„უნივერსიტეტი-დამსაქმებელი“ თანამშრომლობის ფარგლებში ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტს ლიბერთი ბანკის წარმომადგენლები ეწვივნენ. შეხვედრაზე მხარეებმა თანამშრომლობის მოდელები, სტუდენტთა პროფესიული განვითარების პერსპექტივები, ანაზღაურებადი სტაჟირებისა და დასაქმების პროგრამები განიხილეს. პროგრამაში მონაწილეობის პირობებზე ისაუბრეს ლიბერთი ბანკის სათაო ოფისის წარმომადგენლებმა: HR და ადმინისტრირების მიმართულების ხელმძღვანელმა ნინო ჩიხლაძემ, ადამიანური კაპიტალის განვითარების განყოფილების უფროსმა ხათუნა მედულაშვილმა და აჭარის რეგიონალურმა დირექტორმა არჩილ ჯანყარაშვილმა.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის დეკანი ნათია წიკლაშვილი, დეკანის მოადგილეები რამინ ცინარიძე და ნატო ჯაბნიძე, ხარისხის სამსახურის უზრუნველყოფის უფროსი ასიე ცინცაძე, დარგობრივი დეპარტამენტების ხელმძღვანელები: მურმან ცეცხლაძე, ბადრი გეჩბაია, გიორგი აბუსელიძე და ია მესხიძე და პროფესორ-მასწავლებლები ეკონომიკისა და ბიზნესის ფაკულტეტის სტუდენტებს შეხვდნენ. დეკანმა სტუდენტებს სწავლის დაწყება მიულოცა, გააცნო ძირითადი პრიორიტეტები და სიახლეები. ფაკულტეტის ადმინისტრაციამ უპასუხა სტუდენტების კითხვებს, განიხილეს მიმდინარე სწავლების ფორმატი და მიმდინარე პერიოდის გამოწვევები.

ბსუ-ს ეკონომიკისა და ბიზნესის ფაკულტეტის, ბიზნესის ადმინისტრირების, მენეჯმენტისა და მარკეტინგის დეპარტამენტის ხელმძღვანელი, ასოცირებული პროფესორი ბადრი გეჩბაია მივლინებით იმყოფებოდა უკრაინაში, უკრაინის მეცნიერებათა ეროვნული აკადემიის ბაზრის პრობლემების, ეკონომიკური და გარემოსდაცვითი კვლევების ინსტიტუტში. ბადრი გეჩბაიამ სამეცნიერო საზოგადოებას გააცნო ბსუ-ს ისტორია და უნივერსიტეტში მიმდინარე პროცესები. სამეცნიერო საბჭოს გაფართოებულ სხდომაზე ასევე ისაუბრა საქართველოს ეკონომიკური სისტემის წინაშე არსებული გამოწვევების შესახებ.

ეკონომიკისა და ბიზნესის ფაკულტეტის საბჭოს გადაწყვეტილებით (ოქმი № 21-05/09, 20 აგვისტო 2021 წ.) გამოცხადდა არჩევნები ეკონომიკისა და ბიზნესის ფაკულტეტის დეკანის თანამდებობის დასაკავებლად. კანდიდატთა რეგისტრაცია იწარმოებს ბსუ-ს საარჩევნო კომისიაში (მისამართი: ქ. ბათუმი, ნინოშვილის/რუსთაველის 35/32, ოთახი №13) 2021 წლის 24 სექტემბრიდან 30 სექტემბრის ჩათვლით, 11:00 საათიდან 16:00 საათამდე.

ბსუ-ს ეკონომიკისა და ბიზნესის ფაკულტეტის ეკონომიკის საგანმანათლებლო პროგრამის მესამე კურსის სტუდენტმა სალომე ქოქოლაძემ მონაწილეობა მიიღო დიდგორის ბრძოლის 900 წლის აღსანიშნავად ხელნაწერთა ეროვნული ცენტრის მიერ გამოცხადებულ ორ კონკურსში: სახელოვნებო კონკურსი „ჩემი დიდგორი“ და კალიგრაფიის კონკურსი „გახდი დიდგორის მემატიანე“. კონკურსში წარმატებით მონაწილეობისათვის სალომე ქოქოლაძეს სიგელი და სამახსოვრო საჩუქრები გადაეცა. კალიგრაფიის კონკურსის 382 კონკურსანტიდან გამოვლინდა 19 გამარჯვებული ნომინაციაში „დიდგორის მემატიანე“, ხოლო „წარმატებული მონაწილე“ - 44. კონკურსში წარმატებით მონაწილეობისათვის დაჯილდოვდა სულ 6 კონკურსანტი.