ბათუმის შოთა რუსთაველის სახელმწიფო უნივერსიტეტის რექტორის მოადგილე, პროფესორი ნათია წიკლაშვილი ერასმუს+ის ფარგლებში, 15-19 მაისს, პოლონეთში, ვროცლავის უმაღლეს საფინანსო სკოლაში იმყოფებოდა საერთაშორისო პერსონალის კვირეულში მონაწილეობის მისაღებად. ამერიკელ, ხორვატ, რუმინელ, თურქ, მექსიკელ და პოლონელ კოლეგებთან გამართულ შეხვედრებზე ერთობლივი პროექტების განხორციელება დაიგეგმა. პროფესორმა ნათია წიკლაშვილმა ასევე ლექციების ციკლი ჩაატარა თემაზე: „საქართველოს შრომის ბაზარი: პრობლემები და გამოწვევები“.

უმანის პავლე ტიჩინის სახელობის სახელმწიფო პედაგოგიურ უნივერსიტეტში (უკრაინა) საერთაშორისო სამეცნიერო-პრაქტიკული კონფერენცია გაიმართა თემაზე: „ეკონომიკა და მართვა XXI-ე საუკუნეში: განვითარების გამოწვევები და პერსპექტივები“. კონფერენციაში მონაწილეობა მიიღეს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასოცირებულმა პროფესორებმა: ია მესხიძემ, დავით ქათამაძემ, გულიკო ქათამაძემ, და ასისტენტ პროფესორმა ნატო ჯაბნიძემ. კონფერენციაზე სხვადასხვა ქვეყნის ექსპერტებისა და მკვლევარების მიერ წარმოებული კვლევების შედეგები იქნა წარმოდგენილი.
ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის წარმომადგენლები შეხვდნენ უმანის პავლე ტიჩინის სახელობის სახელმწიფო პედაგოდიურ უნივერსიტეტის ხელმძღვანელობას და სამომავლო ურთიერთთანამშრომლობის მემორანდუმი გააფორმეს.

ბაქოს ბიზნესის უნივერსიტეტში აზერბაიჯანის პირველი პრეზიდენტის ჰეიდარ ალიევის დაბადებიდან 94 წლის იუბილესადმი მიძღვნილი ორდღიანი საერთაშორისო სამეცნიერო-პრაქტიკული კონფერენცია გაიმართა თემაზე: „ეფექტიანი რეფორმები და წარმატებული შედეგები: რეალობა, პერსპექტივები“. ბათუმის შოთა რუსთაველის სახელმწიფო უნივერსიტეტი პარტნიორ უმაღლეს საგანმანათლებლო დაწესებულებაში გამართული კონფერენციის მუშაობაში მონაწილეობა მიიღეს ეკონომიკისა და ბიზნესის ფაკულტეტის ასოცირებულმა პროფესორმა ბადრი გეჩბაიამ, პროფესორმა გელა მამულაძემ და ტექნოლოგიური ფაკულტეტის ასისტენტ პროფესორმა ქეთევან გოლეთიანმა. სხვადასხვა ქვეყნის მკვლევარებმა და ექსპერტებმა ბოლო რამდენიმე წლის განმავლობაში წარმოებული კვლევის შედეგები წარმოადგინეს.

22-23 აპრილს, ა(ა)იპ "ახალგაზრდა ბათუმელთა კავშირმა" ეკონომიკისა და ბიზნესის ფაკულტეტის ხელშეწყობით, ორი დღის განმავლობაში ტრენინგი გამართა საპარლამენტო ფორმატის დებატების ტექნიკაში სტუდენტებისთვის.
ტრენინგში 40-ზე მეტი სხვადასხვა უმაღლესი სასწავლებლის სტუდენტი მონაწილეობდა, მათ შორის ეკონომიკისა და ბიზნესის ფაკულტეტის სტუდენტები. შეხვედრების დასრულების შემდეგ, 29-30 აპრილს გაიმართება სტუდენტური ტურნირი საპარლამენტო დებატების ფორმატში, გამოვლინდებიან გამარჯვებული გუნდები და ტოპ-სპიკერები.

ტემპუსის საგრანტო პროექტის „ინტერნაციონალიზაციისთვის ხელშეწყობა უმაღლეს სასწავლო დაწესებულებებში მეზობელ აღმოსავლეთის ქვეყნებში, კულტურული და სტრუქტურული ცვლილებების გზით“ (”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ფარგლებში ერევნის სახელმწიფო უნივერსიტეტში მესამე სამეცნიერო კონფერენცია “უნივერსიტეტების ინტერნაციონალიზაცია: სტრატეგიული ხედვა და ხარისხის უზრუნვლყოფა” გაიმართა. კონფერენციის მუშაობაში მონაწილეობა მიიღეს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასისტენტ-პროფესორებმა ნოდარ ფუტკარაძემ და ლილით მელოიან-ფუტკარაძემ.