ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ასოცირებულმა პროფესორმა მარინა ნაგერვაძემ და მოწვეულმა მასწავლებელმა ლიანა ქოიავამ ბათუმის მე-9 საჯარო სკოლის უფროსკლასელებისთვის ჩაატარეს ლექცია თემაზე: „ლეგალური და არალეგალური ნარკოტიკები და ნაადრევი ქორწინება“. მოსწავლეები აქტიურად ჩაერთნენ ლექციით განსაზღვრულ სხვადასხვა სახალისო აქტივობის განხორციელებაში. ლექცია წარიმართა დისკუსიის რეჟიმში და მომხსენებლებმა მოსწავლეების შეკითხვებს უპასუხეს.

ბათუმის შოთა რუსთველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ახალგაზრდა ნატურალისტთა საზოგადოების ინიციაციატივით ბიოლოგიისა და ეკოლლოგიის სტუდენტებისათვის ჩატარდა ვორქშოპი თემაზე: „საქართველოს დაცულ ტეროტორიებზე ბიომრავალფეროვნების მონიტორინგის შედეგები“. ვორქშოპს უძღვებოდა NACRES ნაკრესის სამცხე-ჯავახეთის პროგრამის დირექტორი ლევან თაბუნიძე. ღონისძიების დასრულების შემდეგ შეხვედრა კითხვა-პასუხის რეჟიმში წარიმართა და მომხსენებელმა სტუდენტების შეკითხვებს უპასუხა. ვორქშოპი სახეობათა კონსერვაციის სამეცნიერო კვლევითი ცენტრი “ნაკრესის“ ორგანიზებით გაიმართა.

ბათუმის შოთა რუსთაველის სახელმწიფო უნივერსიტეტის სტუდენტები, „ბათუმის წყალის“ ლაბორატორიაში წყლის ხარისხის შემოწმების სამუშაო პროცესს გაეცნენ. შეხვედრის ფარგლებში „ბათუმის წყალის“ ლაბორატორიის წარმომადგენლებმა სტუდენტებს წყლის დამუშავებისა და მოსახლეობამდე დისტრიბუციის პროცედურების შესახებ ინფორმაცია მიაწოდეს. ასევე, პრაქტიკულად აჩვენეს, როგორ და რა დანადგარებით მოწმდება სასმელი წყლის ხარისხი. „ბათუმის წყალის“ ლაბორატორია IDEXX მეთოდების გამოყენების ერთ-ერთი პირველი დამნერგავი კომპანიაა საქართველოში.

საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ასოცირებულმა პროფესორმა გუგული დუმბაძემ ქალაქ ბათუმის მეორე საჯარო სკოლის მოსწავლეებთან ჩაატარა ღია ლექცია თემაზე: „მყარი ნარჩენები, გარემო და ჩვენ“. ლექციას ესწრებოდნენ საჯარო სკოლის გარემოსდაცვითი კლუბის „სიცოცხლის ფორმულა“ წევრები, უნივერსიტეტთან არსებული ახალგაზრდა ბუნებისმეტყველთა ასოციაციის წევრები, სტუდენტები და ფაკულტეტის პროფესორ-მასწავლებლები. ლექციის დასასრულს გაიმართა საინტერესო დისკუსია მყარი ნარჩენების მენეჯმენტთან დაკავშირებით. დაიგეგმა სამომავლო ერთობლივი გარემოსდაცვითი ღონისძიებები მეორე საჯარო სკოლის მოსწავლეთა ჩართულობით.

2022-2023 სასწავლო წლის შემოდგომის სემესტრისათვის საფაკულტეტო სახელობითი სტიპენდიის მოსაპოვებლად კონკურსის გამოცხადების შესახებ 2022-2023 სასწავლო წლისათვის ავთანდილ ბარათაშვილის სახელობის სტიპენდიის მოსაპოვებლად კონკურსის გამოცხადების შესახებ