნიჟარაძე უძღვებოდნენ. საზაფხულო სკოლის მიზანი სტუდენტებში კრიტიკული აზროვნების განვითარება იყო დაა მასში აჭარის რეგიონში მოქმედი უმაღლესი საგანმანათლებლო დაწესებულებების განათლების, ჰუმანიტარულ, სოციალურ და პოლიტიკურ მეცნიერებათა ფაკულტეტის მაგისტრატურის სტუდენტები ღებულობდნენ მონაწილეობას.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ევროპეისტიკის დეპარტამენტის ასოცირებული პროფესორი მარინე სიორიძე 2015-2016 სასწავლო წელს ერაზმუს მუნდუსის (Erasmus Mundus EMBER - Action 2) გაცვლითი პროგრამის ფარგლებში იმყოფებოდა ესპანეთში, სევილიის უნივერსიტეტში. ფრანგული ფილოლოგიის დეპარტამენტში (Universidad de Sevilla, Departamento de Filología Francesa) მკვლევარი/მასწავლებლის პოზიციაზე მკვლევარმა ფრანგული ფილოლოგიის დეპარტამენტის ხელმძღვანელ, პროფესორ ინმაკულადა ილიანეს ორტეგას (Inmaculada ILLANES ORTEGA) ხელმძღვანელობით ჩაატარა სამეცნიერო კვლევა თემაზე: „კულტურულად მოტივირებული ფრაზეოლოგიური ერთეულების კვლევა ევროპულ და ქართულ ლიტარატურაში“ (« Culturally Motivated Phrasal Units in European and Georgian Literature »). ასოცირებულმა პროფესორმა მარინე სიორიძემ, ერთი სასწავლო წლის განმავლობაში, ჩაატარა ლექცია/კონფერენცია ლიტერატურაში (20 აკად. საათი), პრაქტიკული კურსი ფრანგულ და იტალიურ ენებში (10 აკად. საათი), მოამზადა საკვლევ თემასთან დაკავშირებული რამდენიმე სამეცნიერო სტატია და მონაწილეობა მიიღო საერთაშორისო კონგრესში „Congreso de Literatura, Lengua y Traducción liLETRAd”.

ბათუმის შოთა რუსთაველის სახელმწიფო უნივერსიტეტში სემიოტიკის VII საერთაშორისო სამეცნიერო კონფერენცია გაიხსნა თემაზე: „ქაოსისა და კოსმოსის სემიოტიკა“. სამეცნიერო კონფერენცია ოთხი მიმართულებით 13 სექციაში იმუშავებს. ორი დღის განმავლობაში 100-მდე ქართველი და უცხოელი პროფესორ-მასწავლებელი და მკვლევარი მოხსენებას წარმოადგენს სემიოტიკის აქტუალურ პრობლემებზე. კონფერენციის მიმდინარეობისას გაიმართება მრგვალი მაგიდა თემაზე: სინერგეტიკა - მეცნიერების მომავალი.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს სახელობითი სტიპენდიების მოსაპოვებლად

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს ავთანდილ ბართაშვილის სახელობითი სტიპენდიის მოსაპოვებლად