ჰუმანიტარულ მეცნიერებათა ფაკულტეტის, განათლებისა და ზუსტ მეცნიერებათა ფაკულტეტის ენებისა და საინფორმაციო ცენტრის და გერმანული აკადემიური გაცვლითი სამსახურის (DAAD) ორგანიზებით და საქარველოს გერმანული ენის მასწავლებელთა ასოციაციის მხარდაჭერით (DVG) ვორქშოპი ჩატარდა. ვორქშოპში მონაწილეობა მიიღეს ბათუმის N2 და N3 საჯარო სკოლების, კერძო სკოლა „ევრო 2000“-ისა და ქართულ-ამერიკული სკოლა „პროგრესის“ გერმანული ენის მცოდნე მოსწავლეებმა. ჰუმანიტარულ მეცნიერებათა ფაკულტეტის დეკანმა, ასოცირებულმა პროფესორმა თეონა ბერიძემ მოსწავლეებს გააცნო გერმანული ფილოლოგიის საბაკალავრო საგანმანათლებლო პროგრამა.

გერმანიის აკადემიური გაცვლის სამსახურის (DAAD) ორგანიზებით, ჰუმანიტარულ მეცნიერებათა ფაკულტეტის და ზუსტ მეცნიერებათა და განათლების ფაკულტეტის ენებისა და საინფორმაციო ტექნოლოგიების ცენტრის გერმანული ენის პროფესორ- მასწავლებელებისათვის ჩატარდა საინფორმაციო შეხვედრა. DAAD-ის წარმომადგენელმა მაქსი ბორნმანმა შეხვედრის მონაწილეებს გააცნო პროექტი „Dhoch3“, რომელიც მოიცავს მეთოდურ-დიდაქტიკური ხასიათის მოდულარულ სწავლა-სწავლებას. აღნიშნულ პროგრამაზე დარეგისტრირებულ პროფესორ-მასწავლებლებს შესაძლებლობა ექნებათ, ისარგებლონ „Dhoch3“ მუდლის პლატფორმაზე განთავსებული სასწავლო მასალებით.

8-12 მაისს „ერაზმუს+“-ის PEERS-ის გაცვლითი პროგრამის აკადემიური მობილობის ფარგლებში, ბათუმის შოთა რუსთაველის სახელმწიფო უნივერსიტეტის ასოცირებული პროფესორი ჟუჟუნა გუმბარიძე იმყოფებოდა ავეიროს უნივერსიტეტში (პორტუგალია). ჟუჟუნა გუმბარიძემ ჩაატარა ლექციები ჰუმანიტარული მეცნიერებების თარგმანცმოდნეობის საბაკალავრო საგანმანათლებლო პროგრამის პირველი, მეორე და მესამე კურსის სტუდენტებისათვის თემებზე: „ქართული სინამდვილე პოსტკოლონიურ პერიოდში", „თარგმანში დაკარგული ეროვნულ-კულტურული იდენტობა", „საბჭოთა რეპრესიები და ჯინსების თაობა" და „კაცია ადამიანი?" - მარადიული პრობლემა ადამიანის ცხოვრების არსისა".

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტს სტრასბურგის უნივერსიტეტის ჟურნალისტური განათლების საუნივერსიტეტო ცენტრის (Centre universitaire d`enseignement du journalisme - CUEJ) სტუდენტები ეწვივნენ. ოთხი დღის განმავლობაში ბსუ-ს „ციფრული მედიისა და ინოვაციების“ სამაგისტრო პროგრამის, თსუ-სა და GIPA-ს სტუდენტები უცხოელ სტუდენტებთან ერთად, წერილობით და აუდიოვიზუალურ არაერთ ჟურნალისტურ მასალას მოამზადებენ.

8-12 მაისს ჰუმანიტარულ მეცნიერებათა ფაკულტეტის ინიცირებითა და უნივერსიტეტის ხარისხის უზრუნველყოფის სამსახურის ორგანიზებით, პროფესორ-მასწავლებლებისთვის ტრენინგ-კურსი ტარდება თემაზე: ამობრუნებული საკლასო ოთახის (Flipped Classroom) მოდელი. ტრენინგის მონაწილეების შეისწავლიან თანამშრომლობითი სწავლის ხელშემწყობი მიდგომებს, აქტიური სწავლის ტექნიკასა და ელექტრონული სწავლების ხელსაწყოებს. პროფესორ-მასწავლებლები გაეცნობიან, რა არის აქტიური სწავლა და რატომაა მისი დანერგვა მიზანშეწონილი ახალ თაობასთან მუშაობაში; გააცნობიერებენ, როგორი უპირატესობები აქვს ამობრუნებულ საკლასო ოთახს ონლაინ-სწავლების ფორმატში და რატომაა იგი უფრო შედეგიანი, ვიდრე ტრადიციული საკლასო ოთახი.