ბათუმის შოთა რუსთაველის სახელმწიფო უნივერსიტეტის საპატიო დოქტორმა, პროფესორმა კარლ კასერმა საჯარო ლექცია წაიკითხა თემაზე: „XXI საუკუნის გამოწვევა - ვიზუალური კულტურის კვლევა შავი ზღვის რეგიონში“. მომხსენებელმა ლექციაზე ვიზუალური კულტურის კვლევის სამი ეტაპი წარმოადგინა. პროფესორმა კარლ კასერმა განიხილა პრესეკულარული ისტორია ვიზუალური კულტურების რელიგიურ ჭრილში, კინემატოგრაფია და კულტურა თანამედროვე ცხოვრებაში, რეალობისა და უტოპიის შეპირისპირება და გენდერის გავლენა ციფრულ სამყაროზე. ცნობილი მკვლევარი ვიზუალური ანთროპოლოგიის ერთერთი დამფუძნებელია ევროპულ სამეცნიერო სივრცეში.

ფილოსოფიის მეცნიერებათა დოქტორს, გრაცის უნივერსიტეტის ისტორიისა და ანთროპოლოგიის პროფესორს, ისტორიის ინსტიტუტის ხელმძღვანელს კარლ კასერს ბათუმის შოთა რუსთაველის სახელმწიფო უნივერსიტეტის აკადემიურმა საბჭომ საპატიო დოქტორის წოდება მიანიჭა. პროფესორ კარლ კასერს დიდი წვლილი მიუძღვის უნივერსიტეტის განვითარებასა და მომავალი თაობების აღზრდაში. ცნობილი მეცნიერის სახელს უკავშირდება ევროპულ სამეცნიერო სივრცეში ვიზუალური ანთროპოლოგიის განვითარება და ბსუ-ში ამ მიმართულებით კვლევების ჩატარება. მკვლევარი არის 11 მნიშვნელოვანი მონოგრაფიისა და მრავალი სამეცნიერო სტატიის ავტორი.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის 2019-2020 სასწავლო წლის სტიპენდიების კონკურსი დასრულდა. პროფესორ როლანდი კომახიძის სახელობითი სტიპენდია მიენიჭა თალიკო დავითაძეს (ლინგვისტიკა, მაგისტრატურა), პროფესორ აბელ სურგულაძის სახელობითი სტიპენდია მარიამ ბურკენაძეს (ინგლისური ფილოლოგია, ბაკალავრიატი). პროფესორ დავით ხახუტაიშვილის სახელობის სტიპენდია მოიპოვა გიორგი ბაციკაძემ ( ისტორია, ბაკალვრიატი) ხოლო სელიმ ხიმშიაშვილის სახელობითი სტიპენდია - თებრონე ფაღავას (ისტორია, ბაკალავრიატი). ახალგაზრდა სტიპენდიანტებს ვულოცავთ გამარჯვებას და ვუსურვებთ წარმატებებს!

ბათუმის შოთა რუსთველის სახელმწიფო უნივერსიტეტს საფრანგეთის ელჩი საქართველოში დიეგო კოლასი ეწვია. უნივერსიტეტის რექტორთან მერაბ ხალვაშთან გამართულ გაცნობითი ხასიათის შეხვედრაზე დიპლომატიური კორპუსის წარმომადგენელმა ორი ქვეყნის კულტურულ-საგანმანათლებლო ურთიერთობებზე, სამომავლო თანამშრომლობის მიმართულებებსა და გაცვლით პროგრამებზე ისაუბრა. დაიგეგმა ტურიზმის მიმართულებით ერთობლივი საგანმანათლებლო პროგრამის განხორციელება. საფრანგეთის ელჩი საქართველოში დიეგო კოლასი ვიზიტ ფარგლებში ასევე ჰუმანიტარულ მეცნიერებათა ფაკულტეტის სტუდენტებს, პროფესორ-მასწავლებლებს შეხვდა და საელჩოს მისია, მიზნები, ამოცანები გააცნო. შეხვედრის დასასრულს საფრანგეთის ელჩმა შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტზე ბაკალავრიატისა და მაგისტრატურის საგანმანათლებლო პროგრამების სტუდენტებისთვის გამოცხადდა კონკურსი პროფ. როლანდ კომახიძის, პროფ. აბელ სურგულაძის, პროფ. დავით ხახუტაიშვილის და სელიმ ხიმშიაშვილის სახელობითი სტიპენდიების მოსაპოვებლად.
კონკურსში მონაწილეობის მიზნით კონკურსანტებმა 2019 წლის 21 ოქტომბრიდან 31 ოქტომბრის ჩათვლით 10:00 საათიდან 16:00 საათამდე ჰუმანიტარულ მეცნიერებათა ფაკულტეტის დეკანის ოფისში (სამდივნო), ოთახი №40 უნდა წარადგინონ.