ეკონომიკისა და ბიზნესის ფაკულტეტის ბიზნესის ადმინისტრირების დეპარტამენტის ხელმძღვანელმა, ასოცირებულმა პროფესორმა ბადრი გეჩბაიამ I საერთაშორისო სამეცნიერო-პრაქტიკული კონფერენციაში „უკრაინა - ევროკავშირი, თანამედროვე ტექნოლოგიები, ეკონომიკა და სამართალი“ მიიღო მონაწილეობა. საერთაშორისო ფორუმის ფარგლებში ბათუმის შოთა რუსთაველის სახელმწიფო უნივერსიტეტს, მიშელ ბალუდანსკის აკადემიურ საზოგადოებასა და ჩერნიგოვის ეროვნულ ტექნოლოგიურ უნივერსიტეტს შორის თანამშრომლობის მემორანდუმი გაფორმდა. ხელშეკრულება ითვალისწინებს Erasmus+ის პროგრამის ფარგლებში სტუდენტების, პროფესორ-მასწავლებლებისა და ადმინისტრაციული პერსონალის გაცვლითი პროგრამების განხორციელებას.

სტუდენტთა დასაქმების ხელშეწყობის მიზნით სადაზღვევო კომპანია „ირაოს“ ბათუმის ფილიალის მმართველმა ირაკლი დიასამიძემ ეკონომიკისა და ბიზნესის ფაკულტეტის სტუდენტებთან შეხვედრა გამართა. კომპანიის წარმომადგენელმა ახალგაზრდებს სამი ვაკანსია შესთავაზა გაყიდვების მენეჯერის პოზიციაზე. სტუდენტებს ესაუბრა აღნიშნულ ვაკანსიაზე დასაქმებისათვის საჭირო უნარ-ჩვევებზე და კარიერული ზრდის პერსპექტივებზე. ორდღიანი შეხვედრის ფარგლებში ირაკლი დიასამიძემ ათი სტუდენტი შეარჩია სტაჟირების გასავლელად, რომელთაგან სამი წარმატებული სტაჟიორი დასაქმდება.

პროექტის - პროექტი ,,ერთი ნაბიჯი დემოკრატიისკენ" ფარგლებში, ქედის ცხრა საჯარო სკოლის მოსწავლეებისათვის ტრენინგი გაიმარტა. სწავლება ისახავდა ახალგაზრდებისთვის, როგორც დემოკრატიული საკითხების განხილვას, ასევე სახალისო და შემეცნებით აქტივობას, რომლის საფუძვლადაც ახალგაზრდები დაეუფლენ სხვადასხვა განსაკუთრებულ უნარ-ჩვევებს. პროექტს IFES-ის დაფინანსებით ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის მენეჯმენტის და ფინანსების სპეციალობის სტუდენტების: სოფიო კეკლიძის, მალხაზ აბაშიძის, მელანო აბაშიძის და მიხეილ აბაშიძის მონაწილეობით დამუშავდა პროექტი ,,ერთი ნაბიჯი დემოკრატიისკენ" ხორციელდება.

გაეროს განვითარების პროგრამის ENPARD Ajara წარმომადგენლებმა ბათუმის შოთა რუსთაველის სახელმწიფო უნივერსიტეტში საგრანტო პროექტის პრეზენტაცია გამართეს. პროგრამა ევროკავშირისა და აჭარის მთავრობის ფინანსური მხარდაჭერით ხორციელდება და აჭარაში სოფლის მეურნეობის ხელშეწყობას, მოგებაზე ორიენტირებული ფერმერებისგან ბიზნეს-ჯგუფების ჩამოყალიბებას, კოოპერატივებად რეგისტრაციასა და განვითარებას ითვალისწინებს. ENPARD Ajara სტუდენტებს საშუალებას აძლევს ჩაერთონ სოფლის მეურნეობის განვითარების პროცესებში კოოპერატივებისთვის საგრანტო ბიზნეს პროექტების შემუშავების კუთხით. პროექტისთვის გრანტის სახით 20 000 აშშ დოლარია გამოყოფილი.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისათვის მენეჯმენტის და მარკეტინგის სპეციალობის მესამე კურსის სტუდენტებმა ირაკლი ჯაფარიძემ და დავით ფარტენაძემ პროექტის "ევროკავშირის მოდელირება-ბათუმი 2015" პრეზენტაცია გამართეს. პროექტის მიზანი იყო ევროკავშირის მუშაობის გაცნობა ახალგაზრდებისათვის და აღნიშნულ საკითხში ბათუმის ახალგაზრდების აქტივობის გაზრდა. პროგრამა აჭარის სპორტისა და ახალგაზრდობის საქმეთა დეპარტამენტის თანადაფინანსებით განხორციელდა და მას ში ჩართული იყო 300-მდე ახალგაზრდა საქართველოს სხვადასხვა რეგიონიდან.