დღეს, ბათუმის შოთა რუსთაველის სახელმწიფო უნივერსიტეტში ნორვეგიულ კომპანიასთან „Green Sea Food ‘’-თან შეხვედრა გაიმართა. შეხვედრაზე ბსუ-ს რექტორმა მერაბ ხალვაშმა, პრორექტორებმა ნათია წიკლაშვილმა და თამარ სირაძემ, საბუნებისმეტყველო ფაკულტეტის პროფესორებმა ნორვეგიული კომპანიის წარმომადგენლებთან სამომავლო თანამშრომლობის საკითხები განიხილეს. დაიგეგმა თანამშრომლობის მემორანდუმის გაფორმება, რომლის ფარგლებშიც ბსუ-ს საბუნებისმეტყველო და ჯანდაცვის ფაკულტეტი აჭარაში თევზის მეურნეობის მოსაწყობად საჭირო სპეციალისტებს მოამზადებს.

ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბიოლოგიის მე-2 და მე-4 კურსის სტუდენტებმა ბათუმის წმინდა მოწამე ეკატერინეს სახელობის სათნოების სავანეში მორიგი საქველმოქმედო აქცია გამართეს.

ვიქტორინა
საბუნებისმეტყველო მეცნიერებათა და ჯანდაცვის ფაკულტეტის ბიოლოგიისა და ეკოლოგიის სპეციალობის სტუდენტებმა მონაწილეობა მიიღეს ვიქტორინაში, რომელიც მცენარეთა და ცხოველთა ბიომრავალფეროვნებას ეძღვნებოდა.
ვიქტორინა შედგებოდა ოთხი ტურისაგან, რომელიც გუნდის სახელისა და ლოგოს შექმნას, კროსვორდის შედგენას, ბლიც შეკითხვებსა და სიტყვების მინიშნებით გამოცნობას მოიცავდა.

2017 წლის 4-5 იანვარს, CENN-ის პროექტის „ნარჩენების მართვის ტექნოლოგიები რეგიონებში“ (WMRT) ფარგლებში ჩატარებულ კონკურსში „გაამწავანე შენი უნივერსიტეტი“ ბათუმის შოთა რუსთაველის სახელმწიფო უნივერსიტეტის ჯგუფმა გამარჯვება მოიპოვა. ბიოლოგიისა და ეკოლოგიის მიმართულების სტუდენტების ჯგუფმა „GREEN BSU-“-მ (სალომე აბულაძე, აქსანა ჯინჭარაძე, იაგო ტაკიძე და მარიტა ბარაბაძე) პროექტის ფარგლებში უნივერსიტეტის გამწვანების და გარემოზე ზრუნვის პროექტი წარადგინა და ფინანსური ჯილდო მოიპოვა.

ბსუ-ს საბუნებისმეტყველო და ჯანდაცვის ფაკულტეტზე, აჭარის საზოგადოებრივი ჯანდაცვის ცენტრის ორგანიზებით გაიმართა შიდსის საერთაშორისო დღისადმი მიძღვნილი კონფერენცია სტუდენტებისთვის – „აირჩიე ჯანმრთელობა“.
კონფერენციის მიზანი მოზარდთა ცნობიერების ამაღლება, მავნე ჩვევების, მათგან გამოწვეული დაავადებების, თავის დაცვისა და აუცილებლად გასატარებელი ღონისძიებების შესახებ ინფორმირება იყო. კონფერენციის ფარგლებში პრეზენტაციები წარმოადგინეს ბათუმის შოთა რუსთაველის სახელობის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის მედიცინის მიმართულების და დიპლომირებული მედიკოსის ინგლისურენოვანი პროგრამის II - III კურსის სტუდენტებმა.