ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ქიმიის საბაკალავრო და სამაგისტრო საგანმანათლებლო პროგრამების აკრედიტაციისათვის შექმნილი სამუშაო ჯგუფის სხდომა გაიმართა. შეხვედრაზე ფაკულტეტის ხარისხის უზრუნველყოფის სამსახურის უფროსმა, ასისტენტ პროფესორმა თეა ქოიავამ სამუშაო ჯგუფის წევრებს აკრედიტაციასთან დაკავშირებული დოკუმენტაცია გააცნო.
ფარმაცევტული საწარმოს „ბიოპოლუსის“ მფლობელი გელა ობოლაშვილი და საწარმოს დირექტორი ზურაბ მეხრიშვილი ბათუმის შოთა რუსთაველის სახელმწიფო უნივერსიტეტის რექტორს მერაბ ხალვაშს, საბუნებისმეტყველო მეცნიერებათა და ჯანდაცვის ფაკულტეტის დეკანს მარინა ქორიძეს და ფარმაციის პროგრამის ხელმძღვანელს ეთერ ჯაყელს შეხვდნენ. შეხვედრის ფარგლებში გელა ობოლაშვილმა აღნიშნა, რომ ესაჭიროება კადრები და ისაუბრა ფარმაციის საგანმანათლებლო პროგრამის კურსდამთავრებულთა და მაღალკურსელთა დასაქმების თაობაზე კუთვნილ საწარმოში.
საბუნებისმეტყველო მეცნიერებათა და ჯანდაცვის ფაკულტეტის საბაკალავრო საგანმანათლებლო პროგრამის - ფიზიკური მედიცინა და სამედიცინო რეაბილიტაცია შემუშავების მიზნით, შედგა სამუშაო ჯგუფის შეხვედრა, სადაც განიხილეს უმაღლესი საგანმანათლებლო პროგრამების აკრედიტაციის სტანდარტების შეფასების სახელმძღვანელო, აკრედიტაციის თვითშეფასების ანგარიში და სხვა დოკუმენტაცია.
ბსუ-ს საბუნებისმეტყველო მეცნიერებათა და ჯანდაცვის ფაკულტეტის ფარმაციის პროგრამის ხელმძღვანელი ეთერ ჯაყელი ფარმაციის პროგრამის რეაკრედიტაციის ფარგლებში ფარმაცევტული კომპანიების წარმომადგენლებს: პსპ აკადემიის ხელმძღვანელს ეკა ფრუიძეს, პსპ აკადემიის ფარმაციის მიმართულებით კოორდინატორს ანნა უშარიძეს, სს „გეფას“ საკადრო რესურსების მართვის დეპარტამენტის შერჩევის სპეციალისტს დიანა ფეიქრიშვილს და შპს „იმპექსფარმის“ HR განყოფილების უფროსს ნინო ხოშტარიას შეხვდა. ფარმაციის პროგრამის ხელმძღვანელმა კომპანიების წარმომადგენლებთან საუბრისას ბსუ-თან გაფორმებული ურთიერთთანამშრომლობის მემორანდუმის საკითხები განიხილა. ასევე, შეხვედრაზე ყურადღება გაამახვილეს სწავლებისას სტუდენტებში პრაქტიკული უნარ-ჩვევების გაზრდის, მომხმარებელთან კომუნიკაციის, ფარმაცევტული ზრუნვის უნარების ჩამოყალიბების, კურსდამთავრებულთა დასაქმების, მაღალკურსელი სტუდენტების სტაჟირების საკითებზე, რომლებიც გათვალისწინებული იქნება პროგრამის შემდგომი განვითარებისათვის.
ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა, აჭარის ავტონომიური რესპუბლიკის სოფლის მეურნეობის მინისტრმა ტიტე აროშიძემ და ორგანიზაცია „მწვანე სექტორის“ თავმჯდომარემ ილია გუჩმანიძემ საბუნებისმეტყველო მეცნიერებათა და ჯანდაცვის ფაკულტეტის აქვაკულტურის ლაბორატორია გახსნეს და თანამშრომლობის მემორანდუმს მოაწერეს ხელი. ხელშეკრულება ითვალისწინებს ბათუმის შოთა რუსთაველის სახელმწიფო უნივერსიტეტის სასწავლო პროგრამაში მარიკულტურის სპეციალიზაციის განვითარებისა და საზღვაო ფერმერთა კვალიფიციური კადრების მომზადების ხელშეწყობას.
