8-9 ივნისს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტები (საბუღალტრო-საგადასახადო საქმე II კურსი და ფინანსები III კურსი) ასისტენტ პროფესორ რამინ ცინარიძის ორგანიზებით სასწავლო კურსის ფარგლებში აჭარაში არსებულ საბაჟო გამშვებ პუნქტებს: „ბათუმის პორტი“, „სარფის საბაჟო“ და გაფორმების ეკონომიკურ ზონას „ბათუმი" (ადლია) ეწვივნენ. სტუდენტებმა გამშვები პუნქტები დაათვალიერეს და საბაჟო საზღვრის კვეთის პროცედურებს, პორტში ტვირთების მიღების სპეციფიკას, ფიზიკური პირის, საქონლისა და სატრანსპორტო საშუალებათა დათვალიერებას (სკანირებას), იდენტიფიკაციას და დეკლარაციების შევსების წესს პრაქტიკულად გაეცნენ.

ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენციის ფარგლებში 4 (ეკონიმიკის სექცია ორი დღის განრიგით მუშაობდა) სექციით იყო წარმოდგენილი ეკონომიკისა და ბიზნესის ფაკულტეტის სტუდენტთა სამეცნიერო კონფერენცია. კონფერენციაში მონაწილეობა მიიღო ბაკალავრიატის, მაგისტრატურისა და დოქტორანტურის 38 სტუდენტმა. მომხსენებლებმა ნაშრომები წარმოადგინეს მენეჯმენტის, მარკეტინგის, ეკონომიკის, ფინანსების, გადასახადების, აუდიტის, საბანკო და საბაჟო სფეროს მიმართულებით.

ბათუმის შოთა რუსთაველის სახელმწიფო უნივერსიტეტში ეკონომიკის დოქტორმა, საქართველოს ტექნიკური უნივერსიტეტის ასოცირებულმა პროფესორმა რატი აბულაძემ ეკონომიკისა და ბიზნესის ფაკულტეტის სტუდენტებისათვის საჯარო ლექცია გამართა თემაზე: „ ელექტრონული მმართველობის როლი რეგიონის განვითარებაში: ელექტრონული მთავრობა და ელექტრონული ბიზნესი’’.

ბათუმის შოთა რუსთაველის უნივერსიტეტის ეკონომიკისა და ბიზნესის ფაკულტეტის სტუდენტებისა და პროფესორ-მასწავლებლებისათვის საფინანსო ორგანიზაცია „ელთ კომპანიის" წარდგინება გაიმართა. ორგანიზაციის დამფუძნებელმა და წარმომადგენლებმა ღონისძიებაზე საფინანსო კომპანიის ისტორია, მიღწევები, მიზნები და კომპანიის ბიზნესგანვითარების ტენდენცია - შვილობილი სამშენებლო და დეველოპერული კომპანია „ელთ ბილდინგისა“ და ტურისტული კომპანია „ელთტრანსფერის“ სამომავლო გეგმები წარმოადგინეს. ბათუმის შოთა რუსთაველის უნივერსიტეტის ეკონომიკისა და ბიზნესის ფაკულტეტსა და „ელთ კომპანიას“ შორის თანამშრომლობის მემორანდუმი გაფორმდა.

ტალანტების მოზიდვისა და განვითარების პროგრამა - InPort-ის წარდგინება გაიმართა ბათუმის შოთა რუსთაველის სახელმწიფო უნივერსიტეტში. დამამთავრებელი კურსის სტუდენტებს შესაძლებლობა ეძლევათ ანაზღაურებადი ხუთთვიანი სტაჟირება გაიარონ ფოთის საზღვაო ნავსადგურში. პროექტის მიზანია ფუნქციური ცოდნის, სწორი მიდგომების, სიახლეების ათვისების უნარისა და პოტენციალის მქონე ტალანტების მოზიდვა და განვითარება. ინტენსიური და მრავალმხრივი განვითარების პროგრამა მოიცავს პრაქტიკულ დავალებებს, დისკუსიებს, გუნდურ სამუშაოებს და სამუშაო ადგილზე სწავლებას ფოთის საზღვაო ნავსადგურში.