ბათუმის შოთა რუსთაველის სახელმწიფო უნივერსიტეტში პროფესიული გადამზადების პროგრამის „ლაბორატორიული ჯანმრთელობა და უსაფრთხოება“ წარდგენა გაიმართა და თანამედროვე აპარატურით აღჭურვილი ლაბორატორიული ჯანმრთელობის და უსაფრთხოების სასწავლო ლაბორატორია გაიხსნა. ჯანმრთელობის და უსაფრთხოების სასწავლო ლაბორატორიაში გადამზადდა აჭარის რეგიონის 10 ადგილობრივი კადრი - ტრენერი და შეიქმნა ქართულენოვანი სახელმძღვანელო. პროექტის ფარგლებში დაგეგმილია 250 მსმენელის გადამზადება, მათ შორის, ბსუ-ს ბაზაზე გადამზადდება 50 მსმენელი.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ეკოლოგიის სტუდენტებმა, ახალგაზრდა ბუნებისმეტყველთა ორგანიზაციის წევრებმა გიორგი გეგიძემ და სესილი გათენაძემ მონაწილეობა მიიღეს სასტუმრო „რედისონში“ გამართულ საერთაშორისო კონფერენციაში „საზოგადოების ინფორმირებულობის ამაღლება და საზღვაო ნარჩენების შემცირება შავი ზღვის ეკოსისტემის დასაცავად“. ახალგაზრდებმა კონფერენციაზე მოხსენება თემაზე: „საზღვაო ნარჩენები“ წარადგინეს.

2022 წლის 28 სექტემბერს, ბათუმში, ბათუმის შოთა რუსთაველის სახელმწიფო უნივერსიტეტში ჩატარდება ქართულ-გერმანული სამეცნიერო-პრაქტიკული კონფერენცია. სამეცნიერო-პრაქტიკული კონფერენცია ბათუმის შოთა რუსთაველის სახელმწიფო უნივერსიტეტის, გერმანული კომპანია Durr Dental-ის, საქართველოს ახალგაზრდა სტომატოლოგთა ფედერაციის, თბილისის სახელმწიფო სამედიცინო უნივერსიტეტის, ქართულ-გერმანული იმპლანტაციის ცენტრ HBI-dentlimplant-ის, სასწავლო ცენტრ Perio&Peri-implant სტუდიოსა და კომპანია DENTSAL-ის (Durr Dental-ის ოფოცოალური წარმომადგენელი საქართველოში) მხარდაჭერითა და მონაწილეობით.

საბუნებისმეტყველო მეცნიერებათა და ჯანდაცვის ფაკულტეტის ეკოლოგია minor–ის და ეკოლოგიის სპეციალობის მესამე კურსის ბაკალავრები და ბიოლოგიისა და ეკოლოგიის სპეციალობის პირველი კურსის მაგისტრანტები, ორ ეტაპად (თითოეული შვიდი დღის განმავლობაში) იმყოფებოდნენ გასვლით კომპლექსურ სასწავლო–საველე პრაქტიკაზე. საველე პრაქტიკის ფარგლებში, ველზე უშუალო დაკვირვების გზით, ბაკალავრები გაეცნენ დაბლობის დაჭაობებული და შერეულფოთლოვანი ტყეების ეკოსისტემებს; ჭაობის, ლენტური და ლოტური ტიპის წყლის ეკოსისტემებს ისპაანის ჭაობის, მდ. ჩოლოქის, პალიასტომის ტბისა და სანაპირო ლაგუნების მაგალითზე.

23-29 ივლისს აგრარული და მემბრანული ტექნოლოგიების ინსტიტუტის მთავარი მეცნიერ თანამშრომელი, ქიმიის დეპარტამენტის ასოცირებული პროფესორი-ნინო კიკნაძე, ბიოლოგიის დეპარტამენტის ასოცირებული პროფესორ-ნანი გვარიშვილი და სტუდენტები იმყოფებოდნენ სამეცნიერო-კვლევით ექსპედიციაში. სამეცნიერო ექსპედიცია ითვალისწინებდა წყლის, ნიადაგის და მცენარეული ნიმუშების აღებას სტუდენტების მიერ საბაკალავრო, სამაგისტრო და საკონფერენციო თემების კვლევითი ნაწილის შესასრულებლად. ასევე აგრარული და მემბრანული ტექნოლოგიების ინსტიტუტის სამუშაო გეგმის შესაბამისად, გათვალისწინებული იყო სასმელი და ბუნებრივი (ზედაპირული და მიწისქვეშა) წყლების ნიმუშების აღება-შეგროვება, მათი შემდგომი კვლევისთვის.