ჰუმანიტარულ მეცნიერებათა ფაკულტეტის პროფესორები მარინე გიორგაძე და ნატალია სურგულაძე 2019 წლის 25-30 მარტს აკადემიური პერსონალის სტატუსით ერასმუს+-ის გაცვლითი პროგრამის ფარგლებში, ქალაქ რუანის უნივერსიტეტში (საფრანგეთი) იმყოფებოდნენ. პროფესორებმა მარინე გიორგაძე და ნატალია სურგულაძე ჩაატარეს პრეზენტაციები ბსუ-ს, ევროპეისტიკის დეპარტამენტისა და ფრანგული ფილოლოგიის საგანმანათლებლო პროგრამების შესახებ. ასევე მონაწილეობა მიიღეს სასწავლო პროცესის მიმდინარეობაში, ლექცია-სემინარებში, როგორც ბაკალავრიატის, ასევე მაგისტრატურის სტუდენტებთან.

ბათუმის შოთა რუსთაველის სახელმწიფი უნივერსიტეტის ფრანგული ფილოლოგიის სპეციალობის პროფესორ-მასწავლებლების ორგანიზებით ფრანკოფონიისადმი მიძღვნილი ღონისძიებები გაიმართა. აკაკი წერეთლის სახელობის საჯარო ბიბლიოთეკაში ფონდში დაცული ანტიკვარული ფრანგული წიგნები, ხოლო აჭარის ხარიტონ ახვლედიანის სახელობის მუზეუმში დაცული ფრანგული ექსპონატები გამოიფინა, რომელსაც ბსუ-ს სტუდენტები უწევდნენ გიდობას. ფალიაშვილის სახელობის კონსერვატორიაში გამართულ დასკვნით საღამოზე ბსუ-ს რექტორის მოადგილემ თამარ სირაძემ „ფრანკოფონია 2019-ის“ ფარგლებში განხორციელებული ღონისძიებების გამარჯვებულებსა და მონაწილეებს სერტიფიკატები გადასცა.

ფრანკოფონიის დღეების ფარგლებში ბათუმის შოთა რუსთაველის სახელმწიფო უნივერსიტეტის რექტორს მერაბ ხალვაშს ფრანგული ინსტიტუტის დირექტორი, საფრანგეთის ელჩის მრჩეველი თანამშრომლობისა და კულტურის საკითხებში პიერ კლუე შეხვდა. გაცნობითი ხასიათის შეხვედრა მიზნად ისახავდა საფრანგეთის უნივერსიტეტებთან თანამშრომლობის გაღრმავებას და ერთობლივი საგანმანთლებლო პროგრამების განხორციელებას. მხარეებმა ისაუბრეს საფრანგეთის უმაღლეს საგანმანათლებლო დაწესებულებებთან ორმაგი დიპლომის გაცემისა და კონსორციუმის შექმნის საკითებზე, ასევე ფრანგულის ენის პოპულარიზაციის ხელშეწყობისა და განვითარების პერსპექტივებზე.

19-25 მარტს ბუდაპეშტის ოტვოშ ლორანდის სახელმწიფო უნივერსიტეტში საერთაშორისო კონფერენციის ფარგლებში ბათუმის შოთა რუსთაველის სახელმწიფო უნივერსიტეტის ადმინისტრაციის ხელმძღვანელი ჯემალ ანანიძე, ჰუმანიტარული ფაკულტეტის დეკანი პროფესორი მარინე გიორგაძე, ასოცირებული პროფესორი ხათუნა ბერიძე და ჰუმანიტარული ფაკულტეტის „ევროპეისტიკის“ სამაგისტრო პროგრამის სტუდენტი თამთა ნაგერვაძე იმყოფებოდნენ. ვიზიტის ფარგლებში ბათუმის შოთა რუსთაველის სახელმწიფო უნივერსიტეტსა და ოტვოშ ლორანდის უნივერსიტეტს შორის გაფორმდა თანამშრომლობის მემორანდუმი ერთობლივი საგანმანათლებლო პროგრამებისა და სასწავლო კურსების შექმნისა და განხორციელების მიზნით. დაიგეგმა მთარგმნელისა და თარჯიმნის მომზადების ერთობლივი სამაგისტრო-საგანმანათლებლო პროგრამის შექმნის პროცესში თანამშრომლობა პროფ. ი. ჰორვატთან (საერთაშორისო-სამაგისტრო პროგრამის ხელმძღვანელთან).