ბსუ-ს ზუსტ მეცნიერებათა და განათლების ფაკულტეტის პედაგოგიურ მეცნიერებათა დეპარტამენტის ორგანიზებით მასტერკლასი „საახალწლო სილამაზე“ გაიმართა. მასტერკლასს ბსუ-ს პედაგოგიურ მეცნიერებათა დეპარტამენტის მოწვეული მასწავლებელი ხათუნა ლომაძე და ხატვის სტუდიის „არტ-ფაბრიკა“ ხელმძღვანელი, მასწავლებლის მომზადების საგანმანათლებლო პროგრამის სტუდენტი გუგული ღოღობერიძე უძღვებოდნენ. ღონისძიების მონაწილეებს მიესალმნენ პედაგოგიურ მეცნიერებათა დეპარტამენტის წევრები: პროფესორი ლელა თავდგირიძე, ასოცირებული პროფესორი ნატო შეროზია და ასოცირებული პროფესორი ნანა მაკარაძე.

2021-2022 სასწავლო წლის გაზაფხულის სემესტრის შედეგების მიხედვით, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის სტუდენტებმა მოიპოვეს 3 საფაკულტეტო სახელობითი სტიპენდია, 25 სახელმწიფო სტიპენდია, 1 თამაზ ბექაიას სტიპენდია, 10 გუდავაძე-პატარკაციშვილის ფონდის სტიპენდია და ერთი ავთანდილ ბარათაშვილის სტიპენდია. ფაკულტეტის ადმინისტრაცია ულოცავს სტიპენდიატებს წარმატებას და უსურვებს შემდგომ წინსვლას სწავლასა და კარიერაში.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის „პროფესიული და უწყვეტი განათლების“ სამაგისტრო საგანმანათლებლო პროგრამამ მოიპოვა აკრედიტაცია. ვულოცავთ სტუდენტებსა და პროფესორ-მასწავლებლებს ამ მნიშვნელოვან წარმატებას!

ბათუმის შოთა რუსთველის სახელმწიფო უნივერსიტეტის ემერიტუს-პროფესორმა გული შერვაშიძემ და ასოცირებულმა პროფესორმა ლალი ანთიძემ სტუდენტებისათვის საჯარო ლექცია თემაზე: „კანტის კატეგორიული იმპერატივი“. მომხსენებლებმა განიხილეს კანტის ეთიკური შეხედულებები და აღნიშნეს, რომ კანტის თეორიის მიხედვით მორალურ წესს გამონაკლისი არ აქვს - ყველა უნდა იყოს ზნეობრივი, მართალი და პატიოსანი მიუხედავად ხელისშემშლელი გარემოებებისა. კანტი არ აღიარებს გამონაკლის შემთხვევებს და პინაზე არსებული სიკეთეების პროპორციას, მისი აზრით ნებისმიერ შემთხვევაში, როდესაც ადამიანი კატეგორიულ იმპერატივს დაარღვევს, მაშინ მას სრულად ეკისრება პასუხისმგებლობა არამარტო იმპერატივის დარღვევით ჩადენილ ქმედებაზე, არამედ შედეგზეც. ლექციის დასრულების შემდეგ დისკუსია გაიმართა კანტის ეთიკურ შეხედულებებზე.

ბსუ-ს ზუსტ მეცნიერებათა და განათლების ფაკულტეტის კომპიუტერულ მეცნიერებათა დეპარტამენტის პროფესორ-მასწავლებლები ზედა წინსვლის საჯარო სკოლას ეწვივნენ და 9-11 კლასის მოსწავლეებსა და სკოლის მასწავლებლებს შეხვდნენ. კომპიუტერულ მეცნიერებათა დეპარტამენტის ხელმძღვანელმა, ასოცირებულმა პროფესორმა მიხეილ დონაძემ, დეპარტამენტის ლექტორებმა ანა სურმანიძემ და ბესიკ ბერიძემ შეხვედრაზე ისაუბრეს კომპიუტერული მეცნიერების როლზე თანამდეროვე ცხოვრებაში, კერძოდ კიბერ უსაფრთხოების, სოციალური ქსელების, WEB დიზაინისა და WEB 3 პლატფორმის მნიშვნელობაზე. შემეცნებით ხასიათის ღონისძიება კითხვა-პასუხის რეჟიმში წარიმართა და ბსუ-ს პროფესორ-მასწავლებლებმა მოსწავლეების შეკითხვებს უპასუხეს. ვიზიტი მიზნად ისახავდა ზედა წინსვლის საჯარო სკოლასთან თანამშრომლობის გაღრმავებასა და კომპიუტერული მეცნიერების პოპულარიზაციას.