ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ჯანდაცვის მიმართულების პროფესორ-მასწავლებლებისთვის ტრენინგი ჩატარდა თემაზე „360ᵒ შეფასების მეთოდი“. ტრენინგი მიზნად ისახავდა მედიცინის პროგრამაში თანამედროვე მეთოდების დანერგვასა და გამოყენების ხელშეწყობას. ტრენინგს უძღვებოდნენ დარგის ექსპერტები და ქუთაისის აკაკი წერეთლის სახელმწიფო უნივერსიტეტის სამედიცნო ფაკულტეტის წარმომადგენლები. ტრენინგს ესწრებოდნენ მედიცინის ერთსაფეხურიან საგანმანათლებლო პროგრამაში ჩართული აკადემიური პერსონალი და მოწვეული პირები.

ბსუ-ს სტუდენტებისათვის „აჭარის წყლის ალიანსის“ დირექტორმა თეიმურაზ ბედინაძემ და საერთაშორისო გერმანული საკონსულტაციო კომპანია MACS-ის გარემოს დაცვის ექსპერტმა გურანდა მახარაძემ საჯარო ლექცია ჩაატარეს თემაზე: „საერთაშორისო პროექტები და გარემოსდაცვითი ნორმები“. მომხსენებლებმა ისაუბრეს საერთაშორისო პროექტის ძირითად ასპექტებსა და სტანდარტებზე. აჭარაში მიმდინარე აჭარის დაბებისა და სოფლების წყალმომარაგებისა და წყალარინების პროგრამის ქეისის სახით, წარმოდგენილი იყო ინფორმაცია საერთაშორისო პროექტების გარემოსდაცვითი ნორმების შესახებ. გააცნეს აჭარის 39 სოფელსა და დაბაში წყალმომარაგებისა და წყალარინების რეაბილიტაციის ფარგლებში მიმდინარე გარემოსდაცვითი საერთაშორისო სტანდარტების სამუშაოები.

24-25 ივნისს, ევროკავშირის მხარდაჭერით მიმდინარე პროექტის CoLLLaB "ლაბორატორიული ჯანმრთელობისა და უსაფრთხოების უწყვეტი განათლების კურსები ახალგაზრდა პროფესიონალებისთვის დასავლეთ და აღმოსავლეთ საქართველოში" ფარგლებში ჩატარდა ტრენერთა ტრენინგი. ტრენინგს ხელმძღვანელობდნენ თსუ-ს, დაავადებათა კონტროლის, საზოგადოებრივი ჯანმრთელობის ეროვნული ცენტრის (NCDC ), სსიპ სოფლის მეურნეობის სახელმწიფო ლაბორატორიისა და საქართველოს ბიოტექნოლოგთა ასოციაციის (GEBA) ექსპერტები. პროექტის ფარგლებში შეიქმნა და აკრედიტაცია გაირა ბსუ-პროფესიული გადამზადების პროგრამამ „ლაბორატორიული ჯანმრთელობისა და უსაფრთხოების უწყვეტი განათლების კურსები“ ბსუ უახლოეს მომავალში გამოაცხადებს მიღებას პროფესიული გადამზადების კურსებზე.

ბათუმის შოთა რუსთაველის სახელმწიფო უნივერსიტეტის იმუნოგენეტიკის ლაბორატორიას ემერიტუს პროფესორ ანზორ დიასამიძის სახელი მიენიჭა. ბსუ-ს რექტორმა, პროფესორმა მერაბ ხალვაშმა, საბუნებისმეტყველო მეცნიერებათა და ჯანდაცვის ფაკულტეტის დეკანმა, პროფესორმა მარინა ქორიძემ, პროფესორ-მასწავლებლებმა, მისმა აღზრდილებმა, საზოგადოების წარმომადგენლებმა, მეგობრებმა და ოჯახის წევრებმა ბსუ-ს ემერიტურ პროფესორ ანზორ დიასამიძის სამეცნიერო-პედაგოგიური ღვაწლი გაიხსენეს და უნივერსიტეტის განვითარებაში შეტანილ წვლილზე ისაუბრეს.

11-12 ივნისს საბუნებისმეტყველო მეცნიერებათა და ჯანდაცვის ფაკულტეტის ეკოლოგიისა და ბიოლოგიის სპეციალობების სტუდენტები და აკადემიური პერსონალი ართვინის ჭოროხის უნივერსიტეტს ეწვივნენ. ვიზიტის ფარგლებში სტუდენტები შეხვდნენ უნივერსიტეტის ხელმძღვანელობას, პრორექტორ აიდინ თუფექჩიოღლუს, აკადემიურ პერსონალს და შავშეთის სატყეო სამმართველოს ხელმძღვანელობს. ახალგაზრდებს პროფესორმა თემელ გოქთურქმა ჩაუტარა პრაქტიკული მეცადინეობა მცენარეთა მავნებელ-დაავადებებზე.