ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ორგანიზებით დნმ-ის კვირეული გაიმართა. ღონისძიების ფარგლებში პროფესორმა რუსუდან ხუხუნაიშვილმა და ასოცირებულმა პროფესორმა მარინა ნაგერვაძემ საჯარო ლექციები წაიკითხეს დნმ-ის აქტუალურ საკითხებზე. პროექტის მონაწილეებმა პრობლემურ ამოცანებზე იმუშავეს. ასევე ახალგაზრდები ლაბორატორიაში ბიოუსაფრთხოების წესებსა და გრამის წესით შეღებვას გაეცნენ. კვირეულის ეგიდით ფლეშმობი „დნმ-ის რეპლიკაცია“ მოეწყო. პროექტში სტუდენტებთან ერთად, ბათუმისა და ხელვაჩაურის საჯარო სკოლისა და ქართულ-ფრანგული სკოლის მოსწავლეები მონაწილეობდნენ.

ბათუმის შოთა რუსთაველის სახელწიფო უნივერსიტეტსა და ბელორუსიის სახელმწიფო უნივერისტეტის ა. დ. სახაროვის სახელობის ეკოლოგიის საერთაშორისო ინსტიტუტს შორის გაფორმებული მემორანდუმის ფარგლებში ბსუ-ში სამუშაო ვიზიტით იმყოფებოდა ეკოლოგიური მედიცინის ფაკულტეტის დეკანი იგორ ბუჩენკოვი. პროფესორი ბუჩენკოვი შეხვდა საბუნებისმეტყველო მეცნიერებათა და ჯანდაცვის ფაკულტეტის დეკანს, პროფესორ მარინა ქორიძეს, ბიოლოგიის დეპარტამენტის ხელმძღვანელს პროფესორ დავით ბარათაშვილს და ფაკულტეტის პროფესორ-მასწავლებლებს.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებისათვის კანადელმა მიკრობიოლოგმა ჯონ ალდომმა საჯარო ლექცია წაიკითხა თემაზე: „ჩვენ ირგვლივ არსებული უხილავი სამყარო“. მეცნიერმა ქართველ და უცხოელ სტუდენტებს თანამედროვე კვლევის შედეგები და დარგის სიახლეები გააცნო. ღონისძიება ამერიკა-საქართველოს დიპლომატიური ურთიერთობების 25 წლის იუბილესადმი მიძღვნილი კვირეულის ფარგლებში გაიხსნა.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტზე დედამიწის საერთაშორისო დღისადმი მიძღვნილი სამუშაო შეხვედრა გაიმართა. შეხვედრის ფარგლებში განიხილეს ისეთი აქტუალური თემები როგორიცაა: „გლობალური დათბობა, როგორც დედამიწის მნიშვნელოვანი ეკოლოგიური პრობლემა“ (მომხსენებელი ასისტენტ პროფესორი გუგული დუმბაძე), „22 აპრილი- დედამიწის საერთაშორისო დღე“ (მომხსენებელი გურანდა ბაგრატიონი, აჭარის არ გარემოს დაცვისა და ბუნებრივი რესურსების სამმართველოს ბიომრავალფეროვნებისა და გარემოს ინტეგრირებული მართვის სამსახურის უფროსი), „მცენარეთა წარმოშობის ცენტრები და ბიომრავალფეროვნების ცხელი წერტილები“ (მომხსენებელი ასისტენტ პროფესორი ინგა დიასამიძე).

ბათუმის შოთა რუსთაველის სახელმწიფო უნივერსიტეტი აჭარის ავტონომიურ რესპუბლიკაში სამუშაო ვიზიტით მყოფ პოლონეთის, ქვემო სილეზიის სავოედოს სამთავრობო დელეგაციას მასპინძლობს. დელეგაციას ვიცე-მარშალი ეჟი მიხალაკი ხელმძღვანელობს და დაკომპლექტებულია ქვემო სილეზიის სამედიცინო დაწესებულების წარმომადგენლებით. პოლონელ მედიკოსებს ბსუ-ს რექტორი მერაბ ხალვაში და ჯანდაცვის მიმართულების აკადემიური პერსონალი შეხვდა.