ბათუმის შოთა რუსთაველის სახელმწიფო უნივერსიტეტში კონფერენცია გაიმართა თემაზე: „სამედიცინო შეცდომებით გამოწვეული პრობლემები და მათი გამოსწორების გზები“. ბსუ-ს პროფესორ-მასწავლებლებმა, პრაქტიკოსმა ექიმებმა და სტუდენტებმა კონფერენციაზე მოხსენებები წარმოადგინეს იატროგენული პათოლოგია-პრევენციის, დიაგნოსტიკის, ანომალიებისა და აქტუალური საკითხების შესახებ. ღონისძიება აჭარის ექიმთა გაერთიანებული საზოგადოების ორგანიზებით გაიმართა.

ბათუმის შოთა რუსთაველის სახელმწიფო უნივერსიტეტში წყლის მონიტორინგის მსოფლიო დღესთან დაკავშირებით „ბათუმის წყალის“ დირექტორი ალექსანდრე მჟავანაძე ბსუ-ს სტუდენტებს და პროფესორ-მასწავლებლებს შეხვდა.
შეხვედრის ფარგლებში, „ბათუმის წყალის“ ლაბორატორიის სპეციალისტებმა სტუდენტებს წყლის სინჯების დამუშავების თეორიული და პრაქტიკული სამუშაოები გააცნეს. სტუდენტებმა, სპეციალისტებთან ერთად, წყლის ხარისხის ლაბორატორიულ კვლევით პროცესში მიიღეს მონაწილეობა.

ბსუ-ს საბუნებისმეტყველო მეცნიერებათა და ჯანდაცვის ფაკულტეტის ეკოლოგიის სპეციალობის სტუდენტებმა ტყის დაცვის საერთაშორისო დღე გამწვანების აქციაში მონაწილეობით აღნიშნეს. ახალგაზრდებმა ღონისძიების ფარგლებში ქალაქის ტერიტორიაზე დარგეს სხვადასხვა სახეობის ბუჩქები. აქცია ბათუმის მუნიციპალიტეტის ბათუმის გამწვანებისა და ლანდშაფტური დაგეგმარების სამსახურის ორგანიზებით გაიმართა და მიზნად ისახავდა სტუდენტების ცნობიერების ამაღლებას. 21 მარტი ტყის დაცვის საერთაშორისო დღედ გაეროს გენერალურმა ასამბლეამ 1971 წელს გამოაცხადა და მთელ მსოფლიოში აღინიშნება.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ორგანიზებით დაუნის სინდრომის საერთაშორისო დღისადმი მიძღვნილი საინფორმაციო კამპანია ჩატარდა. მედიცინის სპეციალობის II კურსის სტუდენტებმა ისაუბრეს დაუნის სინდრომის გამომწვევ მექანიზმებზე, ადრეული დიაგნოსტირებისა და მკურნალობის გზებზე, ასვე მოამზადეს თემატური პოსტერები. ღონისძიება მიზნად ისახავდა სტუდენტების ინფორმირებასა და ცნობიერების ამაღლებას.

25-26 თებერვალს, ბათუმის შოთა რუსთაველის სახელმწიფო უნივერსიტეტში ტრენინგი ჩატარდა თემაზე: „შეფასების მეთოდი - ობიექტურად სტრუქტურირებული კლინიკური გამოცდა - OSCE“. ღონისძიება მიზნად ისახავდა სტომატოლოგიის პროგრამაში თანამედროვე მეთოდების დანერგვასა და გამოყენების ხელშეწყობას. ტრენინგს უძღვებოდნენ დარგის ექსპერტები, ქუთაისის აკაკი წერეთლის სახელმწიფო უნივერსიტეტის სამედიცნო ფაკულტეტის წარმომადგენლები. ტრენინგს ესწრებოდნენ სტომატოლოგიის ერთსაფეხურიანი საგანმანათლებლო პროგრამის ხელმძღვანელი და პროგრამაში ჩართული, როგორც აკადემიური ასევე, მოწვეული პირები.