ბსუ-ში მსოფლიო ბანკის უფროსმა ეკონომისტმა, საიდა ისმაილახუნოვამ სტუდენტებისა და დაინტერესებული პირებისთვის საჯარო ლექცია წაიკითხა თემაზე: „სამუშაო ადგილებისა და უნარების მომავალი საქართველოში“. მონაწილეებმა ინფორმაცია მიიღეს იმ ცვლილებების შესახებ, რომელიც ახალი ტექნოლოგიებისა და ეკონომიკური დინამიკის შედეგად ვითარდება და გავლენას ახდენს პროფესიულ მიმართულებებზე.
მიმდინარე წლის 5-9 მაისს, „ერასმუს +“- ის აკადემიური მობილობის ფარგლებში, ბსუ-ს ეკონომიკისა და ბიზნესის ფაკულტეტის, ბიზნესის ადმინისტრირების, მენეჯმენტის და მარკეტინგის დარგობრივი დეპარტამენტის მოწვეულმა მასწავლებელმა თამთა ვარშანიძემ ლექციები ჩაატარა კროსნოს გამოყენებით მეცნიერებათა უნივერსიტეტის (პოლონეთი) მენეჯმენტის მიმართულების სტუდენტებთან.
ბათუმის შოთა რუსთაველის სახელმწიფო უნივერსიტეტის მესამე მისიით გათვალისწინებული აქტივობების ფარგლებში ეკონომიკისა და ბიზნესის ფაკულტეტის ეკონომიკის დარგობრივმა დეპარტამენტმა 5 მაისს უმასპინძლა ბათუმის N1 საჯარო სკოლის X - XI კლასის მოსწავლეებს.
ბათუმის შოთა რუსთაველის სახელმწიფო უნივერსიტეტსა და ვროცლავის მერიტო უნივერსიტეტს (WSB MERITO UNIVERSITY IN WROCŁAW) შორის დადებული თანამშრომლობის მემორანდუმის ფარგლებში, აჭარის ა.რ. განათლებისა და სპორტის სამინისტროს და ბსუ-ს ფინანსური მხარდაჭერით, ვროცლავის მერიტო უნივერსიტეტის ბიზნესის კვირეულში მონაწილეობა მიიღო ბსუ-ს ეკონომიკისა და ბიზნესის ფაკულტეტის ხუთმა სტუდენტმა - ანანო კუკულაძემ, გვანცა ზოიძემ, მარი თურმანიძემ, ანი ართმელაძემ და ნიკო ლეონიძემ. ბათუმის შოთა რუსთაველის სახელმწიფო უნივერსიტეტის რექტორი, ტიტე აროშიძე გამგზავრებამდე პროექტში მონაწილე სტუდენტებსა და მენტორს, ასისტენტ ნინო კონცელიძეს შეხვდა და წარმატებები უსურვა.
საქართველოს ეროვნული ბანკის ორგანიზებით, თბილისისა და რეგიონების უმაღლესი სასწავლებლების სტუდენტებისთვის ფინანსური განათლების თემაზე სემინარი გაიმართა. სემინარში ბსუ-ს ეკონომიკისა და ბიზნესის ფაკულტეტის სტუდენტებმა: საბა ვარშანიძემ და საბა თურმანიძემ მიიღეს მონაწილეობა. შეხვედრის მიზანი სტუდენტებისთვის სებ-ის ფუნქციების, მიმართულებებისა და საფინანსო სექტორის საქმიანობის უკეთ გაცნობა იყო. სემინარის ფარგლებში ჩატარდა სესიები ისეთ თემებზე, როგორებიცაა - ფინანსური ბაზრების სტაბილურობა, მომხმარებელთა უფლებები, ფინანსური რეზერვების მართვა, ფულის გათეთრებასთან ბრძოლა, საბანკო და არასაბანკო ზედამხედველობის რეგულირება და სხვა.
