ბსუ-ს ეკონომიკისა და ბიზნესის ფაკულტეტის ასისტენტ-პროფესორი გიორგი ქათამაძე შოთა რუსთაველის საქართველოს ეროვნული სამეცნიერო ფონდის 2022 წლის ახალგაზრდა მეცნიერთა კვლევების გრანტით დაფინანსების კონკურსის გამარჯვებულია. პროექტის „მცირე და საშუალო ბიზნეს სუბიექტების კრიზისი და მისი პრევენცია პოსტ-პანდემიურ პერიოდში საქართველოში“ ხანგრძლივობაა 2 წელი. ახალგაზრდა მეცნიერის მენტორია ბათუმის შოთა რუსთაველის სახელწიფო უნივერსიტეტის ეკონომიკისა და ბიზნესის ფაკულტეტის დეკანი, პროფესორი ნათელა წიკლაშვილი. ახალგაზრდა მეცნიერის კონსულტანტებია ამავე ფაკულტეტის ასოცირებული პროფესორები ბადრი გეჩბაია და გიორგი აბუსელიძე. პროექტს ჰყავს უცხოელი კონსულტანტი, ბულგარეთის, ქ. სვიშტოვის დ. ცენოვის სახელობის ეკონომიკის აკადემიის პროფესორი მარიანა პეტროვა.

20 დეკემბერს, 15:00 საათზე, 430-ე აუდიტორიაში ბსუ-ს ეკონომიკისა და ბიზნესის ფაკულტეტის ასოცირებული პროფესორი ბესიკ ბოლქვაძე ჩაატარებს საჯარო ლექციას თემაზე: „სათამაშო ბიზნესი: მითი და რეალობა (მსოფლიო გამოცდილება და საქართველო)“. საჯარო ლექცია ეძღვნება ეკონომიკისა და ბიზნესის ფაკულტეტის 25 წლის იუბილეს. ლექციაში განხილული იქნება აზარტული თამაშების ევოლუცია, სათამაშო ბიზნესის თანამედროვე გლობალური ტრენდები და რეგულაციები, ასევე საქართველოში სათამაშო ინდუსტრიის ფუნქციონირების პრობლემური საკითხები. საჯარო ლექციაზე დასწრება თავისუფალია.

2022-2023 სასწავლო წლის შემოდგომის სემესტრისათვის საფაკულტეტო სახელობითი სტიპენდიის მოსაპოვებლად კონკურსის გამოცხადების შესახებ 2022-2023 სასწავლო წლისათვის ავთანდილ ბარათაშვილის სახელობის სტიპენდიის მოსაპოვებლად კონკურსის გამოცხადების შესახებ

ბსუ-ს ეკონომიკისა და ბიზნესის ფაკულტეტზე „ერაზმუს+”- ის გაცვლითი პროგრამით მყოფ უცხოელ სტუდენტებთან საინფორმაციო შეხვედრა გაიმართა. შეხვედრას ესწრებოდნენ ეკონომიკისა და ბიზნესის ფაკულტეტის დეკანი, ამავე ფაკულტეტის აკადემიური და მოწვეული პერსონალი, ბსუ–ს სტრატეგიული განვითარებისა და საგარეო ურთიერთობათა დეპარტამენტის წევრები, ეკონომიკისა და ბიზნესის, ტურიზმის ფაკულტეტის სტუდენტები.

ეკონომიკისა და ბიზნესის ფაკულტეტის პროფესორებმა ვლადიმერ ღლონტმა, ასიე ცინცაძემ და ასისტენტ პროფესორმა თამარ ღოღობერიძემ მონაწილეობა მიიღეს ქალაქ პრაღაში გამართულ საერთაშორისო სამეცნიერო კონფერენციაში „საერთაშორისო კონფერენცია გლობალურ ეკონომიკაში ბიზნესის, მენეჯმენტის, სოციალური და ჰუმანიტარული მეცნიერებების პერსპექტივა“ კონფერენციაზე წარდგენილი იყო ბსუ-ს მიზნობრივი კვლევითი პროექტის „დაგროვებითი საპენსიო სისტემით მისაღები სოციალური სარგებლის ღირებულების პროგნოზირება გრძელვადიანი დეპოზიტის ღირებულების ცვლილების მიხედვით“ კვლევის შედეგების ამსახველი ორი ნაშრომი: „სადეპოზიტო დანაზოგები და მათ სარგებლიანობაზე მოქმედი ფაქტორები“ და „დემოგრაფიული დივიდენდი და საპენსიო სისტემა საქართველოში“. ნაშრომები გამოქვეყნდება ჟურნალში „Special Education“, რომელიც ინდექსირებულია Scopus-ის ბაზაში.