21 მარტს ბათუმის შოთა რუსთაველის სახელმწიფო უნივერსიტეტის ბიოლოგიის დეპარტამენტისა და ბიოლოგიის სტუდენტთა სამეცნიერო კლუბის ორგანიზებით მოეწყო დაუნის სინდრომის საერთაშორისო დღისადმი მიძღვნილი ვორქშოპი: „მეგობრები არ ითვლიან ქრომოსომებს!“. ღონისძიების მიზანი იყო სტუდენტებში დაუნის სინდრომის შესახებ ცნობადობის ამაღლება.
ბათუმის შოთა რუსთაველის სახელმწიფო უნივერსიტეტი ‘’სამედიცინო ტურიზმისა და აღჭურვილობის’’ პირველ საერთაშორისო გამოფენა „EXPOMED BATUMI 2016 ’’-ში მონაწილეობს. ბსუ გამოფენაზე სხვადასხვა საგანმანათლებლო პროგრამებით, მათ შორის ინგლისურენოვანი სამედიცინო პროგრამით წარსდგა, რომელზეც 60 ინდოელი სტუდენტია ჩარიცხული. ინგლისურენოვანი სამედიცინო პროგრამას სხვადასხვა ქვეყნის სამედიცინო და არასამედიცინო წარმომადგენლები გაეცნენ .პროგრამის განხორციელების მეთოდებმა დიდი ინტერესი გამოიწვია ადგილობრივ და უცხოელ ვიზიტორებში. საერთაშორისო გამოფენა „EXPOMED BATUMI 2016’’ მონაწილეობას 20-მდე ქვეყნის 100-ზე მეტი კომპანია ღებულობს.
10 აპრილს ბსუ-ს ეკოკლუბის წევრებმა ეკოტურის ფარგლებში ხელვაჩაურის მუნიცეპალიტეტის სოფ. მირვეთში რელიქტური კოლხური ტყის შთენილი „კოლხური ბზის ხეივანი“ მოინახულეს. აჭარის რეგიონის ტერიტორიებზე ბზის კორომებში თავი იჩინა აქამდე უცხო სოკოვანმა დაავადებამ – ბზის სიდამწვრემ, რომელმაც სოფელ მირვეთის ბზის მრავალსაუკუნოვანი ხეივანი ერთიანად გაანადგურა. ვიზიტის საფუძველზე ბზის კორომებში მიმდინარე სუქცესიურ პროცესებში წვდომისა და შეფასების მიზნით უახლოესი მომავლისთვის დაიგეგმა დებატები.
აჭარის განათლების ფონდის მასწავლებელთა სახლის ქიმიის მიმართულების ტრენერი ნუკრი კობახიძე ქიმიის საბაკალავრო და მასწავლებლის მომზადების მინორ პროგრამის სტუდენტებს, მაგისტრანტებს და დოქტორანტებს შეხვდა. სამუშაო შეხვედრაზე სტუდენტები მიერ დასმულ შეკითხვებს და გაუზიარა გამოცდილება ქიმიური სიმბოლოების, ნიშნების, რეაქციის ტოლობებისა და გარდაქმნების, აგრეთვე მოლეკულის სხვადასხვა სახის სამგანზომილებიანი მოდელების შექმნის ახალი ტექნოლოგიების შესახებ, ესაუბრა ქიმიის სწავლების თანამედროვე მეთოდებზე.
საბუნებისმეტყველო მეცნიერებათა და ჯანდაცვის ფაკულტეტის ბიოლოგიის სპეციალობის სტუდენტების მონაწილეობით ბათუმის ბოტანიკურ ბაღში ტყის საერთაშორისო დღე აღნიშნეს. ბაღის ადგილობრივი ფლორისა და კონსერვაციის დეპარტამენტის მთავარმა სპეციალისტმა თემურ ვასაძემ სტუდენტებისათვის სემინარი ჩაატარა: „აჭარაში გავრცელებული „საქართველოს წითელი ნუსხის“ მერქნიანი მცენარეები“. ღონისძიების ფარგლებში, სტუდენტებმა დაათვალიერეს ბაღის ამიერკავკასიის ტენიანი სუბტროპიკების ფიტოგეოგრაფიული განყოფილება, სადაც სტუდენტებს „საქართველოს წითელი ნუსხის სახეობებზე“ ამომწურავი ინფორმაციები მიაწოდეს ბაღის ადგილობრივი ფლორისა და კონსერვაციის დეპარტამენტის უფროსმა დავით ხარაზიშვილმა და ჰერბარიუმის ფონდის ხელმძღვანელმა ნინო მემიაძემ. სტუდენტებმა, ამიერკავკასიის ტენიანი სუბტროპიკების ფიტოგეოგრაფიული განყოფილების იშვიათ მცენარეთა ნაკვეთში, „საქართველოს წითელი ნუსხის სახეობის“ - ლაფანის ნერგები დარგეს.
