1 ივნისს ბიოლოგიის I კურსის სტუდენტებმა საბუნებისმეტყველო მეცნიერებათა და ჯანდაცვის ფაკულტეტის დეკანატის და ბიოლოგიის დეპარტამენტის ორგანიზებით წმინდა მატათა მოციქულის სახელობის გიმნაზია-პანსიონის აღსაზრდელებს ბავშვთა დაცვის საერთაშორისო დღე მიულოცეს და საჩუქრად სათამაშოები და ტკბილეულობა მიუტანეს. შეხვედრის დასასრულს, სტუდენტებმა და გიმნაზია-პანსიონის აღსაზრდელებმა ერთობლივი კონცერტი გამართეს.

ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტის სტუდენტები ქუთაისის აკაკი წერეთლის სახელმწიფო უნივერსიტეტში გამართულ „სტუდენტ-მედიკოსთა სამეცნიერო კონფერენციაში მონაწილეობდნენ. კონფერენციაზე სახელწოდებით „მედეა’’ , ქართველი და უცხოელი სტუდენტების ნაშრომების წარდგინება თეორიული მედიცინის, სტომატოლოგიისა და ფარმაციის სესიებში მიმდინარეობდა.

თამბაქოსთან ბრძოლის მსოფლიო დღისადმი მიძღვნილი კონფერენცია „თამბაქო - საფრთხე განვითარებისთვის“. სესიის მიზანი იყო მოზარდთა ცნობიერების ამაღლება თამბაქოს მოხმარებით გამოწვეული დაავადებების, ფსიქოლოგიური და ეკონომიკური პრობლემების, მავნე ჩვევების დაძლევისა და ჯანსაღი ცხოვრების შესახებ. გაიმართა. ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებმა: თეონა დავითაძემ, მაკა ქათამაძე, რიმა კირიაკიდმა და მარია სარხანიანმა კონფერენციაზე წარადგინეს პრეზენტაციები. ასევე შედგა მოსწავლეების მიერ გადაღებული ვიდეორგოლების ჩვენება და ნახატების გამოფენა. ღონისძიება აჭარის საზოგადოებრივი ჯანდაცვის ცენტრის ორგანიზებით გაიმართა.

საქართველოს საბუნებისმეტყველო მეცნიერებათა აკადემიის ნამდვილმა წევრმა, ევროპის სამედიცინო სექსოლოგიის საზოგადოებასთან (ESSM) აფილირებული ეროვნული გაერთიანების (NAS) - საქართველოს სამედიცინო სექსოლოგიის საზოგადოების პრეზიდენტმა, პროფესორმა ზურაბ მარშანიამ საჯარო ლექცია წაიკითხა თემაზე: „ქალის მწვავე სექსუალური ტკივილის/პენეტრაციის აშლილობა“. ექიმ-სექსოლოგმა, მედიცინის დოქტორმა ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებს დაავადების გამომწვევი მიზეზები და მისი მკურნალობის შესაძლებლობები გააცნო.

ყარაგანდის სამედიცინო უნივერსიტეტის მიკრობიოლოგიის დეპარტამენტის პროფესორებმა აბდულინა გალია ამერბეკოვმა და ახმეტოვა საულე ბალტაბაევნამ მედიცინის პროგრამის სტუდენტებისთვის წაიკითხეს საჯარო ლექციები და ჩაატარეს პრაქტიკული და ლაბორატორიული კურსი მიკრობიოლოგიაში. ლექციების კურსი მოიცავდა შემდეგ საკითხებს: კლინიკური ბაქტერიოლოგია, მიკროორგანიზმების ეკოლოგია, ადამიანის ნორმალური მიკროფლორა და ჰოსპიტალური ინფექციები. ყარაგანდელმა ბიოოლოგებმა მომავალი მედიკოსებისათვის ასევე, ჩაატარეს მასტერკლასი მიკრობიოლოგიის აქტუალურ თემებზე. ღონისძიებები ბათუმის შოთა რუსთაველის სახელმწიფო უნივერსიტეტსა და ყარაგანდის სახელმწიფო სამედიცინო უნივერსიტეტს შორის გაფორმებული მემორანდუმის ფარგლებში გაიმართა.