ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით „ERASMUS+“-ის HEIN 4 პროექტისა და იუნისეფის პროექტის: „უნივერსიტეტის შესაძლებლობის გაძლიერება ინკლუზიური სკოლამდელი და ზოგადი განათლების მხარდასაჭერად“ ფარგლებში, მოეწყო მრგვალი მაგიდა. ღონისძიება მიზნად ისახავდა განათლების მიმართულებით მოქმედი საგანმანათლებლო პროგრამების ფარგლებში დაინტერესებული მხარეების ინტერესებისა და შემდგომი ორმხრივად მომგებიანი თანამშრომლობის პერსპექტივების შესწავლას, რეგიონში ხარისხიანი განათლების ხელშეწყობას, საგანმანათლებლო დაწესებულებებში ინოვაციური მიდგომების პოპულარიზაციას, ბავშვის უფლებათა ცენტრისა და ფაკულტეტზე არსებული ინოვაციათა ლაბორატორიის შემდგომ გამოყენებას.

19-21 აპრილს, ევროკავშირის „Erasmus+"-ის პროექტის ტექნოლოგიებით გაძლიერებული სწავლება და სწავლა საქართველოს უნივერსიტეტებში - DITECH ფარგლებში კორკის საუნივერსიტეტო კოლეჯში (ირლანდია) გაიმართა მესამე საერთაშორისო შეხვედრა. შეხვედრაზე განიხილეს პროექტის ფარგლებში ხარისხის მართვის მიმართულებით არსებული მდგომარეობა და გატარებული ღონისძიებები. საქართველოს თითოეული უსდ-ს წარმომადგენელმა წარმოადგინა ინფორმაცია პროექტის ფარგლებში შექმნილი და ჩატარებული კურსების პილოტირებისა და ტრენინგების შესახებ. კორკის საუნივერსიტეტო კოლეჯში შეხვედრას ეწსრებოდნენ DITECH-ის განმახორციელებელი ბსუ-ს პერსონალი ასოცირებული პროფესორი მადონა მიქელაძე და ასისტენტ პროფესორი ნინო სამნიძე.

ზუსტ მეცნიერებათა და განათლების ფაკულტეტის ფიზიკის დეპარტამენტის ასოცირებულმა პროფესორმა ზაურ გამიშიძემ ბათუმის №6 ფიზიკა-მათემატიკის საჯარო სკოლაში მოსწავლეებისთვის ლექცია წაიკითხა თემაზე: „ფიზიკა საზღვრების გარეშე“. ასოცირებული პროფესორი ზაურ გამიშიძე მოსწავლეებს ესაუბრა ნანოსამყაროში მიმდინარე მნიშვნელოვანი მოვლენების, ნანონაწილაკების სინთეზის მარტივი მეთოდების და მათ საფუძველზე მიღებული ნანომასალების მეცნიერებისა და ტექნოლოგიების სხვადასხვა სფეროში გამოყენების საკითხებზე. შეხვედრის ფარგლებში, მოსწავლეებმა წარმოადგინეს მოსწავლე გამომგონებელთა და მკვლევართა კონკურსზე „ლეონარდო და ვინჩი“ წარსადგენი პროექტი „ელექტროლიზის საშუალებით ნანონაწილაკების სინთეზი“.

ზუსტ მეცნიერებათა და განათლების ფაკულტეტზე არსებულმა ინოვაციათა ლაბორატორიამ ხელვაჩაურის #1 საჯარო სკოლის, ბათუმის #13 და და #22 საჯარო სკოლების მოსწავლეებსა და მათემატიკის პედაგოგებს უმასპინძლა. ბსუ-ს ინოვაციათა ლაბორატორიაში მოსწავლე ახალგაზრდები გაეცნენ საერთაშორისო საგანმანათლებლო რესურსის CK 12-ის გამოყენების შესაძლებლობებს. 3-საათიანი ტრენინგის ფარგლებში მოსწავლეებმა შეისწავლეს STEM-ის მიმართულებით ინოვაციური პროექტების დაგეგმვის, საგანმანათლებლო პროცესში სიმულაციების გამოყენების შესაძლებლობები.

8-12 აპრილს ბათუმის შოთა რუსთველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ასოცირებული პროფესორი ნინო სვანიძე „ერაზმუს+“-ის გაცვლითი პროგრამის ფარგლებში აკადემიური მობილობით კროსნოს კარპატების სახელმწიფო კოლეჯში (პოლონეთი) იმყოფებოდა. ნინო სვანიძემ „სადაზღვევო მათემატიკაში“ მენეჯმენტის სპეციალობის სტუდენტებისათვის ლექციათა კურსი წაიკითხა.