ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის დეკანი ნათია წიკლაშვილი, დეკანის მოადგილეები, ასოცირებული პროფესორი რამინ ცინარიძე, ასოცირებული პროფესორი ნატო ჯაბნიძე და პროფესორ-მასწავლებლები პირველკურსელებს შეხვდნენ. ფაკულტეტის ადმინისტრაციამ და აკადემიურმა პირებმა პირველკურსელებს სტუდენტობა მიულოცეს და წარმატებები უსურვეს. სტუდენტებს შეხვედრაზე გააცნეს უმაღლესი საგანმანათლებლო დაწესებულების ძირითად მარეგულირებელი აქტები, საგანმანათლებლო პროგრამების განხორციელებისა და სტუდენტთა აკადემიური შეფასების წესები, აკადემიური კალენდარი და ინფორმაცია ელექტრონული სერვისების შესახებ.

ეკონომიკისა და ბიზნესის ფაკულტეტის სტუდენტი ანა სიხარულიძე, ახალგაზრდული გაცვლითი პროექტის „Active Generation”–ის მიერ შერჩეული ერთ–ერთი მონაწილე გახდა საქართველოდან. „აქტიური თაობა“ არის მოკლევადიანი საერთაშორისო ახალგაზრდული გაცვლითი პროქტი, რომელიც გაიმართება სტამბულში და მიზნად ისახავს ახალგაზრდების კომპეტენციების განვითარებას და გაძლიერებას სოციალური მეწარმეობის კუთხით.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის პროფესორ-მასწავლებლები ბათუმის ტექნოპარკს ეწვივნენ. ვიზიტის მიზანი იყო აკადემიური წრეებისა და სტუდენტების ჩართულობის გაზრდა სტარტაპ ეკოსისტემაში. ასევე, დაინტერესებულ მხარეებს მეტი შესაძლებლობა მიეცეთ, გამოიყენონ აქამდე რთულად ხელმისაწვდომი ტექნოლოგიები სხვადასხვა საქმიანობის განვითარებისთვის და მიიღონ ცოდნა როგორც ინოვაციებისა და ტექნოლოგიების სფეროში, ისე მეწარმეობის მიმართულებით. ფაკულტეტსა და ბათუმის ტექნოპარკს შორის დაიგეგმა სამომავლო თანამშრომლობის მიმართულებები.

ბსუ-ს ეკონომიკისა და ბიზნესის ფაკულტეტის სტუდენტებისა და პროფესორ-მასწავლებლებისათვის უკრაინის სახელმწიფო უნივერსიტეტის პროფესორებმა ტატიანა სლიესარმა და ლიდია ავრამჩუკმა საჯარო ლექცია წაიკითხეს თემაზე: „ბუღალტრული აღრიცხვის ორგანიზაცია“. მომხსენებლებმა განიხილეს ისეთი საკითხები, როგორიცაა: ბუღალტრული აღრიცხვის რეგულირება სახელმწიფოს მიერ, ბუღალტრული აღრიცხვის საგანი, კონტროლი და ანალიზი, ეკონომიკური ინფორმაციის მიღების შესაძლებლობები და სისტემები. ლექციის დასრულების შემდეგ შეხვედრა დისკუსიით გაგრძელდა.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის „ბიზნესის ადმინისტრირების“ სპეციალობის II კურსის სტუდენტებმა წარმოადგინეს სოციალური, საზოგადოებრივი და ბიზნეს პროექტები. სასწავლო-პრაქტიკული პროექტები მომზადდა - „პროექტების მენეჯმენტის“ სასწავლო კურსის ფარგლებში და მიზნად ისახავდა სტუდენტთა პრაქტიკული უნარ-ჩვევების გამომუშავებას, პროექტების რეალურ გარემოში წარმართვასა და სტუდენტებისთვის პროექტების მართვის უნარების გამომუშავებას.