ბსუ-ს რექტორი მერაბ ხალვაში და აჭარის ა.რ. აუდიტის დეპარტამენტის უფროსის მოადგილე ჰენრი სანიკიძე პროექტის „გახდი აუდიტორი“ მონაწილე სტუდენტებს შეხვდნენ, პროექტში მონაწილეობის შედეგები შეაფასეს და სერტიფიკატები გადასცეს. „გახდი აუდიტორი“ საჯარო აუდიტის ინსტიტუტისა და საერთაშორისო აუდიტორული კომპანიების ერთობლივი პროექტია, რომლის მიზანია ახალგაზრდების კარიერული განვითარებისა და პროფესიული უნარების განვითარების ხელშეწყობა. სსიპ - საჯარო აუდიტის პროექტში „გახდი აუდიტორი“ მონაწილეობა მიიღეს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებმა ნათია არძენაძემ და ასლან კომახიძემ.

15-20 მაისს ბსუ-ს ეკონომიკისა და ბიზნესის ფაკულტეტის ეკონომიკის დარგობრივი დეპარტამენტის ასისტენტი ნინო კონცელიძე „ერაზმუს+“-ის გაცვლითი პროგრამის ფარგლებში, იმყოფებოდა ბულგარეთში, ქალაქ სვიშტოვის დ. ცენოვის სახელობის ეკონომიკის აკადემიაში. ვიზიტის ფარგლებში ნინო კონცელიძემ აკადემიის ეკონომიკის ფაკულტეტის სტუდენტებს ჩაუტარა ლექციები შემდეგ თემატიკაზე: „განათლების გავლენა ეკონომიკურ ზრდაზე, ონლაინ განათლების ნაკლოვანებები და უპირატესობები“, „DCFTA და მისი გავლენა საქართველოს ინოვაციურ ეკონომიკაზე“, და „საქართველოს საგარეო ვაჭრობის დინამიკა და DCFTA“. მასპინძელი უნივერსიტეტის აკადემიურ და ადმინისტრაციულ პირებთან დაიგეგმა სამომავლო თანამშრომლობის პერსპექტივები.

ბსუ-ს ეკონომიკისა და ბიზნესის ფაკულტეტს ქვემო სილეზიის (პოლონეთი) მარშალის ოფისის საერთაშორისო ურთიერთობებისა და პროტოკოლის სამსახურის უფროსი ალექსანდრა მიროვსკა პიალუჩა, ვროცლავის ეკონომიკისა და ბიზნესის უნივერსიტეტის კარიერული მომსახურების ცენტრის დირექტორი ალლა ვიტვიჩკა დუდეკი და ბიზნესთან თანამშრომლობის ცენტრის ხელმღვანელი ანნა ბარდაკოვა ესტუმრა. შეხვედრას ესწრებოდნენ ფაკულტეტის აკადემიური და ადმინისტრაციული პირები. მასპინძლებმა სტუმრებს გააცნეს უნივერსიტეტის შესახებ ინფორმაცია, ეკონომიკისა და ბიზნესის ფაკულტეტის საგანმანათლებლო პროგრამები, ფაკულტეტის აკადემიური და სამეცნიერო აქტივობები. მხარეებმა ისაუბრეს და დასახეს სამომავლო თანამშრომლობის გეგმები საზაფხულო სკოლების, ერთობლივი სამეცნიერო აქტივობების და გაცვლითი პროგრამების განხორციელების შესახებ.

12-14 მაისს, საბერძნეთის ეგეოსის ზღვის უნივერსიტეტში გამართულ საერთაშორისო სამეცნიერო კონფერენციაში - ბალკანეთისა და აღმოსავლეთ ევროპის ქვეყნების ეკონომიკა, აჭარის ავტონომიური რესპუბლიკის განათლების, კულტურისა და სპორტის სამინისტროს „უმაღლესი განათლების ხელშეწყობის“ პროგრამის დაფინანსებით მონაწილეობა მიიღო ეკონომიკისა და ბიზნესის ფაკულტეტის ასოცირებულმა პროფესორმა გიორგი აბუსელიძემ. საერთაშორისო კონფერენციაზე გიორგი აბუსელიძემ წარადგინა მოხსენება თემაზე: „ადგილობრივი ბიუჯეტის შემოსავლების ფორმირება, რეალობა, გამოწვევები და პერსპექტივები საქართველოში: ემპირიული ანალიზი და ინოვაციური მიდგომები“. ფორუმის დასრულების შემდეგ დაიგეგმა ერთობლივი კვლევების და სხვადასხვა სამეცნიერო აქტივობის ორგანიზება და განხორციელება.

ეკონომიკისა და ბიზნესის ფაკულტეტის დეკანი, პროფესორი ნათია წიკლაშვილი და დეკანის თანაშემწე, ასისტენტ-პროფესორი თამარ ფოლადაშვილი სამუშაო შეხვედრით იმყოფებოდნენ ლატვიის სიცოცხლის მეცნიერებათა და ტექნოლოგიურ უნივერსიტეტში. შეხვედრას ესწრებოდნენ ამავე უნივერსიტეტის რექტორი, პროფესორი ირინა პილვერე, ეკონომიკისა და სოციალური განვითარების ფაკულტეტის დეკანი, პროფესორი ანდრა ზვირბულე და საერთაშორისო ურთიეროთბების სამსახურის ხელმძღვანელი ვალდემარს ბარისი. ვიზიტის ფარგლებში დაიგეგმა უნივერსიტეტებს შორის გაცვლითი პროგრამების განხორციელება, ერთობლივი და ორმაგი პროგრამების შემუშავება, სტუდენტთა პრაქტიკისა და სხვა სასწავლო და სამეცნიერო კომპონენტების დაახლოება.