„უნივერსიტეტი-დამსაქმებელი“ პროექტის თანამშრომლობის ფარგლებში, ლიბერთი ბანკმა ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტისათვის თავისუფალი სივრცე მოაწყო. სტუდენტები კომფორტულ გარემოში შეძლებენ სასწავლო, სამეცნიერო და სხვა სტუდენტური აქტივობების თაობაზე შეხედულებათა გაცვლას. სტუდენტებს ასევე შესაძლებლობა ექნებათ, სპეციალური QR კოდის გამოყენებით მარტივად გაეცნონ ლიბერთი ბანკის სტუდენტთა პროფესიული განვითარების პერსპექტივებს, ანაზღაურებადი სტაჟირების, დასაქმების პროგრამებისა და კარიერული განვითარების შესაძლებლობებს. ეკონომიკისა და ბიზნესის ფაკულტეტისა და ლიბერთი ბანკის თანამშრომლობის ფარგლებში დაიგეგმა საგანმანათლებლო პროექტების განხორციელება

სადაზღვევო კომპანია „ალდაგის“ წარმომადგენლები ბათუმის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებს შეხვდნენ და კომპანიის სტრატეგია, მისი განვითარების გრძელვადიანი ხედვები და დასაქმების შესაძლებლობები გააცნეს. სადაზღვევო კომპანიის ბათუმის ფილიალის დირექტორმა ნონა ბარამიამ და ბათუმის კორპორატიული სააგენტოს ხელმძღვანელმა, კორპორატიული დაზღვევის მენეჯერმა რამაზ გორგაძემ ახალგაზრდებს ასევე წარუდგინეს ინფორმაცია კომპანიაში სტაჟირებისა და პრაქტიკული გამოცდილების მიღების შესაძლებლობის შესახებ.

ბსუ-ს ეკონომიკისა და ბიზნესის ფაკულტეტის 25 წლის იუბილისადმი მიძღვნილი ღონისძიებათა ციკლის ფარგლებში, ეკონომიკურ მეცნიერებათა დოქტორმა, „პრესტიჟ აუდიტის” მმართველი პარტნიორის, საქართველოს პროფესიონალ ბუღალტერთა და აუდიტორთა ფედერაციის აჭარის ფილიალის დირექტორმა მაია ფეიქრიშვილმა საჯარო ლექცია ჩაატარა თემაზე: „აუდიტის მეთოდოლოგია და პროფესიული პასუხისმგებლობა“. მომხსენებელმა მსმენელებს გააცნო აუდიტის ჩატარების მეთოდოლოგია, კერძოდ აუდიტის დაგეგმვის ეტაპი, პროცედურები და მოსამზადებელი დოკუმენტაციის შესახებ ინფორმაცია, ასევე გაუზიარა წლების განმავლობაში აუდიტორად მუშაობისას დაგროვილი პრაქტიკული გამოცდილება.

14 აპრილს, 13:00 საათზე, უნივერსიტეტის II კორპუსში (აუდიტორია №430), ბსუ-ს ეკონომიკისა და ბიზნესის ფაკულტეტის 25 წლის იუბილისადმი მიძღვნილი ღონისძიებათა ციკლის ფარგლებში, შპს „პრესტიჟ აუდიტის” მმართველი პარტნიორი, საქართველოს პროფესიონალ ბუღალტერთა და აუდიტორთა ფედერაციის აჭარის ფილიალის დირექტორი, ეკონომიკურ მეცნიერებათა დოქტორი მაია ფეიქრიშვილი საჯარო ლექციას ჩაატარებს თემაზე: „აუდიტის მეთოდოლოგია და პროფესიული პასუხისმგებლობა“.

ბსუ-ს ეკონომიკისა და ბიზნესის ფაკულტეტის 25 წლის იუბილესადმი მიძღვნილ ღონისძიებათა ციკლის ფარგლებში ჩატარდა ივანე ჯავახიშვილის სახელობის თბილისის სახელმწიფო უნივერსიტეტის პროფესორის, ბსუ-ს საპატიო დოქტორის, აკადემიკოს ვლადიმერ პაპავას საჯარო ლექცია თემაზე „სანქციონომიკა: მსოფლიო ეკონომიკის არქიტექტურის ცვლილება და საქართველოს გამოწვევები“. საჯარო ლექციას ბათუმის შოთა რუსთაველის სახელმწიფო უნივერსიტეტის სტუდენტები, პროფესორ-მასწავლებლები და მკვლევრები ესწრებოდნენ. აკადემიკოსმა ვლადიმერ პაპავამ ლექციაზე მსოფლიო ეკონომიკის სიახლეებთან მიმართებაში საქართველოს ეკონომიკის აქტუალური საკითხები განიხილა.