ბსუ-ს წარმომადგენლობითი საბჭოს არჩევნებში (გამოცხადებული ბსუ-ს რექტორის 2022 წლის 19 ოქტომბრის N 01-02/244 ბრძანებით) დარეგისტრირებული კანდიდატები (აკადემიური და სამეცნიერო პერსონალი):
ბსუ-ს ჰუმანიტარულ მეცნიერებათა ფაკულტეტი
ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის მენეჯმენტის სპეციალობის მე-4 კურსის სტუდენტები ოპერაციული მენეჯმენტის მნიშვნელობის უკეთ გათვითცნობიერებისა და პრაქტიკული გამოცდილების გაზიარების მიზნით ეწვივნენ ფილების საწარმო „ლეგს“ (ლექტორი, ასოცირებული პროფესორი ნატო ჯაბნიძე). ახალგაზრდები გაეცნენ კომპანიის მუშაობის სპეციფიკას და თავისებურებებს. შეხვედრაზე დაიგეგმა სამომავლო თანამშრომლობა.
ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტისა და ტურიზმის ფაკულტეტის სტუდენტთა ჯგუფი სასწავლო კურსის - ინოვაციური მარკეტინგი (ლექტორი, ასოცირებული პროფესორი ნანული მახარაძე) ბათუმის ტექნოპარკს ეწვია. შეხვედრის მიზანი იყო სტუდენტების ჩართულობის გაზრდა ინოვაციური პროექტების მომზადების პროცესში და ამ მიზნით ტექნოპარკის სივრცის გამოყენება. ბათუმის ტექნოპარკის მენეჯერმა ქეთევან ბულისკერიამ სტუდენტებს გააცნო ტექნოპარკის ინფრასტრუქტურა და საქმიანობის პრინციპები. დაიგეგმა მსგავსი შეხვედრის გაგრძელება და სასწავლო კურსის ფარგლებში ერთობლივი სიმულაციური პროექტის მომზადება.
აკადემიკოს ავთანდილ სილაგაძეს და პროფესორ ეთერ ხარაიშვილს ბათუმის შოთა რუსთაველის სახელმწიფო უნივერსიტეტის საპატიო დოქტორის წოდება მიენიჭათ. აკადემიკოს ავთანდილ სილაგაძეს და პროფესორ ეთერ ხარაიშვილს დიდი წვლილი მიუძღვით ქართული ეკონომიკური მეცნიერების განვითარებასა და ახალგაზრდა თაობების აღზრდაში. ასევე მნიშვნელოვანია მათი დამსახურება ბსუ-ს ეკონომიკისა და ბიზნესის ფაკულტეტის, პროფესორ-მასწავლებელთა და სტუდენტთა წინაშე. აკადემიკოს ავთანდილ სილაგაძისა და პროფესორ ეთერ ხარაიშვილის ხელშეწყობით ბსუ-ში არაერთი მნიშვნელოვანი საგანმანათლებლო და სამეცნიერო ღონისძიება გაიმართა.
ბათუმის შოთა რუსთაველის სახელმწიფო უნივერსიტეტში ეკონომიკისა და ბიზნესის ფაკულტეტის დაარსებიდან 25 წლის იუბილესადმი მიძღვნილი ორდღიანი საერთაშორისო სამეცნიერო კონფერენცია „ეკონომიკისა და ბიზნესის გლობალური გამოწვევები და მდგრადი განვითარება“ გაიხსნა. ხუთი სექციის მიმართულებით ქართველი და უცხოელი პროფესორ-მასწავლებლები და მკვლევრები მოხსენებებს წარმოადგენენ ბოლო პერიოდში წარმოებული კვლევის შედეგებზე. კონფერენციაში 15 ქართული და 7 უცხოური უნივერსიტეტის 125 წარმომადგენელი მონაწილეობს. საიუბილეო ღონისძიებაზე ბსუ-ს რექტორმა, პროფესორმა მერაბ ხალვაშმა ეკონომიკისა და ბიზნესის ფაკულტეტს წარმატებული საგანმანათლებლო და სამეცნიერო საქმიანობისათვის მადლობის სიგელი გადასცა. კონფერენციის მონაწილეებმა ეკონომიკისა და ბიზნესის ფაკულტეტს 25 წლის იუბილე მიულოცეს და წარმატებები უსურვეს.
